ប្រទេសឥណ្ឌាគ្រោងនឹងបញ្ឈប់ការបែងចែកធ្យូងថ្មដល់អ្នកផ្គត់ផ្គង់ក្នុងរដ្ឋធានីដើម្បីទប់ស្កាត់ការបំពុល បរិយាកាស

វិទ្យុជាតិកម្ពុជា  កញ្ញា ខៀវ ណាវីន

អន្តរជាតិ៖ គណៈកម្មការគ្រប់គ្រងគុណភាពខ្យល់របស់ប្រទេសឥណ្ឌាបានស្នើសុំក្រុមហ៊ុន Coal India Limited និងរដ្ឋាភិបាលក្នុងតំបន់នៃរដ្ឋ Haryana និង Uttar Pradesh ឱ្យប្រាកដថាមិនមានធ្យូងថ្មត្រូវបានផ្គត់ផ្គង់ដល់ភ្នាក់ងារដែល ប្រតិបត្តិការនៅក្នុងតំបន់រដ្ឋធានីជាតិ (NCR) នោះទេ។ 
នេះបើយោងតាមការចេញផ្សាយដោយសារព័ត៌មាន Xinhua។ 
សេចក្តីប្រកាសមួយចេញដោយ ក្រសួងបរិស្ថានសហព័ន្ធបាននិយាយថា ជំហាននេះគឺជាផ្នែកមួយនៃកិច្ចខិតខំប្រឹងប្រែងដើម្បីលុបបំបាត់ការបំពុលខ្យល់ដែលកើតចេញពីការបំភាយចេញពីឥន្ធនៈហ្វូស៊ីល ដែល បំពុលខ្លាំងដូចជាធ្យូងថ្ម និងប្រេងដែលប្រើក្នុងឧស្សាហកម្មក្នុងចំណោមផលិតផលដទៃទៀត។ គណៈកម្មាការនេះគឺជាអាជ្ញាធរមាន ច្បាប់បង្កើតឡើងក្នុងឆ្នាំ ២០២០ ដើម្បីទប់ស្កាត់ការបំពុលខ្យល់ដែលកំពុងកើនឡើងនៅក្នុងតំបន់រដ្ឋធានីជាតិ និងតំបន់ជាប់គ្នា។ សេចក្តីថ្លែងការណ៍បាននិយាយថា "ការណែនាំជាធរមានរបស់គណៈកម្មការតម្រូវឱ្យលុបបំបាត់ទាំងស្រុងនូវការប្រើប្រាស់ធ្យូងថ្ម និងឥន្ធនៈដែលមិនបានអនុម័តផ្សេងទៀតសម្រាប់ប្រតិបត្តិការ ឬកម្មវិធីផ្សេងៗនៅទូទាំងគ្រប់វិស័យ ដោយមានប្រសិទ្ធភាពចាប់ពីថ្ងៃទី ១ ខែមករា នៅក្នុងតំបន់រដ្ឋធានីជាតិទាំងមូល"។ 
នៅក្នុងការអនុលោមតាមការណែនាំរបស់ CAQM អង្គភាពឧស្សាហកម្មចំនួន ៨៤ នៅទូទាំងតំបន់រដ្ឋធានីជាតិ នៃរដ្ឋ Haryana, Uttar Pradesh និង Rajasthan ដែលរហូតមកដល់ពេលនេះមិនប្រើប្រាស់ប្រេងឥន្ធនៈដែលបានអនុម័ត បានបិទប្រតិបត្តិការរបស់ពួកគេជាបណ្តោះអាសន្ន ឬជាអចិន្ត្រៃយ៍ដោយខ្លួនឯង៕