ព័ត៌មានថ្មីៗ:ព័ត៌មានម៉ោង ១២ ថ្ងៃត្រង់ព័ត៌មានម៉ោង ០៨ព្រឹកក្រុមអាយស៊ីសបានបំផ្លាញវិហារប្រវត្តិសាស្ត្រមួយនៅអ៊ីរ៉ាក់ព័ត៌មានម៉ោង ០៨ យប់អាជ្ញាធរាជធានីស្នើឲ្យគជបកាត់ បន្ថយម៉ោងឃោសនាបោះឆ្នោតនាពេលយប់ សម្រាប់ដំណើរការបោះឆ្នោតជាតិឆ្នាំ២០១៨ខាងមុខ MC:អាជ្ញាធរាជធានីភ្នំពេញចាប់ផ្តើ មដាក់សំណើទៅគណៈកម្មការរៀបចំកា របោះឆ្នោតរាជធានីឲ្យ កាត់បន្ថយម៉ោងឃោសនាបោះឆ្នោតនាពេ លយប់សម្រាប់ដំណើរការបោះឆ្នោតជា តិឆ្នាំ២០១៨ខាងមុខ ដើម្បីធានា ប្រសិទ្ធិភាពនៃការ ពារសន្តិសុខ និងសណ្តាប់ធ្នាប់ជូនក្រុមអ្នកឃោ សនា។ ក្នុងសន្និបាតបូកសរុបការងារបោះ ឆ្នោតជ្រើសរើសក្រុមប្រឹក្សាឃុំ សង្កាត់នីតិកាលទី៤សម្រាប់ រាជធានីភ្នំពេញនៅព្រឹកថ្ងៃទី២២ ខែមិថុនានេះ លោកឃួង ស្រេង អភិបាលរងរាជធានីភ្នំពេញបាន បញ្ជាក់ថា ការសម្រេចស្នើសុំកាត់បន្ថយម៉ោ ងឃោសនាបោះឆ្នោតនាពេលយប់នេះគឺជា ការឆ្លើយតប ទៅនឹងតម្រូវការចង់បានរបស់ប្រជា ពលរដ្ឋ ដើម្បីកាត់បន្ថយការរំខានដោយសម្ លេង និងការកកស្ទះច រាចរណ៍ ក្នុងគោលដៅធានាឲ្យទីក្រុងមានសន្ តិសុខសណ្តាប់ធ្នាប់ល្អ។ លោកអភិបាលរងបានអៈអាងថា ការឃោសនាបោះឆ្នោតនាពេលយប់គឺពុំ សូវជាមានផលចំណេញ ច្រើននោះទេដោយសារតែប្រជាពលរដ្ ឋត្រូវការសម្រាក ម្យ៉ាងវិញទៀតសមត្ថកិច្ចជំនាញក៏ មានការលំ បាកក្នុងការជួយអន្តរាគមន៍នៅពេ លមានបញ្ហាមិនប្រក្រតីណាមួយកើតឡើ ង ដោយសារតែពេលយប់ មានសភាពងងឹតពិបាកកំណត់មុខសញ្ញា។ លោកមាស សពណ្ណ ប្រធានគណៈកម្មការរៀបចំការបោះឆ្ នោតរាជធានីភ្នំពេញបានមានប្រសា សន៍ថា តាមរយៈអង្គសន្និបាតនាពេលនេះក្រុ មការងារជំនាញនឹងពិភាក្សាឲ្យបា នមត់ចត់លើសំណើកាត់បន្ថយម៉ោងឃោ សនាពេលយប់នេះរួមទំាងបញ្ហាអវិជ្ ជាមានផ្សេងទៀត ដើម្បីត្រៀមដាក់ជូនគណៈកម្មាធិកា ជាតិរៀបចំការបោះឆ្នោត គជប នាខែកក្កដាខាងមុខនេះក្នុងសន្និ បាតរបស់គជប។ លោកបញ្ជាក់ថា ការកាត់បន្ថយម៉ោងឃោសនានេះក៏ជា មធ្យោបាយមួយល្អដែរ ដោយសារតែរាជធានីភ្នំពេញ ធ្លាប់មាន បទពិសោធន៍កាលពីឆ្នាំ២០១៣កន្លងទៅ មានការផ្ទុះអំពើហិង្សាកើតឡើងជា ច្រើនរវាងអ្នកគំាទ្រគណ បក្សមួយនឹងគណបក្សមួយទៀត ធ្វើឲ្យខូចទ្រព្យសម្បត្តិរដ្ឋនិ ងឯកជនជាច្រើន។ លោក កន សាវាង្ស​មន្រ្តីជាខ្ពស់ផ្នែកអង្ កេត នៃអង្គការគណៈកម្មាធិការដើម្បីកា របោះឆ្នោតដោយសេរី និងយុត្តិធម៌នៅកម្ពុជាបានចាត់ទុ កការបង្ខើចម៉ោងឃោសនានាពេលយប់នេះ គឺជាការបង្ហាញភាព អវិជ្ជមាននិងកម្សោយរបស់អាជ្ញា ធរនិងសមត្ថកិច្ចក្នុងកិច្ចគាំពា រសង្គម។ លោកមិនឯកភាពនឹងគម្រោង នេះឡើយព្រោះវាប៉ៈពាល់ទៅនឹងច្បា ប់គជបថ្មី។ម្យ៉ាងវិញទៀតវាក៏ជាកា ររិតត្បិតពេលវេលាមិនអាចឲ្យ សមាជិកគណបក្សនយោបាយផ្សេងៗដែលជា មន្រ្តីរាជការ បុគ្គលិកក្រុមហ៊ុន និងកម្មកររោងចក្រ សហគ្រាសនានាមិនអាចចូលរួមក្នុងយុ ទ្ធនាការក្រោយពេលបញ្ចប់ពីការងា រនៅពេលថ្ងៃ។ យ៉ាងណាក៏ដោយលោកបញ្ជាក់ថា បញ្ហាអសន្តិសុខមិនចេះតែកើតមានឡើ យ ដូច្នេះអាជ្ញាធរគួរតែ ពង្រឹងវិធានការណ៍ការពារឲ្យបានម៉ឹ ងម៉ាត់ហើយធានាពីការរក្សាបានសន្ តិសុខសណ្តាប់ធ្នាប់ជូនសង្គមឲ្យ បានល្អវិញប្រសើរជាង។ យោងតាមការវាយតម្លៃជុំវិញដំណើរកា របោះឆ្នោតជ្រើសរើសក្រុមប្រឹក្សា ឃុំសង្កាត់នីតិការទី៤កាលពី ពេលថ្មីៗនេះត្រូវបានអ្នកសង្កេ តការណ៍ជាតិ អន្តរជាតិបានបង្ហាញថា ក្នុងយុទ្ធនាការឃោសនាបោះ ឆ្នោតនាពេលកន្លងមកបានព្រឹត្តទៅ យ៉ាងល្អប្រសើរ គ្មានអំពើហិង្សា និងមានលក្ខណៈសេរី ត្រឹមត្រួវ ដោយសារថ្នាក់ដឹកនាំគណបក្សនីមួ យៗកាន់តែមានភាពចាស់ទុំ។ អត្ថបទ ហុក សុខរិន ថ្ងៃទី២២ ខែមិថុនា ឆ្នាំ២០១៧
លោក Xi Jinping ប្រធានរដ្ឋចិន ថ្លែងសុន្ទរកថាជូនពរឆ្នាំថ្មី ឆ្នាំសកល២០១៧
ចេញផ្សាយ  ៣១-ធ្នូ-២០១៦    ដោយ : SengChhay

ក្នុងឱកាសបុណ្យចូលឆ្នាំថី្មឆ្នាំសកល២០១៧ជិតឈានចូលមកដល់ លោក Xi Jinping ប្រធានរដ្ឋចិនបានឆ្លងតាមរយៈវិទ្យុអន្តរជាតិចិន វិទ្យុប្រជាជនមជ្ឈិមចិន ស្ថានីយទូរទស្សន៍មជ្ឈិមចិន បណ្តាញទូរទស្សន៍អន្តរជាតិចិននិងបណ្តាញអ៊ីធឺណែតដើម្បីថ្លែងសុន្ទរកថាជូនពរឆ្នាំថ្មីឆ្នាំសកល២០១៧។

សុន្ទរកថាជូនពរមានខ្លឹមសារដូចតទៅ៖


អស់លោក លោកស្រីនិងមិត្តភកិ្តគ្រប់រូប៖
ឆ្នាំ ២០១៦ ជិតនឹងកន្លងផុតទៅហើយ ស្នូរជួងឆ្នាំថ្មីនឹងបន្លឺឡើង។ ក្នុងខណៈពេលដែលយើងទាំងអស់គ្នាលាឆ្នាំចាស់និងទទួលអបអរឆ្នាំថី្ម ខ្ញុំសូមជូនពរឆ្នាំថី្មយ៉ាងស្មោះចំពោះប្រជាជនគ្រប់ជនជាតិនៅទូទាំងប្រទេសចិន ជនរួមជាតិនៅតំបន់រដ្ឋបាលពិសេសហុងកុងនិងម៉ាកាវ ជនរួមជាតិតៃវ៉ាន់និងអាណិកជនចិននៅឯនាយសមុទ្រ ព្រមនិងមិត្តភក្តិទាំងឡាយដែលរស់នៅគ្រប់តំបន់និងប្រទេសនានានៅទូទាំងពិភពលោក !


និយាយចំពោះប្រជាជនចិន ឆ្នាំ ២០១៦ គឺជាឆ្នាំមិនធម្មតាមួយ ហើយក៏ជាឆ្នាំមួយដែលមិនអាចបំភ្លេចបាន ដោយឡែកផែនការអភិវឌ្ឍន៍ជាតិ៥ឆ្នាំទី ១៣ ក៏មានការចាប់ផ្តើមដ៏ល្អប្រសើរផងដែរ ។ យើងបានសកម្មអនុវត្តទស្សនៈអភិវឌ្ឍន៍បែបថី្ម ពន្លឿនដំណើរកសាងសង្គមមានជីវភាពធូរធារបង្គួរដោយគ្រប់ជ្រុងជ្រោយ ជំរុញឲ្យកំណើនសេដ្ឋកិច្ចប្រទេសចិនបន្តឈរនៅលំដាប់នាំមុខនៅលើពិភពលោកតទៅទៀត ។ យើងទាំងអស់គ្នាសកម្មជំរុញឲ្យកំណែទម្រង់មានភាពកាន់តែស៊ីជម្រៅដោយគ្រប់ជ្រុងជ្រោយ ធ្វើឲ្យកំណែទម្រង់ផ្នែករចនាសម្ព័ន្ធផ្គត់ផ្គង់បោះជំហានដ៏សំខាន់មួយ ការកែទម្រង់ខាងកិច្ចការពារជាតិនិងកងទ័ពទទួលបានការវាយទម្លុះដ៏ធំនិងសំខាន់ ក្របខ័ណ្ឌសំខាន់នៃការកែទម្រង់លើវិស័យនានាដែលត្រូវបានទ្រទ្រង់ដោយធ្នឹមនិងសសរទ្រូងបានបង្កើតជាមូលដ្ឋានរួចហើយ ។ យើងសកម្មជំរុញអភិបាលកិច្ចតាមនីតិរដ្ឋដោយគ្រប់ជ្រុងជ្រោយ ធ្វើឲ្យកំណែទម្រង់ប្រព័ន្ធច្បាប់មានភាពកាន់តែស៊ីជម្រៅ ជំរុញភាពយុត្តិធម៌ផ្នែកច្បាប់ដោយពេញទំហឹង គាំពារសមភាពនិងយុត្តិធម៌ក្នុងសង្គម ។ យើងសកម្មជំរុញការគ្រប់គ្រងបក្សយ៉ាងតឹងរ៉ឹង ប្រកាន់ខ្ជាប់មិនងាករេនូវការប្រឆាំងនឹងអំពើពុករលួយ មិនថាមន្រ្តីតូចឬធំ ឲ្យតែប្រព្រឹត្តិអំពើពុករលួយ គឺត្រូវដាក់ទោសតាមច្បាប់ បន្តធ្វើឲ្យបរិយាកាសនយោបាយមានភាពស្អាតស្អំ ក៏ដូចជាបន្តធ្វើឲ្យឥរិយាបថរបស់បក្ស ឥរិយាបថនយោបាយ និងឥរិយាបថសង្គមត្រូវបានកែលំអតទៅទៀត ។


នៅឆ្នាំ២០១៦ កែវយឹតយក្សFAST ជាកែវយឹតអវកាសបានកសាងរួច ផ្កាយរណបWuKong បានធ្វើដំណើរក្នុងតារាវិថីអស់ពេលមួយឆ្នាំ ផ្កាយរណបMo Zi បានត្រូវបង្ហោះឡើងទៅកាន់ទីអវកាស យានអវកាសShen Zhou លេខ១១និងយានអវកាសTian Gong លេខ ២ កំពុងហោះហើរនៅក្នុងលំហអវកាស កីឡាករប្រទេសចិនទទួលបានលទ្ធផលល្អក្នុងការប្រកួតកីឡាអូឡាំពិចក្រុងរីយ៉ូ ក្រុមបាល់ទះស្ត្រីនៃប្រទេសចិនបានឈរលើវេទិកាផ្តល់រង្វាន់ខ្ពស់បំផុតនៃការប្រកួតកីឡាអូឡាំពិចបន្ទាប់ពីឃ្លាតអស់១២ ឆ្នាំ…តាមរយៈ ការកែទម្រង់ អ្នកក្រុងដែលមកពីទីជនបទមានជីវភាពកាន់តែល្អប្រសើរ លក្ខខណ្ឌទទួលបានការអប់រំរបស់កុមារនៅតំបន់ក្រីក្រជាច្រើនបានមានភាពកាន់តែល្អប្រសើរ ពលរដ្ឋទូទៅអាចធ្វើអត្តសញ្ញាណប័ណ្ណនៅតំបន់ក្រៅដោយមិនបាច់ត្រឡប់ទៅស្រុកកំណើតវិញ មនុស្សមួយចំនួនដែលមិនទាន់មានអត្តសញ្ញាណប័ណ្ណក្នុងរយៈពេលយូរអាចចុះឈ្មោះសុំធ្វើអត្តសញ្ញណប័ណ្ណថ្មី ប្រជាជនជាច្រើនមានគ្រូពេទ្យប្រចាំគ្រួសារ ទឹកទន្លេនីមួយៗសុទ្ធតែមានអ្នកអភិរក្ស…ប្រការទាំងនេះញ៉ាំងឲ្យយើងខ្ញុំមានក្តីសោមនស្សរីករាយជាពន់ពេក។


ឆ្នាំ ២០១៦ នៅក្បែរបឹង Xi Zi ដែលមានទេសភាពដ៏ស្រស់ស្អាត ប្រទេសចិនបានរៀបចំសនិ្នសីទកំពូលលើកទី ១១របស់អ្នកដឹកនាំនៃប្រទេសG២០ ដែលជាការរួមចំណែកនូវតម្រិះប្រាជ្ញារបស់ប្រទេសចិន និងការគ្រោងផែនការអភិវឌ្ឍន៍របស់ប្រទេសចិនចំពោះពិភពលោក ហើយក៏បានបង្ហាញពីរូបភាពប្រទេសចិនព្រម និងស្មារតីនិងឥរិយាបថប្រទេសចិនទៅកាន់ពិភពលោកផងដែរ។ កិច្ចកសាងយុទ្ធសាស្រ្តខ្សែក្រវាត់មួយនិងផ្លូវមួយត្រូវបានពន្លឿនជាបន្តបន្ទាប់ ធនាគារវិនិយោគហេដ្ឋារចនាសម័្ពន្ធអាស៊ីបានដាក់ឲ្យប្រើប្រាស់ជាផ្លូវការ។ យើងទាំងអស់គ្នាប្រកាន់ខ្ជាប់ការអភិវឌ្ឍប្រកបដោយសន្តិភាព គាំពារយ៉ាងមុតមាំនូវបូរាណភាពទឹកដីក៏ដូចជាសិទ្ធិនិងផលប្រយោជន៍លើសមុទ្រ។ ប្រសិនបើបុគ្គលណាបង្ករឿងក្នុងបញ្ហានេះ នោះប្រជាជនចិននឹងមិនយល់ព្រមជាដាច់ខាត ។


ក្នុងរយៈពេលមួយឆ្នាំកន្លងទៅនេះ នៅតំបន់ជាច្រើនបានកើតមានគ្រោះមហន្តរាយធម្មជាតិនិងឧប្បតិ្តហេតុផ្នែកសនិ្តសុខ ធ្វើឲ្យសុវត្ថិភាពខាងអាយុជីវិតនិងទ្រព្យសម្បតិ្តរបស់ប្រជាជនរងការខូចខាតយ៉ាងធ្ងន់ធ្ងរ យើងខ្ញុំមានអារម្មណ៍សោកស្តាយយ៉ាងខ្លាំង។ សមាជិកប៉ុន្មានរូបនៃកងកម្លាំងរក្សាសន្តិភាពរបស់ប្រទេសចិនបានពលីជីវិតដែលជាការរួមចំណែកដ៏ថ្លៃថ្លាបំផុតដើម្បីបុព្វហេតុសុខសន្តិភាពរបស់ពិភពលោក យើងទាំងអស់គ្នាសូមរំលឹកដល់គុណបំណាច់របស់ពួកគាត់ ហើយនិងជួយថែរក្សាក្រុមគ្រួសាររបស់ពួកគាត់ឲ្យបានល្អ។


ឆ្នាំ ២០១៦ យើងបានអបអរខួបទី ៩៥ នៃការបង្កើតបក្សកុម្មុយនិស្តចិនយ៉ាងឱឡារិក ព្រមនិងរំលឹកខួបទី ៨០ នៃការទទួលបានជោគជ័យនៃមហាដំណើររបស់កងទ័ពបដិវត្តន៍កម្មករនិងកសិកររបស់ប្រទេសចិន យើងត្រូវចងចាំនូវគុណូបការៈរបស់បុព្វបុរសដែលបានរួមវិភាគទានយ៉ាងធំធេងដល់ប្រជាជននិងប្រជាជាតិចិន មិនបំភ្លេចគោលបំណងដើម និងបោះជំហានទៅមុខជាបន្តទៀត ។


អស់លោកលោកស្រី !
រឿងរ៉ាវផ្លាស់គ្នាឥតឈប់ឈរ រឿងថ្មីកើតឡើងជាបន្តបន្ទាប់។ក្នុងឆ្នាំ ២០១៧ ដែលជិតឈានចូលមកដល់នេះ បក្សកុម្មុយនិស្តចិននឹងបើកធ្វើសមាជបក្សកុម្មុយនិស្តចិនលើកទី ១៩ កសាងសង្គមមានជីវភាពធូរធារបង្គួរដោយគ្រប់ជ្រុងជ្រោយ ធ្វើឲ្យការកែទម្រង់មានភាពកាន់តែស៊ីជម្រៅនិងគ្រប់ជ្រុងជ្រោយ ជំរុញអភិបាលកិច្ចតាមនីតិរដ្ឋដោយគ្រប់ជ្រុងជ្រោយ បន្តគ្រប់គ្រងគណបក្សយ៉ាងម៉ឺងម៉ាត់និងគ្រប់ជ្រុងជ្រោយ ។ គ្មានបុគ្គលណាម្នាក់អាចទទួលបានសមិទ្ធផលដោយគ្មានភាពឧស្សាហ៍ព្យាយាមនោះឡើយ មានតែការខិតខំតស៊ូទើបអាចសម្រេចសុបិនបាន ។


មិនអាចបោះបង់ចោលអ្នកណាម្នាក់ក្នុងដំណើរកសាងជីវភាពរស់នៅដោយភាពធូរធារនោះទេ ! ក្នុងអំឡុងពេល ១ ឆ្នាំកន្លងទៅនេះ មានអ្នកក្រីក្រជាង ១០ លាននាក់បានដើរចេញផុតពីភាពក្រីក្រ ។ ខ្ញុំសូមកោតសរសើរចំពោះបុគ្គលគ្រប់រូបដែលបានធ្វើការខិតខំតស៊ូក្នុងវិស័យសំខាន់ៗសម្រាប់ការលុបបំបាត់ភាពក្រីក្រ ។ ក្នុងឱកាសឆ្នាំថ្មីឆ្នាំសកលនេះ អ្នកដែលខ្ញុំនឹករលឹកគឺ ប្រជាជនក្រីក្រ តើពួកគាត់មានអ្វីទទួលទានឬអត់ មានការស្នាក់នៅយ៉ាងណា អាចឆ្លងថ្ងៃបុណ្យចូលឆ្នាំថ្មីឆ្នាំសកលនិងឆ្នាំថ្មីប្រពៃណីចិនដោយភាពរីករាយឬអត់ ? ខ្ញុំបានដឹងទៀតថា មានប្រជាជនមួយចំនួនបានប្រឈមនឹងការលំបាកមួយចំនួនក្នុងការរកការងារធ្វើ ការអប់រំរបស់បុត្រធីតា ការព្យាបាលជំងឺ និងលំនៅដ្ឋានជាដើម ការដោះស្រាយបញ្ហាទាំងនេះជាបន្តបន្ទាប់ជាកាតព្វកិច្ចដែលមិនអាចគេចវេះបានរបស់បក្សនិងរដ្ឋាភិបាល ។ គណបក្សទាំងមូលនិងសង្គមទាំងមូលត្រូវបន្តផ្តោតការយកចិត្តទុកដាក់និងផ្តល់ការជួយជ្រោមជ្រែងដល់អ្នកក្រីក្រនិងប្រជាជនដែលមានការលំបាក ដើម្បីញ៉ាំងឲ្យសមិទ្ធផលនៃការកែទម្រង់អាចផ្តល់ផលប្រយោជន៍ដល់ប្រជាជនកាន់តែច្រើន និងញ៉ាំងឲ្យប្រជាជនមានជីវភាពរស់នៅកាន់តែល្អបវរនិងប្រកបដោយសេចក្តីសុខសុភមង្គល។


រួមចិត្តរួមថ្លើមតែមួយនឹងអាចទទួលបានជោគជ័យ ។ ឲ្យតែប្រជាជនជាង ១៣០០ លាននាក់អាចសាមគ្គីគ្នាជាធ្លុងមួយនិងពុះពារឧបសគ្គជាមួយគ្នា ឲ្យតែគណបក្សយើងរួមចិត្តរួមគំនិតគ្នាជាមួយប្រជាជនជាដរាប ធ្វើការខិតខំប្រឹងប្រែងទាំងអស់គ្នា នោះយើងប្រាកដជាអាចបង្កើតជាមហាដំណើរជំនាន់ថ្មីបានយ៉ាងល្អប្រសើរជាក់ជាពុំខាន ។

អស់លោកលោកស្រី !
ប្រជាជនចិនផ្តួចផ្តើមជាប់រហូតនូវពិភពលោកដែលមានភាពចុះសម្រុងគ្នា ជាមហាគ្រួសារតែមួយ ។ ប្រជាជនចិនមិនគ្រាន់តែសង្ឃឹមថាជីវភាពរស់នៅរបស់ខ្លួនមានភាពល្អប្រសើរប៉ុណ្ណោះទេ ហើយក៏សង្ឃឹមដែរថា ប្រជាជននៃបណ្តាប្រទេសនានាលើលោកមានជីវភាពរស់នៅដ៏ល្អប្រសើរផងដែរ ។ បច្ចុប្បន្ន សង្រ្គាមរ៉ាំរ៉ៃនិងភាពក្រីក្រនៅតែជាបញ្ហាដែលប៉ះពាល់ដល់ប្រទេសនិងតំបន់មួយចំនួន ហើយជំងឺនិងគ្រោះមហន្តរាយធម្មជាតិក៏វាយប្រហារទៅលើប្រជាជនជាច្រើនផងដែរ ។ ខ្ញុំសង្ឃឹមដោយស្មោះថា សហគមន៍អន្តរជាតិអាចប្រកៀកស្មាគ្នា ប្រកាន់ខ្ជាប់ទស្សនៈអំពីសហគមន៍រួមវាសនាតែមួយរបស់មនុស្សជាតិ ដើម្បីកសាងភពផែនដីយើងឲ្យកាន់តែមានសុខសន្តិភាពនិងរុងរឿងថ្កុំថ្កើង ។
សូមយើងនាំគ្នាស្តាប់សំឡេងជួងឆ្នាំថ្មីប្រកបដោយទំនុកចិត្តនិងការរំពឹងទុក !

សូមអរគុណ !
ប្រិយមិត្តជាទីមេត្រី លោកអ្នកទើបបានស្តាប់សុន្ទរកថាជូនពរឆ្នាំថ្មីឆ្នាំសកល២០១៧របស់លោកស៊ី ជីនភីង ប្រធានរដ្ឋចិនថ្លែងមុនពេលចូលឆ្នាំថ្មីឆ្នាំសកល និងផ្សាយតាមវិទ្យុអន្តរជាតិចិន វិទ្យុប្រជាជនមជ្ឈិមចិន ស្ថានីយទូរទស្សន៍មជ្ឈិមចិន បណ្តាញទូរទស្សន៍អន្តរជាតិចិននិងបណ្តាញអ៊ីនធើណេត ។ សូមអរគុណការតាមដានស្តាប់របស់លោកអ្នក !

ត្រលប់ក្រោយ >>