ទួរគីនិយាយថា ត្រូវការការជួសជុលអាកាសយានដ្ឋានកាប៊ុលមុនពេលការហោះហើរស៊ីវិលអាចចាប់ផ្តើម

វិទ្យុជាតិកម្ពុជា កញ្ញា ខៀវ ណាវីន 

អន្តរជាតិ៖ រដ្ឋមន្ត្រីការបរទេសទួរគឺលោក Mevlut Cavusoglu បាននិយាយថាទីក្រុងអង់ការ៉ាបានពិចារណាផ្តល់ជំនួយដល់តាលីបង់ដើម្បីដំណើរការព្រលានយន្តហោះនេះ។ នេះបើយោងតាមការចេញផ្សាយដោយសារព័ត៌ មាន Reuters នៅថ្ងៃទី ៣០ ខែសីហា ។ 

    ទីក្រុងអង់ការ៉ាបានពិភាក្សាជាមួយក្រុមតាលីបង់អំពីការផ្តល់ជំនួយបច្ចេកទេស ដើម្បីដំណើរការអាកាសយានដ្ឋានទីក្រុងកាប៊ុលបន្ទាប់ពីថ្ងៃផុត កំណត់ថ្ងៃទី ៣១ ខែសីហាសម្រាប់កងទ័ពចាកចេញពីអាហ្វហ្គានីស្ថាន ប៉ុន្តែបាននិយាយថា ការបំផ្ទុះគ្រាប់បែកនាពេលថ្មីៗនេះបានគូស បញ្ជាក់ពីតម្រូវការកងកម្លាំងទួរគីដើម្បីការពារអ្នកជំនាញណាដែលបានដាក់ពង្រាយនៅទីនោះ។ 

     លោក Cavusoglu បាននិយាយកាលពីថ្ងៃអាទិត្យថារបាយការណ៍ត្រួតពិនិត្យបានបង្ហាញផ្លូវរត់ប៉មនិងស្ថានីយរួមទាំងផ្នែកស៊ីវិលនៃអាកាស យានដ្ឋានត្រូវបានខូចខាតហើយទាំងនេះត្រូវការជួស ជុល។ ការរក្សាព្រលានយន្តហោះឱ្យបើកចំហបន្ទាប់ពីកង កម្លាំងបរទេសប្រគល់ការត្រួត ពិនិត្យមានសារសំខាន់មិនត្រឹមតែសម្រាប់អាហ្វហ្គានី ស្ថានក្នុងការភ្ជាប់ទំនាក់ទំនងជាមួយពិភពលោកប៉ុណ្ណោះទេប៉ុន្តែក៏ដើម្បីរក្សាការផ្គត់ផ្គង់ជំនួយនិងប្រតិបត្តិការផងដែរ។ 

    ថ្លែងនៅក្នុងសន្និសីទសារ ព័ត៌មានជាមួយសមភាគីអាឡឺម៉ង់លោក Cavusoglu បាននិយាយថា ដំបូងឡើយអាកាសយានដ្ឋានចាំបាច់ត្រូវដំណើរការដើម្បីជួយបញ្ជូនជំនួយមនុស្សធម៌ចូលក្នុងប្រទេសនិងបន្តការជម្លៀស។ 

ប្រធានាធិបតី Tayyip Erdogan បាននិយាយថាប្រទេសទួរគីមិនបានធ្វើការសម្រេចចិត្តចុងក្រោយអំពីដំណើរការអាកាសយានដ្ឋាននេះទេដោយសារតែបារម្ភពីសន្តិសុខហើយប្រទេសរបស់លោកមិនប្រញាប់ប្រញាល់ចាប់ផ្តើមហោះហើរម្តងទៀតទៅកាន់ទីក្រុងកាប៊ុលឡើយ។ បណ្តាប្រទេសណាតូបានដកបេសកកម្មការទូតរបស់ខ្លួននៅអាហ្វហ្កានីស្ថានបន្ទាប់ពីជ័យជំនះរបស់តាលីបង់នៅក្នុងប្រទេសនេះកាលពីពីរសប្តាហ៍មុន។ ទួរគីបានជម្លៀសជនស៊ីវិលនិងកងទ័ពចេញពីអាហ្វហ្គានីស្ថានលើកលែងតែក្រុមបច្ចេកទេសតូចមួយ៕