វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ បើយោងតាមរបាយការណ៍វាយតម្លៃដែលចេញផ្សាយនៅលើគេហទំព័ររបស់អង្គការស្បៀងអាហារ និងកសិកម្ម (FAO) នៃអង្គការសហប្រជាជាតិ កាលពីថ្ងៃពុធបានឱ្យដឹងថា ឡាវមានវឌ្ឍនភាពគួរឱ្យកត់សម្គាល់ឆ្ពោះទៅរកការសម្រេចបាននូវសន្តិសុខស្បៀង និងកាត់បន្ថយភាពក្រីក្រនៅតាមជនបទ និងមានសក្តានុពលខ្លាំងក្នុងការឆ្ពោះទៅរកប្រព័ន្ធស្បៀងអាហារប្រកបដោយនិរន្តរភាព។ នេះបើយោងតាមការចេញផ្សាយដោយសារព័ត៌មាន Xinhua។ ការវាយតម្លៃនេះត្រូវបានអនុវត្តតាមរយៈទម្រង់ប្រព័ន្ធអាហាររបស់ប្រទេសឡាវ បន្ទាប់ពីការវាយតម្លៃប្រព័ន្ធស្បៀងអាហារដែលបានធ្វើឡើងក្នុងឆ្នាំ ២០២១ ដែលជាផ្នែកមួយនៃការគាំទ្រដែលផ្តល់ដល់រដ្ឋាភិបាលឡាវដោយសហភាពអឺរ៉ុប (EU) FAO និងមជ្ឈមណ្ឌលស្រាវជ្រាវកសិកម្មបារាំងសម្រាប់ការអភិវឌ្ឍន៍អន្តរជាតិ (CIRAD) និងសម្របសម្រួលដោយក្រសួងកសិកម្ម និងរុក្ខាប្រមាញ់។ លោក Sypaphay Xaisongkhamលេខាធិការអចិន្ត្រៃ យ៍ នៃក្រសួងកសិកម្ម និងរុក្ខាប្រមាញ់ឡាវបាននិយាយថា "រដ្ឋាភិបាលឡាវបាននិងកំពុងព្យាយាមធ្វើឱ្យមានវឌ្ឍនភាពក្នុងការដោះស្រាយបញ្ហាប្រឈមដែលប្រទេសរបស់យើងកំពុងប្រឈមមុខ។ កាលពីថ្ងៃពុធ មានកិច្ចពិភាក្សាអំពីការផ្លាស់ប្តូរប្រកបដោយនិរន្តរភាព និងរួមបញ្ចូលគ្នានៃប្រព័ន្ធស្បៀងអាហារក្នុងប្រទេសឡាវ៕
Comments