វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ អាជ្ញាធរសុខាភិបាលបាននិយាយនៅថ្ងៃសុក្រនេះថា ចំនួនករណីឆ្លងជំងឺកូវីដ-១៩ ប្រចាំថ្ងៃរបស់ប្រទេសកូរ៉េខាងត្បូងបានកើនឡើងដល់កម្រិតខ្ពស់បំផុត ដោយលើសពី ២៧,០០០ ករណីជាលើក ដំបូង នៅពេលមានការរីករាលដាលនៃវីរុស Omicron ។ នេះបើយោងតាមការចេញ ផ្សាយដោយសារព័ត៌មាន Xinhua នៅថ្ងៃទី០៤ ខែកុម្ភៈ។
យោងតាមទីភ្នាក់ងារគ្រប់ គ្រង និងបង្ការជំងឺកូរ៉េ (KDCA) ប្រទេសនេះបានកត់ត្រាករណីថ្មីនៃវីរុសកូវីដ- ១៩ ចំនួន ២៧,៤៤៣ នាក់ដែលបង្កើនចំនួនអ្នកឆ្លងសរុបដល់ទៅ ៩៣៤,៦៥៦ នាក់។ ការកើតឡើងវិញនាពេលថ្មីៗនេះ ត្រូវបានជំរុញដោយការឆ្លងជាចង្កោមនៅក្នុងតំបន់ទីប្រជុំជនទីក្រុងសេអ៊ូលចំពេលមានការរីករាលដាលយ៉ាងឆាប់រហ័សនៃវីរុស Omicron ដែលបានក្លាយជាជំងឺលេចធ្លោនៅទីនោះ។ ក្នុងចំណោមករណីថ្មីនេះ ៦,១៣៩ នាក់ជាអ្នកក្រុងសេអ៊ូល។ ចំនួនអ្នកឆ្លងថ្មីដែលរស់នៅក្នុងខេត្ត Gyeonggi មានចំនួន ៧,២០២ នាក់និងទីក្រុងកំពង់ផែភាគខាងលិច Incheon មានចំនួន ១,៧៧៩ នាក់។ មេរោគនេះក៏បានផ្ទុះឡើងនៅក្នុងតំបន់មិនមែនទីប្រជុំជនដែរ។ ចំនួននៃការឆ្លងថ្មីនៅក្នុងតំបន់នេះគឺ ១២,១៦៣ នាក់។ ក្នុងចំណោមករណីថ្មីនេះ មាន ១៦០ ករណីជាការនាំចូល ដែលធ្វើឱ្យចំនួនសរុបកើនដល់ ២៥,៩៦៧ នាក់។ ការស្លាប់ចំនួន ២៤ នាក់ទៀតត្រូវបានរាយការណ៍ ដែលនាំឱ្យចំនួនអ្នកស្លាប់សរុបដល់ ៦,៨៣៦ នាក់។ ប្រទេសនេះបានគ្រប់គ្រងការចាក់វ៉ាក់សាំងដល់ប្រជាជនចំនួន ៤៤,៦៥៨,៣៣៣ នាក់ហើយចំនួនអ្នកចាក់វ៉ាក់សាំងពេញលេញគឺ ៤៤,០៥៣,៦០៨ នាក់៕
Comments