វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ ប្រធានាធិបតី Joe Biden បាននិយាយកាលពីថ្ងៃព្រហស្បតិ៍ថា សហរដ្ឋអាមេរិកនឹងផ្តល់ជំនួយផ្នែកសព្វាវុធ និងជំនួយយោធាចំនួន ៨០០ លានដុល្លារបន្ថែមទៀតដល់អ៊ុយក្រែន ដោយបានសាទរចំពោះភាពក្លាហានរបស់អ៊ុយក្រែនចាប់តាំងពីរុស្ស៊ីបានឈ្លានពានក្នុងខែកុម្ភៈ។ នេះបើយោងតាមការចេញផ្សាយដោយសារព័ត៌មាន Reuters។ ថ្លែងបន្ទាប់ពីកិច្ចប្រជុំកំពូលរបស់អង្គការណាតូ ដែលយល់ព្រមទទួលយកប្រទេសហ្វាំងឡង់ និងស៊ុយអែតនោះ លោក Biden បាននិយាយថា សហរដ្ឋអាមេរិក និងសម្ព័ន្ធមិត្តរបស់អង្គការ NATO បានរួបរួមគ្នាក្នុងការក្រោកឈរឡើងប្រឆាំងចំពោះប្រធានាធិបតីរុស្ស៊ី លោក Vladimir Putin ។
លោក Biden បានប្រាប់សន្និសីទសារព័ត៌មានថា ខ្ញុំមិនដឹងថា សង្គ្រាមនឹងត្រូវបញ្ចប់ ដោយ របៀប ណា ទេ ប៉ុន្តែ វានឹងមិន បញ្ចប់ ដោយ រុស្ស៊ី យកឈ្នះ អ៊ុយក្រែន នោះ ទេ។ លោក Biden បានបន្ថែមថា "យើងនឹងគាំទ្រអ៊ុយក្រែនឱ្យបានយូរ តាមដែលគេត្រូវការ" ។ លោក បដិសេធ មិន ផ្តល់ ព័ត៌មាន លម្អិត បន្ថែម ទេ។ លោក Biden ធ្លាប់បានសន្យាថានឹងបន្ថែម កងទ័ពអាមេរិក យន្តហោះចម្បាំង និងនាវាចម្បាំងសម្រាប់អឺរ៉ុប ខណៈដែលអង្គការណាតូបានយល់ព្រមពង្រឹងការរារាំងរបស់ខ្លួន ដោយដាក់កងទ័ពជាង ៣០០,០០០ នាក់ឱ្យមានការប្រុងប្រយ័ត្នខ្ពស់ចាប់ពីពាក់កណ្តាលឆ្នាំក្រោយ។
លោកបានបន្តថា សហរដ្ឋអាមេរិក កំពុង ធ្វើ តាម អ្វី ដែល ខ្ញុំ បាន និយាយ ថា យើង នឹង ធ្វើ ប្រសិនបើ រុស្ស៊ី ឈ្លានពាន ពង្រឹង ជំហរ កម្លាំង របស់ យើង នៅ អឺរ៉ុប » ។ "សហរដ្ឋអាមេរិកកំពុងប្រមូលផ្តុំពិភពលោកឱ្យឈរជាមួយអ៊ុយក្រែន" ៕
Comments