ព័ត៌មានថ្មីៗ:ប្រទេសចិនបានពង្រីកទំនាក់ទំនង ភាពជាដៃគូទៅកាន់ពិភពលោក យ៉ាងសកម្មប្រទេសចិនបានពន្លឿនការស្តារនិងជួសជុល កែលម្អសំណង់បាក់បែកងាយរងគ្រោះឡើងវិញ សម្រាប់មនុស្ស១០០លាននាក់ស្នាក់នៅធនាគារមជ្ឈិមរបស់ប្រទេសចិន ៖ ការជំរុញប្រើប្រាស់ប្រាក់ RMB នៅអន្តរជាតិមានស្ថិរភាពការគ្រប់គ្រងគណៈបក្សកុម្មុយនិស្តចិន យ៉ាងតឹងរឹងដោយ គ្រប់ជ្រុងជ្រោយមិនមែន ត្រឹមតែជាការនិយាយទេ គឺវាជាការអនុវត្តដ៏ចាំបាច់សម្តេចតេជោ ហ៊ុន សែន អញ្ជើញបើកការដ្ឋានសាងសង់ស្ពានឆ្លងកាត់ទន្លេសាប
អង្គការអន្តរជាតិបើកដំណើរការគម្រោងថ្នាក់តំបន់ដើម្បីគាំពារតំបន់ដីសើមក្នុង បណ្តា ប្រទេស តំបន់ មេគង្គក្រោម
ចេញផ្សាយ  ២-គុម្ភះ-២០១៧    ដោយ : CHHON veasna

អង្គការសហភាពអន្តរជាតិដើម្បីការអភិរក្សធម្មជាតិ ហៅកាត់ថា IUCN បានប្រកាស បង្កើតផែនការគ្រប់ គ្រងការកសាងភាពធន់ទ្រាំ ទៅនឹងការប្រែប្រួលអាកាសធាតុ នៅក្នុងតំបន់រ៉ាមសារ ដើម្បីធ្វើឱ្យ ប្រសើរ ឡើង នូវកិច្ចសហការថ្នាក់តំបន់ ស្តីពីការគ្រប់គ្រងតំបន់ដីសើមឆ្លងដែន។

តាមសេចក្តីប្រកាសព័ត៌មានរបស់អង្គការ IUCN ដែលវិទ្យុជាតិកម្ពុជាទទួលបាននៅថ្ងៃទី២ ខែ កុម្ភៈ បានបញ្ជាក់ថា គម្រោង បង្កើនភាពធន់នៃដីសើមនៅបណ្តាប្រទេសមេគង្គក្រោមនេះ ត្រូវបានប្រកាសឡើង នៅក្នុងឱកាសនៃទិវាដីសើមពិភពលោក នៅថ្ងៃទី២ខែកុម្ភៈ នៅទីក្រុងបាងកកប្រទេសថៃដើម្បី ទប់ទល់នឹងកំណើននៃការកាប់បំផ្លាញព្រៃឈើ ធ្វើឱ្យមានការថយចុះនៃកន្លែងពងកូននិងរកចំណីរបស់ត្រី ទីជម្រកតំបន់ដីសើមរួញតូច និងការកាត់បន្ថយគុណភាពទឹក តាមរយៈការពង្រីកនូវវិស័យកសិកម្មស្រោចស្រពនិងការកើនឡើងនៃនគរូបនីយកម្ម។

លោក ជែក ប្រូន័រ ប្រធានអង្គការ IUCN ប្រចាំឥណ្ឌូភូមា បានមានប្រសាសន៍ថា គម្រោងនេះគ្ម្រោងនេះធ្វើឡើងនុសញ្ញាស្តីពីជីវចម្រុះ ដើម្បីសម្របខ្លួនទៅនឹងការប្រែប្រួលអាកាស ធាតុនិងកាត់បន្ថយផលប៉ះពាល់នៅក្រោមអនុសញ្ញាក្របខ័ណ្ឌសហប្រជាជាតិស្តីពីការប្រែប្រួលអាកាសធាតុ។

លោកបានបន្តថា គម្រោងមេគង្គវ៉េត នឹងជួយឱ្យប្រទេសទាំងបួន ក្នុងការប្តេជ្ញាចិត្តរបស់ខ្លួន ដើម្បីឆ្លើយតបទៅនឹងអនុសញ្ញារ៉ាមសារ ដែលជាសន្ធិសញ្ញាអន្តរជាតិសម្រាប់ការអភិរក្សនិងប្រើប្រាស់ដោយនិរន្តរ ភាពនៃដីសើមនិងដើម្បីសម្រេចបាននូវគោលដៅជីវៈចម្រុះ Aichi។

ឯ.ឧ សៅ សុភាព នាយកខុទ្ធការល័យនិងជាអ្នកនាំពាក្យក្រសួងបរិស្ថាន បានគាំទ្រចំពោះគម្រោងថ្នាក់តំបន់ដែលគាំពារតំបន់ដីសើមនេះ ខណៈកម្ពុជាបានខិតខំធ្វើសកម្មភាពអភិរក្ស ការពារតំបន់ដីសើម តំបន់រ៉ាមសាម ធនធានទឹក និងជលផល ដីជំរាល ព្រៃលិចទឹក នៅក្នុងខេត្តជុំវិញបឹងទន្លេសាប ខេត្តស្ទឹងត្រែង និងខេត្តជាប់តំបន់មាត់សមុទ្រ។

តាមក្រុមអ្នកបរិស្ថានបានពន្យល់ថា តំបន់ដីសើមដូចជាវាលភក់ទន្លេព្រៃកោងកាងផ្កាថ្មនិងទីជំរក នៅតំបន់ឆ្នេរនិងនៅតំបន់ទឹកសាបផ្សេងៗទៀត មានលក្ខណៈពិសេសជាប្រព័ន្ធអេកូឡូស៊ីដ៏សំខាន់ មានមុខងារសំខាន់ៗជាច្រើន រួមមាននិយ័តកម្មនៃលំហូរទឹកការផ្តល់ទឹកស្អាតនិងការស្តុកទុកកាបូនជាដើម។

តំបន់ដីសើម ដើរតួជាតំបន់ទ្រនាប់ធម្មជាតិ ដែលជួយកាត់បន្ថយសំណឹកដីដែលប៉ះពាល់ដោយទឹកជំនន់ រលកយក្សស៊ូណាមិនិងការរអិលបាក់ដី ហើយដោយមានសមត្ថភាពរក្សាទុកទឹកក្នុងចំនួនដ៏ច្រើន តំបន់ដីសើមអាចជួយកាត់បន្ថយលំហូរនៃទឹកជំនន់នៅកម្រិតខ្ពស់បំផុតក្នុងអំឡុងពេលរដូវវស្សាខណៈពេលដែលអាងស្តុកទឹកដ៏ធំនៅរដូវប្រាំង។

សូមបញ្ជក់ថា ប្រជាជនរាប់លាននាក់ ដែលរស់នៅតាមតំបន់ដីសើមនាទន្លេមេគង្គក្រោម បានពឹងផ្អែកលើតំបន់ដីសើមសម្រាប់ធ្វើកសិកម្ម ដើម្បីការររស់រានរបស់ពួកគេ៕អត្ថបទៈកុល ចំណូល

ត្រលប់ក្រោយ >>