ប្រទេសវៀតណាមនឹងបន្តការបិទប្រទេសទូទាំងតំបន់ភាគខាងត្បូង ខណៈជំងឺកូវីដ-១៩ នៅតែបន្តការកើនឡើង

វិទ្យុជាតិកម្ពុជា ៖កញ្ញា ខៀវ ណាវីន 

អន្តរជាតិ៖ រដ្ឋាភិបាលបាននិយាយថា ចាប់ពីថ្ងៃច័ន្ទនេះនឹងពង្រីកការរឹតបន្តឹងលើចលនានៅក្នុងមជ្ឈមណ្ឌលពាណិជ្ជកម្មរបស់ខ្លួនក្នុងទីក្រុងហូជីមិញនិងខេត្តចំនួន១៨ ផ្សេងទៀតនៅទូទាំងភាគខាងត្បូងរបស់ខ្លួនរយៈពេលពីរសប្តាហ៍ទៀតដើម្បីជួយប្រយុទ្ធប្រឆាំងនឹងការផ្ទុះឡើងនៃជំងឺកូវីដ-១៩។ នេះបើយោងតាមការចេញ ផ្សាយដោយសារព័ត៌មាន Reuters ថ្ងៃទី០១ ខែសីហានេះ។ 

    អាជ្ញាធរបានចុះបញ្ជីករណីអ្នកឆ្លងសរុបមានចំនួន ១៤៥,០០០ ករណីនិងមានអ្នកស្លាប់ចំនួន ១,៣០៦ នាក់ដែលស្មើ ៨៥ភាគ ក្នុងរយៈ ពេលមួយខែចុងក្រោយនេះ។ 

  សេចក្តីថ្លែងការណ៍របស់រដ្ឋាភិ បាលមួយបាននិយាយកាលពីថ្ងៃសៅរ៍ថា“ អាជ្ញាធរទីក្រុងហូជីមិញនិងកន្លែងផ្សេងទៀត ត្រូវជំរុញឱ្យប្រជា ពលរដ្ឋស្នាក់នៅកន្លែងដែលពួកគេនៅនិងអនុវត្តតាមការរឹតបន្តឹង”។ ប្រទេសនេះបានរាយការណ៍ពីការឆ្លងថ្មីចំនួន ៨,៦២៤ ករណីនៅថ្ងៃសៅរ៍ដោយករណីភាគច្រើនត្រូវបានរកឃើញនៅភាគខាង ត្បូងជាពិសេសទីក្រុងហូជីមិញដែលវិធានការគម្លាតសង្គមត្រូវបានអនុវត្តចាប់តាំង ពីថ្ងៃទី ៣១ ខែឧសភា។

   លោក Vu Duc Dam ឧបនាយករដ្ឋមន្ត្រីនិងជាប្រធានក្រុមការងារពិសេសកូវីដ-១៩ បានមានប្រសាសន៍ថា “ការអនុវត្តវិធានការទប់ ស្កាត់នៅក្នុងតំបន់គឺបង្កើតខ្សែក្រវ៉ាត់សុវត្ថិភាពនៅជុំវិញទីក្រុងហូជីមិញនិងទប់ស្កាត់ការរីករាលដាលតទៅទៀត” ។ បច្ចុប្បន្នទីក្រុងហូជីមិញគឺជាចំណុចកណ្តាលរបស់វៀត ណាមដែលស្មើនឹង ៦៤ ភាគ រយ នៃការឆ្លងសរុបរបស់ប្រទេស។ ការលេចចេញជាថ្មីនៃមេរោគនេះបានជំរុញឱ្យរដ្ឋា ភិបាលពន្លឿនការចាក់វ៉ាក់ សាំង។ យុទ្ធនាការចាក់វ៉ាក់ សាំងនេះ បានពឹងផ្អែកយ៉ាងខ្លាំងទៅលើវ៉ាក់សាំងរបស់ក្រុមហ៊ុន AstraZeneca (AZN.L)។ ប្រទេសវៀត ណាមមានប្រជាជនចំនួន ៩៨ លាននាក់ហើយរហូតមកដល់ពេលនេះ ពួកគេបានចាក់វ៉ាក់ សាំងកូវីដ-១៩ ចំនួនជាង ៥លាន៩សែនដូសហើយប៉ុន្តែមានតែមនុស្សប្រមាណ ៥៨៩,០០០ នាក់ប៉ុណ្ណោះដែលត្រូវបានចាក់វ៉ាក់សាំងពេញលេញ៕