គ្រូពេទ្យជួរមុខរបស់ឥណ្ឌាអស់កម្លាំងនិងមានការភ័យខ្លាចនៅក្នុងសមរភូមិកូវីដ-១៩

វិទ្យុជាតិកម្ពុជា ៖ កញ្ញា ខៀវ ណាវីន

បរទេស ៖ ក្រុមគ្រូពេទ្យជួរមុខជាច្រើននាក់នៅប្រទេសឥណ្ឌាមានការភ័យខ្លាចសម្រាប់ជីវិតរបស់ពួកគេដោយប្រាក់ខែទាប ការផ្លាស់ប្តូរវេន២៤ម៉ោង កង្វះបុគ្គលិក និងឧបករណ៍ការពារ។ នេះបើយោងតាមការចេញផ្សាយដោយសារព័ត៌មាន CNA នៅថ្ងៃពុធ ទី០២ ខែមិថុនា។

   ទោះបីការកើនឡើងនៃកូវីដ-១៩ ចុងក្រោយបង្អស់របស់ឥណ្ឌាបានធូរស្រាលនាពេលថ្មីៗនេះក៏ដោយក៏មានមនុស្សប្រហែល ៣.០០០ នាក់នៅតែស្លាប់ជារៀងរាល់ថ្ងៃហើយប្រព័ន្ធថែទាំសុខភាពដែលមានប្រាក់ឧបត្ថម្ភនៅតែស្ថិតក្រោមសម្ពាធយ៉ាងខ្លាំង។
សមាគមវេជ្ជសាស្ត្រឥណ្ឌាបាននិយាយថាវេជ្ជបណ្ឌិតជាង ១២០០នាក់បានស្លាប់ដោយសារជំងឺកូវីដ-១៩ ចាប់តាំងពីការរាតត្បាតនៃវីរុសនេះ។
    វេជ្ជបណ្ឌិត Deependra Garg ដែលធ្វើការនៅជាយក្រុងញ៉ូដេលីបាននិយាយថា “យើងស្ថិតនៅជួរមុខ ២៤/៧ ។ យើងប្រឈមនឹងការផ្ទុកវីរុសខ្ពស់ ប៉ុន្តែយើងត្រូវតែបន្តធ្វើការព្រោះយើងបានជ្រើសរើសវិជ្ជាជីវៈនេះ" ។ "យើងគ្មានជម្រើសទេ" ។
    វេជ្ជបណ្ឌិតShekhar Kumar ធ្វើការនៅមន្ទីរពេទ្យឯកជនមួយនៅភាគខាងជើងនៃរដ្ឋUttar Pradesh បាននិយាយថាបុគ្គលិកក្មេងៗនិងនិស្សិតពេទ្យឆ្នាំចុងក្រោយពេលខ្លះត្រូវធ្វើការ ២៤ ម៉ោង។ គាត់បាននិយាយទៀតថា ប្រសិនបើគ្រូពេទ្យមិនអាចជួយសង្គ្រោះជីវិតរបស់ពួកគេបានតើពួកគេនឹងជួយសង្គ្រោះជីវិតអ្នកដទៃយ៉ាងដូចម្តេច?៕