ព័ត៌មានថ្មីៗ:គ.ជ.ប ប្រកាសថា នឹងទទួលយកនូវអនុសាសន៍ពីគណបក្សនយោបាយ និងភាគីពាក់ព័ន្ធ សម្រាប់យុទ្ធនាការឃោសនាបោះឆ្នោតឆ្នាំ២០១៧កម្ពុជាបញ្ជាក់អំពី ជំហរ គោរពតាមMOUនៃប្រទេសកម្ពុជានិងអូស្រ្តាលី ក្នុងទទួលយកជនភៀសខ្លួនពីកោះនេរ៉ុ មករស់នៅកម្ពុជា​​​លោក ​លី ខឺឈាំង ​៖ អាស៊ាន​ជា​ទិសដៅ​ចម្បង​ នៃ​ទំនាក់ទំនង​ការទូត​របស់ចិន ជាមួយ​ប្រទេស​​ជិតខាង​ប្រទេសចិនត្រៀមបង្កើត តំបន់សេដ្ឋកិច្ចសមុទ្រគំរូចំនួន ១០ទៅ២០កន្លែងមុន ឆ្នាំ២០២០គណរដ្ឋមន្ត្រី កម្ពុជា ស្នើសុំបុរេប្រទានថវិកា ជំពូក(៦២ ០២៨) ចំនួន ៣.០០០ .០០០.០០០រៀល (បីប៊ីលានរៀលគត់ ដើម្បីរៀបចំចាត់ចែងធ្វើបុណ្យ ជូនសពសម្តេចវិបុលបញ្ញា សុខអាន ដើម្បីអោយសាកសម និងកិត្តិយស ដែលសម្តេចបានបំរើប្រទេសជាតិ គ្រានៅមានជីវត..
ក្រសួងអប់រំ ដាក់ផែនការលើកកម្ពស់គុណភាពអប់រំ នៅកម្រិតឧត្តមសិក្សា នៅឆ្នាំ២០១៧នេះ
ចេញផ្សាយ  ១៧-មករា-២០១៧    ដោយ : KolChhamnol

ក្រសួងអប់រំ ដាក់ផែនការលើកកម្ពស់គុណភាពអប់រំ នៅកម្រិតឧត្តមសិក្សា នៅឆ្នាំ២០១៧នេះ
ភ្នំពេញៈក្រសួងអប់រំ យុវជន និងកីឡា បានដាក់ផែនការលើកកម្ពស់គុណភាពអប់រំ នៅកម្រិតឧត្តមសិក្សា ដើម្បីឈោងចាប់ស្តង់ដារជាតិ នៅឆ្នាំ២០១៧នេះ ។
ក្នុងពិធីបិទសន្និបាត បូកសរុបលទ្ធផលការងារ របស់សមាគមគ្រឹះស្ថានឧត្តមសិក្សាកម្ពុជា នៅសណ្ឋាគារអាំងទែកុងទីណង់តាល់ កាលពីចុងសប្តាហ៍នេះ ឯ.ឧ ហង់ ជួន​ណា​រ៉ុន រដ្ឋមន្ត្រីក្រសួងអប់រំយុវជននិងកីឡា បានមានដោយជំរុញលើកទឹកចិត្តឱ្យគ្រឹះស្ថានឧត្តមសិក្សាទាំងអស់ ត្រូវយកចិត្តទុកដាក់ កែលម្អការបណ្តុះបណ្តាល ធន​ធាន​មនុស្ស តាមរយៈអភិវឌ្ឍន៍កម្មវិធីសិក្សា ពង្រឹងបច្ចេកទេសគរុកោសល្យ ធ្វើវិក្រិតការគ្រូបង្រៀន ដើម្បីឱ្យនិស្សិតទទួលបានគុណភាពពិតប្រាកដ។
​ឯ.ឧ បានបន្តថា ជាមួយគ្នា ការធ្វើទំនើបកម្មបច្ចេកវិទ្យា អគារសិក្សា សម្ភាររូបវន្តទំនើបៗ រួមទាំងការសិក្សាស្រាវជ្រាវ  និងពង្រឹងការពិនិត្យតាមដាន ការវាយតម្លៃ​សកម្មភាព​ការងារ ការផ្លាស់ប្តូរបទពិសោធន៍គ្នាទៅវិញទៅមក ជំរុញឱ្យគុណភាពអប់រំ កម្ពុជា អាចឈោងចាប់ស្តង់ដារជាតិ។   
ការដាក់ផែនការលើកកម្ពស់គុណភាពអប់រំ នៅកម្រិតឧត្តមសិក្សានេះ ធ្វើឡើងខណៈក្រសួងអប់រំយុវជននិងកីឡា បានកត់សំគាល់ថា កង្វះខាតគ្រូបង្រៀន ដែលមាន​គុណវុឌ្ឍិគ្រប់គ្រាន់ និងបញ្ហាហិរញ្ញវត្ថុ ព្រមទាំងការរីកលូតលាស់ នៃគ្រឹះស្ថានឧត្តមសិក្សានាពេលនេះ ពុំទាន់ធានាបាននូវគុណភាពសិក្សាមួយតាមកម្រិតស្តង់ដារតំបន់ និងអន្តរជាតិ និងពុំទាន់ឆ្លើយតបទៅនិងតម្រូវការទីផ្សារជាតិអន្តរជាតិ នៅឡើយនោះទេ។
ឯ.ឧ រដ្ឋមន្ត្រីបានគូសបញ្ជាក់ថា ការអប់រំប្រកបដោយគុណភាព និងចីរភាព គឺជាកូនសោ សម្រាប់បើកទ្វារឆ្ពោះទៅកាន់ភាពជោគជ័យ នៃវិស័យអប់រំជាតិ ក៍ដូចជាភាព​ជោគ​ជ័យ​នៃផែនការអភិវឌ្ឍជាតិផងដែរ។
ឯ.ឧ ហេង វ៉ាន់ដា ប្រធានក្រុមប្រឹក្សាភិបាល សមាគមគ្រឹះស្ថានឧត្តមសិក្សាកម្ពុជា បានមានប្រសាសន៍ថា សមាគមបានពង្រឹងកិច្ចសហការជាមួយអង្គភាពពាក់ព័ន្ធជាតិ ដូចជា អគ្គីសនីកម្ពុជា ធនាគារជាតិនៃកម្ពុជា ទីភ្នាក់ងារការងារ និងមុខរបរ និងធ្វើកិច្ចសហប្រតិបត្តិការជាអន្តរជាតិ ដូចជា ប្រទេសថៃ អូស្ត្រាលី កូរ៉េខាងត្បូង សាំងហ្គាពួរ និងម៉ាឡេស៊ី ដើម្បីបង្កើតគុណភាពអប់រំមួយ នៅកម្ពុជា។
លោក សន ជ័យ នាយកប្រតិបត្តិសម្ព័ន្ធគណនេយ្យភាពសង្គមកម្ពុជា បានមានប្រសាសន៍ថា បច្ចុប្បន្ននិស្សិតកម្ពុជា មានសមត្ថភាពអាចប្រឡូកក្នុងទីផ្សារការងារ បាន ប៉ុន្តែនៅក្នុងកម្រិតតិចតួចនៅឡើយ។
លោកបានបន្តថា ដើម្បីឱ្យគុណភាពអប់រំនៅកម្រិតឧត្តមសិក្សា កាន់តែមានប្រសិទ្ធភាព ក្រសួងអប់រំចាំបាច់ ពិនិត្យមើលកម្មវិធីសិក្សា ទាំងការសិក្សាបង់ថ្លៃ និងអាហារូប​ករណ៍ ព្រមទាំងបង្ហាញកម្រិតសមត្ថភាពគ្រូបង្រៀន ដើម្បីធានាថា គ្រូបង្រៀនបានឆ្លងកាត់ជំនាញគរុកោសល្យ ពិតប្រាកដ ។
លោកបានស្នើដល់គ្រឹះស្ថានឧត្តមសិក្សា អនុវត្តឱ្យបាននូវផែនការនិងកម្មវិធីដែលបានដាក់ចេញ ទៅកាន់ក្រសួងអប់រំ ជាជាងការផ្តល់តែសញ្ញាបត្រ តែនិស្សិត​គ្មានគុណ​ភាព។
ម៉្យាងវិញទៀត គ្រឹះស្ថានឧត្តមសិក្សា ត្រូវចូលរួមក្នុងបុព្វហេតុលើកកម្ពស់អប់រំ ជៀសវាងដើម្បីតែជំនួញ ហើយត្រូវផ្តល់ឱកាសឱ្យនិស្សិតអាចចុះកម្មសិក្សា នៅតាមស្ថាប័ន​រដ្ឋ និងឯកជន ដើម្បីអាចឈោងចាប់ទីផ្សារការងារ ក្រោយបញ្ចប់បរិញ្ញាបត្រ៕កុល ចំណូល
 

ត្រលប់ក្រោយ >>