ក្រុមឧទ្ទាមឈរនៅជ្រលងភ្នំអាហ្វហ្គានីស្ថានខណៈក្រុមតាលីបង់បង្កើតរដ្ឋាភិបាលនៅទីក្រុងកាប៊ុល

វិទ្យុជាតិកម្ពុជា ៖ កញ្ញា ខៀវ ណាវីន 
អន្តរជាតិ ៖ កងកម្លាំងនិងក្រុមយុទ្ធជនតាលីបង់ដ៏ស្មោះត្រង់នឹងមេដឹកនាំក្នុងតំបន់ លោក Ahmad Massoud បានប្រយុទ្ធគ្នានៅជ្រលងភ្នំ Panjshir ប្រទេសអាហ្វហ្គានីស្ថាននៅថ្ងៃព្រហស្បតិ៍ទី ២ ខែកញ្ញាបន្ទាប់ពីរយៈពេលជាងពីរសប្តាហ៍ដែលក្រុមជីវពលតាលីបង់បានដណ្តើមអំណាចខណៈមេដឹកនាំតាលីបង់នៅក្នុងរដ្ឋធានីកាប៊ុលបានធ្វើការបង្កើតរដ្ឋាភិបាល។ 
នេះបើយោងតាមការចេញ ផ្សាយដោយសារព័ត៌មាន CNA ថ្ងៃទី០៣ ខែកញ្ញា។

     Panjshir គឺជាខេត្តចុង ក្រោយដែលប្រឆាំងនឹងការ គ្រប់គ្រងដោយពួកតាលីបង់ដែលបានកាន់កាប់ប្រទេសឡើងវិញនៅពេលដែលកង ទ័ពអាមេរិកនិងបរទេសបានដកថយក្រោយពីមានជម្លោះអស់រយៈពេល ២០ ឆ្នាំបន្ទាប់ពីការវាយប្រហារថ្ងៃទី ១១ ខែកញ្ញាឆ្នាំ ២០០១ មកលើសហរដ្ឋអាមេរិក។ 
    អ្នកនាំពាក្យតាលីបង់លោក Zabihullah Mujahid បាននិយាយថា “យើងបានចាប់ ផ្តើមប្រតិបត្តិការបន្ទាប់ពីការ ចរចាជាមួយក្រុមប្រដាប់អាវុធក្នុងតំបន់បានបរាជ័យ”។     លោកបាននិយាយថា យុទ្ធ ជនតាលីបង់បានចូលទៅក្នុង Panjshir ហើយបានកាន់ កាប់ទឹកដីខ្លះ។ ពួកគេបានទទួលការខាតបង់យ៉ាងធ្ងន់ ធ្ងរ។ អ្នកនាំពាក្យរបស់ក្រុមឧទ្ទាមរណសិរ្សតស៊ូជាតិអាហ្វហ្គានីស្ថាន (NRFA) បាននិយាយថា ខ្លួនមានការគ្រប់គ្រងពេញលេញលើគ្រប់ច្រកចេញចូលនិងបានរុញ ច្រានកិច្ចប្រឹងប្រែងដើម្បីដណ្តើមយកស្រុក Shotul មកវិញ។ លោក Mujahid បាននិយាយថា ការប្រកាសរដ្ឋាភិបាលថ្មីគឺនៅសល់តែប៉ុន្មានថ្ងៃទៀតប៉ុណ្ណោះខណៈមន្រ្តីតាលីបង់លោក អាម៉ាឌូឡាឡាមូតតាគី (Ahmadullah Muttaqi) បាននិយាយថា ពិធីមួយកំពុងត្រូវបានរៀបចំឡើងនៅវិមានប្រធានាធិបតី។ ភាពស្រប ច្បាប់របស់រដ្ឋាភិបាលក្នុងក្រសែភ្នែកម្ចាស់ជំនួយអន្តរ ជាតិនិងវិនិយោគិននឹងមានសារសំខាន់ណាស់សម្រាប់សេដ្ឋកិច្ចខណៈប្រទេសនេះប្រយុទ្ធប្រឆាំងនឹងគ្រោះរាំង ស្ងួតនិងការបំផ្លិចបំផ្លាញនៃ ជម្លោះដែលបានសម្លាប់ប្រជាជនអាហ្វហ្គានីប្រមាណ ២៤០,០០០ នាក់។ 

     ទីភ្នាក់ងារអាហ្វហ្គានីស្ថានបាននិយាយថាប្រជាជនអាហ្វហ្កានីស្ថានជាច្រើនកំពុងជួបការលំបាកក្នុងការចិញ្ចឹមគ្រួសាររបស់ពួកគេចំពេលមានគ្រោះរាំងស្ងួតយ៉ាងខ្លាំងមុនពេលក្រុមសកម្មប្រយុទ្ធតាលីបង់ដណ្តើមអំណាចហើយមនុស្សរាប់លាននាក់អាចប្រឈមមុខនឹងការអត់ឃ្លានដោយប្រទេសនេះនៅឯកោនិងសេដ្ឋកិច្ចកំពុងធ្លាក់ចុះ៕