កូរ៉េខាងត្បូងរាយការណ៍ពីចំនួនអ្នកឆ្លងកូវីដ-១៩ ប្រចាំ ថ្ងៃខ្ពស់បំផុតចំពេលមានរលកទី ៤

វិទ្យុជាតិកម្ពុជា ៖ កញ្ញា ខៀវ ណាវីន

អន្តរជាតិ៖ នៅថ្ងៃពុធនេះប្រទេសកូរ៉េខាងត្បូងបានរាយការណ៍ករណីកូវីដ-១៩ ថ្មីចំនួន ១,៨៩៦ ករណីសម្រាប់ថ្ងៃអង្គារដែលជាការកើនឡើងប្រចាំថ្ងៃខ្ពស់បំផុតមិនធ្លាប់មានរបស់ប្រទេសនេះនៅពេលដែលខ្លួនកំពុងព្យាយាមទប់ស្កាត់ការផ្ទុះឡើងនូវរលកនៃការផ្ទុះឡើងជាលើកទី ៤ ។ 

នេះបើយោងតាមការចេញផ្សាយដោយសារព័ត៌មាន Reutersនៅថ្ងៃទី២៨ ខែកក្កដានេះ។

   ចំនួនសរុបប្រចាំថ្ងៃបានបំបែកកំណត់ត្រាមុនកាលពីថ្ងៃទី ២២ ខែកក្កដា ខណៈការឆ្លងកំពុងរីករាលដាលហួសពីរដ្ឋធានីសេអ៊ូលនិងតំបន់ជិត ខាងរបស់ខ្លួន ដែលជាកន្លែងដែលមានវិធានការឃ្លាតឆ្ងាយពីសង្គម។ 

    យោងតាមទីភ្នាក់ងារត្រួត ពិនិត្យនិងបង្ការជំងឺរបស់ប្រទេសកូរ៉េ (KDCA) បានឱ្យដឹងថា មានករណីឆ្លងក្នុងស្រុកចំនួន ១,៨២៣ ករណីនៅថ្ងៃអង្គារ និង ៣៣.៥% ឬ ៦១១ នៃករណីទាំងនេះគឺមកពីតំបន់នៅក្រៅតំបន់រដ្ឋធានី។ នេះជាលើកទីមួយហើយដែលករណីនៅខាងក្រៅតំបន់ទីប្រជុំជនសេអ៊ូលមានលើសពី ៦០០ ករណីចាប់តាំងពីជំងឺកូវីដ-១៩ លេចចេញពីព្រះវិហារមួយនៅភាគអាគ្នេយ៍ទីក្រុងដេហ្គុ។ ការរឹតបន្តឹងឃ្លាតឆ្ងាយពីសង្គមបានចូលជាធរមាននៅទូទាំងប្រទេសនៅថ្ងៃអង្គារហើយនឹងមានរយៈពេលពីរសប្តាហ៍។ តំបន់ទាំងនោះនឹងស្ថិតនៅក្រោមកម្រិតទី ៣ លើកម្រិតទី៤ដែលមានន័យថា កំណត់ត្រឹមម៉ោង ១០ ។ 

 បម្រាមគោចរមានការបរិភោគនិងហាមការជួបជុំមនុស្សច្រើនជាង ៤ នាក់។ ការរឹត ត្បិតតឹងតែងត្រូវបានអនុម័តដើម្បីការពារការរីករាលដាលក្នុងអំឡុងរដូវឈប់សម្រាកនៅរដូវក្តៅរបស់ប្រទេសកូរ៉េខាងត្បូង។ ទីក្រុងសេអ៊ូលនៅតែស្ថិតនៅក្រោមកម្រិតទី ៤ ដែលរួមបញ្ចូលទាំងការហាមឃាត់ការប្រមូលផ្តុំមនុស្សច្រើនជាង ២ នាក់បន្ទាប់ពីម៉ោង ៦ ល្ងាច៕