ស្រី្តអាហ្វហ្គានីស្ថានខឹងយ៉ាងខ្លាំងចំពោះការរឹតត្បិតថ្មីរបស់តាលីបង់លើការងារ

វិទ្យុជាតិកម្ពុជា ៖ កញ្ញា ខៀវ ណាវីន 
អន្តរជាតិ ៖ ការហាមឃាត់ដ៏មានប្រសិទ្ធភាពរបស់ក្រុមតាលីបង់ចំពោះស្ត្រី ដែលកំពុងធ្វើការបានបង្កឱ្យមានការខឹងសម្បាយ៉ាងខ្លាំងចំពោះការ បាត់បង់សិទ្ធិយ៉ាងច្រើន បន្ទាប់ពីគ្រូបង្រៀននិងក្មេងស្រីរាប់លាននាក់ត្រូវបានរារាំងពីការអប់រំនៅអនុវិទ្យាល័យ។ នេះបើយោងតាមការចេញផ្សាយដោយសារព័ត៌មាន CNA នៅថ្ងៃទី២០ ខែកញ្ញា។ ស្ត្រីម្នាក់ដែលត្រូវបានបណ្តេញចេញពីតួនាទីជាន់ខ្ពស់នៅក្រសួងការបរទេសបាននិយាយថា“ ខ្ញុំក៏អាចស្លាប់ដែរ” ។ នាងបានប្រាប់ទីភ្នាក់ងារព័ត៌មាន AFP ថា“ នាងទទួលបន្ទុកនាយកដ្ឋានទាំងមូល ហើយមានស្ត្រីជាច្រើនដែលធ្វើការជាមួយនាង…ឥឡូវនេះយើងទាំងអស់គ្នាបាត់បង់ការងារហើយ” ។

ចៅហ្វាយក្រុងស្តីទីនៃរដ្ឋធានីកាប៊ុលបាននិយាយថា ការងារក្រុងណា ដែលបច្ចុប្បន្នកាន់កាប់ដោយស្ត្រី នឹងត្រូវបំពេញដោយបុរស។ ប្រការនេះបានកើតឡើងបន្ទាប់ពីក្រសួងអប់រំបានបញ្ជាឱ្យគ្រូបង្រៀនប្រុសនិងសិស្ស ត្រឡប់ទៅអនុវិទ្យាល័យវិញ នៅចុងសប្តាហ៍ ប៉ុន្តែមិនបាននិយាយអំពីអ្នកអប់រំស្ត្រីរាប់លាននាក់និងសិស្សស្រីនោះទេ។ ក្រុមតាលីបង់កាលពីថ្ងៃសុក្រក៏ហាក់ដូចជាបានបិទអតីតក្រសួងកិច្ចការនារីរបស់រដ្ឋាភិបាល ហើយជំនួសដោយស្ថាប័នមួយ ដែលទទួលបានកេរ្តិ៍ឈ្មោះល្បីល្បាញក្នុងអំឡុងពេលដែលពួកគេកាន់អំណាចដំបូងដើម្បីពង្រឹងលទ្ធិសាសនា។ស្ត្រីអាហ្វហ្គានីស្ថានជាច្រើនភ័យខ្លាចថា ពួកគេនឹងមិនអាចស្វែងរកការងារធ្វើ ខណៈ រដ្ឋាភិបាលថ្មីតាលីបង់ បានប្រកាសកាលពីពីរ សប្តាហ៍មុនថាគ្មានសមាជិកស្ត្រីទេ។ មន្ត្រីតាលីបង់និយាយថា ស្ត្រីត្រូវបានគេប្រាប់ឱ្យស្នាក់នៅផ្ទះ ដើម្បីសន្តិសុខផ្ទាល់ខ្លួន ប៉ុន្តែនឹងត្រូវ បានអនុញ្ញាតឱ្យធ្វើការនៅពេលដែលការបែងចែកត្រឹមត្រូវ ត្រូវបានគេអនុវត្តនោះ៕