ព័ត៌មានថ្មីៗ:គ.ជ.ប ប្រកាសថា នឹងទទួលយកនូវអនុសាសន៍ពីគណបក្សនយោបាយ និងភាគីពាក់ព័ន្ធ សម្រាប់យុទ្ធនាការឃោសនាបោះឆ្នោតឆ្នាំ២០១៧កម្ពុជាបញ្ជាក់អំពី ជំហរ គោរពតាមMOUនៃប្រទេសកម្ពុជានិងអូស្រ្តាលី ក្នុងទទួលយកជនភៀសខ្លួនពីកោះនេរ៉ុ មករស់នៅកម្ពុជា​​​លោក ​លី ខឺឈាំង ​៖ អាស៊ាន​ជា​ទិសដៅ​ចម្បង​ នៃ​ទំនាក់ទំនង​ការទូត​របស់ចិន ជាមួយ​ប្រទេស​​ជិតខាង​ប្រទេសចិនត្រៀមបង្កើត តំបន់សេដ្ឋកិច្ចសមុទ្រគំរូចំនួន ១០ទៅ២០កន្លែងមុន ឆ្នាំ២០២០គណរដ្ឋមន្ត្រី កម្ពុជា ស្នើសុំបុរេប្រទានថវិកា ជំពូក(៦២ ០២៨) ចំនួន ៣.០០០ .០០០.០០០រៀល (បីប៊ីលានរៀលគត់ ដើម្បីរៀបចំចាត់ចែងធ្វើបុណ្យ ជូនសពសម្តេចវិបុលបញ្ញា សុខអាន ដើម្បីអោយសាកសម និងកិត្តិយស ដែលសម្តេចបានបំរើប្រទេសជាតិ គ្រានៅមានជីវត..
ក្រសួងអប់រំ ជំរុញដល់គ្រឹះស្ថានសិក្សា រកវិធីសាស្រ្តថ្មីៗ ជួយលើកកម្ពស់សុខភាពសិស្ស
ចេញផ្សាយ  ២៣-គុម្ភះ-២០១៧    ដោយ : CHHON veasna

ក្រសួងអប់រំ ជំរុញដល់គ្រឹះស្ថានសិក្សា រកវិធីសាស្រ្តថ្មីៗ ជួយលើកកម្ពស់សុខភាពសិស្ស

MC: ក្រសួងអប់រំ យុវជននិងកីឡា ជំរុញដល់គ្រឹះស្ថានសិក្សារកវិធីសាស្រ្តថ្មីៗ ក្នុងការជំរុញការលើកកម្ពស់សុខភាពសិស្ស ដើម្បីកាត់បន្ថយបញ្ហាសុខភាព ដែលរំខានដល់ការបណ្តុះ បណ្តាល ធន ធានមនុស្ស នឹងឈានទៅលើកកម្ពស់សុខភាព គុណភាពនិង ប្រសិទ្ធភាពអប់រំ របស់ កម្ពុជា។

អ្នកយកព័ត៌មានយើងរាយការណ៍បន្ថែម...

          ក្នុងសិក្ខាសិលាស្តីពីសុខភាពសិក្សា នៅថ្ងៃទី២៣ ខែ កុម្ភៈ នាសណ្ឋាគារ កាំបូឌីយ៉ាណា រាជធានីភ្នំពេញ ឯ.ឧ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា បានមានប្រសាសន៍ចង់ឱ្យគ្រឹះស្ថានសិក្សាទាំងអស់យកចិត្តទុកដាក់ឱ្យបានខ្លាំងក្លាពីលក្ខខណ្ឌអនាម័យ នៅតាមសាលារៀន ដូចជា ទឹកបរិភោគ បង្គន់អនាម័យ បរិក្ខាលាងសម្អាតដៃ សុវត្ថិភាព និងបរិស្ថានសាលារៀន ដើម្បីធានាថែរក្សាសុខភាព សិស្សា នុសិស្ស ឱ្យកាន់តែប្រសើរ។

          ការជំរុញដល់សាលារៀនទូទាំងប្រទេស ឱ្យចូលរួមរកវិធីសាស្រ្តថ្មីៗ ក្នុងការជំរុញការលើកកម្ពស់សុខភាពនេះ ធ្វើ ឡើងដើម្បីឆ្លើយតប និងកាត់បន្ថយអត្រាឆ្លងជំងឺផ្សេងៗ ដូចជា អត្រាមរណភាពរបស់ កុមារទាក់ ទងនឹងជំងឺរាគ ជំងឺរលាកផ្លូវដង្ហើម បញ្ហាកង្វះអាហារូបត្ថម្ភ ព្រមទាំងអត្រាបោះបង់ ចោល ការ សិក្សារបស់កុមារ។

          ថ្នាក់ដឹកនាំសាលារៀន និងមន្ទីរអប់រំ យុវជននិងកីឡា ដែលបានចូលរួមក្នុងសិក្ខាសិលាស្តីពីសុខភាពសិក្សា បានឱ្យដឹងថា នឹងបើកកិច្ចប្រជុំដើម្បីពិភាក្សានិងពិនិត្យលទ្ធភាពកសាងហេដ្ឋារចនាសម្ព័ន្ធដោយគោរពតាមបទដ្ឋានអនាម័យ ដើម្បីធ្វើឱ្យប្រសើរឡើងនូវសុខភាពរបស់កុមារ។

          លោក យង់ គន្ធារិទ្ធ អនុប្រធាននាយកដ្ឋានសុខភាពសិក្សា បានមានប្រសាសន៍ថា បញ្ហាសុខភាព ជិះឥទ្ធិលពលអវិជ្ជមាន ដល់សិក្សារៀនសូត្ររបស់សិស្សា នុ សិស្ស ឈានទៅអវត្តមាន និងគ្មានលទ្ធភាពទទួលបានការអប់រំប្រកបដោយប្រសិទ្ធភាពនោះទេ។

Clip:លោក យង់ គន្ធារិទ្ធ(បើសិនអ្នកសិក្សាពុំមានសុខភាពល្អទេ...តាមអ្វីដែលយើងចង់បាន)

        លោក ហេង សន្តិភាព មន្ត្រីជំនាញទឹកស្អាត និងអនាម័យនៃមូលនិធិអង្គការសហប្រជាជាតិដើម្បី កុមារ បានមានប្រសាសន៍ថា ការលើកកម្ពស់ទឹកស្អាត និងអនាម័យនៅតាមសាលារៀនជាផ្នែកមួយ ជួយឱ្យបញ្ញាស្មារីកុមារលូតលាស់ល្អ ធានាដល់សុខភាព គុណភាពនិង ប្រសិទ្ធភាពអប់រំ ។

Clip: លោក ហេង សន្តិភាព (ទាក់ទងនឹងអនាម័យប្រសិនកង្វះខាតអនាម័យ....មិនមែនសម្រាប់តែអ្នកណាម្នាក់ទេ)

         តាមមន្ត្រីក្រសួងអប់រំ យុវជន និងកីឡា បានឱ្យដឹងថា ក្រសួងនឹងបញ្ជូលគោលការណ៍ណែនាំអនុវត្តលក្ខខណ្ឌអប្បបរមា ស្តីពីទឹក ស្អាត និងអនាម័យតាមសាលារៀន នៅពេលចាប់ផ្តើមសាងសង់ សាលារៀនថ្មី នៅឆ្នាំ ក្រោយៗ ទៀត ដើម្បីធានាលើកកម្ពស់សុខភាព គុណភាពនិង ប្រសិទ្ធភាព អប់រំរបស់កុមារ។

          សូមបញ្ជាក់ថា ក្រសួងអ ប់រំ យុវជននិងកីឡា បានបន្ថែមថវិកា សម្រាប់ផ្តល់បរិក្ខារអនាម័យទឹកស្អាតសម្រាប់សាលារៀនប្រមាណ២៨៧សាលា នៅឆ្នាំសិក្សា ២០១៦-២០១៧នេះ៕

អត្ថបទៈកុល ចំណូល

ត្រលប់ក្រោយ >>