ព័ត៌មានថ្មីៗ:រាជរដ្ឋាភិបាលពន្លឿនការតាក់តែងក្រមការពារបរិស្ថាន និងធនធានធម្មជាតិ ឲ្យចប់នៅចុងឆ្នាំនេះក្រសួងសង្គមកិច្ចសម្រេចបង្កើតមជ្ឈមណ្ឌលដាច់ដោយឡែកមួយសម្រាប់ថែទំា កុមារ ដែលទំនាស់នឹងច្បាប់អាជ្ញាធរជាតិប្រយុទ្ធប្រឆាំងគ្រឿងញៀន អំពាវនាវដល់លោកគ្រូ អ្នកគ្រូជួយតាមដានសិស្សដែលជាមុខសញ្ញាគ្រឿងញៀនអាជ្ញាធរាជធានី ជំរុញឲ្យម្ចាស់អាជីវកម្មប្រេងឥន្ធនៈនិងឧស្មន័ត្រូវមានច្បាប់ត្រឹមត្រូ វគ.ជ.ប គ្រោងលុបឈ្មោះអ្នកបោះឆ្នោតជា ង៨ម៉ឺននាក់ចេញពីបញ្ជី
ចូលរួមសកម្មភាពកាន់តែសកម្មថែមទៀត ក្នុងការរួមចំណែកដល់ការថែរក្សាបរិស្ថាន និងទីក្រុងស្អាត
ចេញផ្សាយ  ២៨-គុម្ភះ-២០១៧    ដោយ : CHHON veasna

អត្ថាធិប្បាយ៖

ចូលរួមសកម្មភាពកាន់តែសកម្មថែមទៀត ក្នុងការរួមចំណែកដល់ការថែរក្សាបរិស្ថាន និងទីក្រុងស្អាត

  ថ្ងៃទី២៧កុម្ភៈជារៀងរាល់ឆ្នាំ  រាជរដ្ឋាភិបាលបានកំណត់យក ប្រារព្ធ “ទិវាជាតិទីក្រុងស្ងាត” ដើម្បីជាប្រទីបបំភ្លឺនិងក្រើនរំលឹកដល់ប្រជាពលរដ្ឋ  និងគ្រប់ភាគីពាក់ព័ន្ធទាំងអស់  ចូលរូមក្នុងចលនាប្រឡងប្រណាំងទីក្រុងស្អាត  ដែលជាផ្នែកមួយនៃ “ព្រះរាជាណាចក្រអច្ឆរិយៈ” ។ទិវានេះមានបំណងបណ្តុះឆន្ទៈគ្រប់ភាគីទាំងអស់គ្នាឲ្យស្រឡាញ់ភាពស្អាត  និងភាពបៃតង  ព្រមទាំងជំរុញចូលរួមក្នុងស្មារតីបណ្តុះឆន្ទៈគ្រប់ភាគីទាំងអស់គ្នា  ឲ្យស្រឡាញ់ភាពស្អាត  និងភាពបៃតង  ព្រមទាំងជំរុញចូលរួមធ្វើឲ្យទីក្រុងរបស់យើងកាន់តែស្រស់ស្អាតប្រកបដោយភាពទាក់ទាញថែទៀត ។ សម្រាប់កម្ពុជា  ទីក្រុងស្អាតឬទីក្រុងបៃតងឬទីក្រុងប្រកបដោយនិរន្តរភាព  គឺសំដៅដល់ ទីក្រុងដែលមានបរិស្ថាន  អនាម័យ  សណ្តាប់ធ្នាប់ល្អ  គួបផ្សំនឹងហេដ្ឋារចនាសម្ព័ន្ធទ្រទ្រង់គ្រប់ គ្រាន់  ដែលផ្តល់នូវភាពកក់ក្តៅនិងមជ្ឈដ្ឋានរស់នៅល្អប្រសើរសម្រាប់ប្រជាជនក្នុងទីក្រុង  និងការទស្សនាកម្សាន្តរបស់ភ្ញៀវទេសចរ ។

 ឆ្នាំនេះ ជាឆ្នាំទី៥  ដែលយើងប្រារព្ធធ្វើទិវាទីក្រុងស្អាត  ក្រោមប្រធានបទ “ទីក្រុងស្អាត៖ ទីក្រុង ផ្តល់ភាពកក់ក្តៅដល់ប្រជាពលរដ្ឋនិងភ្ញៀវទេសចរ”។  តាមរយៈប្រធានបទនេះ ឆ្លុះបញ្ចាំងយ៉ាងច្បាស់ ថា  ប្រជាពលរដ្ឋគ្រប់រូបតែងប្រាថ្នាចង់រស់នៅក្នុងទីក្រុងដែលមានភាពស្អាត  និងបៃតង មានការយក ចិត្តទុកដាក់អំពីអនាម័យជុំវិញមជ្ឈដ្ឋានរស់នៅរបស់ពួកគាត់  មានការធានាសន្តិសុខសុវត្ថិភាពពេញ លេញ  មានការរៀបចំសណ្តាប់ធ្នាប់របៀបរៀបរយល្អ  មានការផ្តល់សេវាសាធារណប្រកបដោយ បដិសណ្ឋារកិច្ចល្អ  ពោលគឺទីកន្លែងដែលអាចផ្តល់នូវភាពកក់ក្តៅយ៉ាងពិតប្រាកដសម្រាប់ការរស់នៅ របស់ពួកគាត់ ។ ដូចគ្នានេះដែរ  ភ្ញៀវទេសចរក៏ចង់បានទីក្រុងដែលជាគោលដៅទេសចរណ៍របស់ពួក គេ  ជាទីក្រុងដ៏ល្អស្អាតមានការយកចិត្តទុកដាក់អំពីភាពស្អាត  និងបៃតង អនាម័យល្អ មានហេដ្ឋា រចនាសម្ព័ន្ធតភ្ជាប់គ្រប់មធ្យោបាយ  មានការធានាសន្តិសុខសុវត្ថិភាពពេញលេញ  សណ្តាប់ធ្នាប់ល្អ  មានការផ្តល់នូវបដិសណ្ឋារកិច្ចល្អ  មានសម្បទាផលិតផល  និងសេវាទេសចរណ៍ប្រកបដោយ គុណភាព ។ ទាំងនេះសុទ្ធសឹងជាកត្តាកំណត់ក្នុងការសម្រេចចិត្តជ្រើសរើសគោលដៅសម្រាប់ដំណើរ កម្សាន្តរបស់ភ្ញៀវទេសចរនាពេលបច្ចុប្បន្ន ។ ក្នុងន័យនេះទីក្រុងដែលគួរឲ្យចង់រស់នៅ  និងគួរឲ្យចង់ មកទស្សនាកម្សាន្តត្រូវតែទីក្រុងបៃតងទីក្រុងស្អាត ជាទីក្រុងដែលមានបរិស្ថានអនាម័យសណ្តាប់ធ្នាប់ ល្អ  គួរផ្សំនឹងហេដ្ឋារចនាសម្ព័ន្ធទ្រទ្រង់គ្រប់គ្រាន់ដែលផ្តល់នូវភាពកក់ក្តៅ  និងមជ្ឈដ្ឋានរស់នៅ ប្រសើរដល់ប្រជាជនក្នុងទីក្រុង ។ ទិវាជាតិ នេះពិតជាមានសារសំខាន់ណាស់ ក្នុងការជំរុញចលនាទីក្រុងស្អាត ហើយផ្ដល់ឱកាសឱ្យយុវជនចូលរួមសកម្មភាពនេះកាន់តែសកម្មថែមទៀត ក្នុងការរួមចំណែកដល់ការថែរក្សាបរិស្ថាន និងទីក្រុងស្អាត ដែលជាកិច្ចការត្រូវបានប្រទេសនានាលើពិភពលោកយកចិត្តទុកដាក់ខ្ពស់ សំដៅលើកកម្ពស់សុខុមាលភាពរបស់ប្រជាពលរដ្ឋផង និងជាគោលដៅទេសចរណ៍ដ៏ទាក់ទាញផង។

  រាជរដ្ឋាភិបាលកម្ពុជាចាត់ទុកវិស័យទេសចរណ៍ ជាវិស័យអាទិភាព និងជា "មាសបៃតង" ដោយហេតុថាវិស័យនេះផ្ដល់កាលានុវត្តភាពការងារបន្ថែម និងរួមចំណែកដល់ការលើកកម្ពស់កម្រិតជីវភាពរស់នៅរបស់ប្រជាជន និងកាត់បន្ថយភាពក្រីក្រ តាមរយៈការបង្កើនប្រាក់ចំណូល និងការទាក់ទាញការវិនិយោគពីបរទេស។ វិស័យនេះក៏រួមចំណែកផងដែរដល់ការលើកតម្កើងតម្លៃបេតិកភណ្ឌវប្បធម៌ជាតិយើង។

រាជរដ្ឋាភិបាល បានយកចិត្តទុកដាក់ខ្ពស់លើការបង្កើននូវភាពប្រកួតប្រជែងវិស័យទេសចរណ៍ តាមរយៈការដាក់ចេញនូវយុទ្ធនាការផ្សព្វផ្សាយ "កម្ពុជា៖ ព្រះរាជាណាចក្រអច្ឆរិយៈ" និងចលនាប្រឡងប្រណាំង "ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ" សំដៅលើកកម្ពស់កិត្យានុភាពរបស់កម្ពុជាយើង ជាគោលដៅទេសចរណ៍ដែលមានឧត្តមភាពប្រកួតប្រជែងខ្ពស់ទាំងនៅក្នុងតំបន់និងសកលលោក ប្រកបដោយភាពទាក់ទាញ និងភាពកក់ក្តៅដល់ភ្ញៀវទេសចរ។ ទន្ទឹមនឹងនេះ កម្ពុជាក៏បាននិងកំពុងយកចិត្តទុកដាក់ក្នុងការអភិវឌ្ឍវិស័យទេសចរណ៍ប្រកបដោយចីរភាព ដោយមានការចូលរួមយ៉ាងសកម្មពីគ្រប់ភាគីពាក់ព័ន្ធ និងផ្ដល់ផលប្រយោជន៍ប្រកប ដោយសមធម៌ដល់ប្រជាពលរដ្ឋតាមសហគមន៍។ ដូច្នេះ ការធានាបាននូវការថែរក្សា និងអភិរក្សបេតិកភណ្ឌ និងធនធានធម្មជាតិ ឱ្យបានគង់វង្ស គឺជាការងារចាំបាច់ និងគ្មានទីបញ្ចប់។

 ដោយសារកិច្ចខិតខំប្រឹងប្រែងជាប្រចាំរបស់រាជរដ្ឋាភិបាល ក្នុងការអភិវឌ្ឍវិស័យទេសចរណ៍ កម្ពុជាទទួលបានទេសចរអន្តរជាតិចំនួនជាង ៤លាន ៧សែននាក់ នៅឆ្នាំ២០១៥ ក្នុងអត្រាកំណើនប្រមាណជាង ៦,១% បើធៀបនឹងឆ្នាំ២០១៤ ដោយបាននាំមកនូវប្រាក់ចំណូលប្រមាណជាង ៣ប៊ីលានដុល្លារអាមេរិក។ យោងតាមរបាយការណ៍របស់លោករដ្ឋមន្ត្រីក្រសួងទេសចរណ៍ កម្ពុជារំពឹងថានឹងទទួលទេសចរប្រមាណជាង ៧លាននាក់ នៅឆ្នាំ២០២០ ដែលអាចផ្តល់ប្រាក់ចំណូលប្រមាណ ៥ប៊ីលានដុល្លារ និងបង្កើតឱកាសការងារបានប្រមាណ ១លាននាក់។

 

ទន្ទឹមនឹងនេះ អាស៊ាន ទើបបានដាក់ចេញ ផែនការយុទ្ធសាស្ត្រអភិវឌ្ឍន៍ទេសចរណ៍អាស៊ានឆ្នាំ២០១៦-២០២៥ ដោយតម្រូវឱ្យមានការយកចិត្តទុកដាក់លើការអភិវឌ្ឍឈរលើគោលការណ៍គ្រឹះសំខាន់ចំនួន២ គឺការបង្កើននូវភាពប្រកួតប្រជែង និងការធានានូវនិរន្តរភាព និងបរិយាប័ន នៃការអភិវឌ្ឍវិស័យទេសចរណ៍ សំដៅប្រែក្លាយអាស៊ានជាគោលដៅទេសចរណ៍រួម ប្រកបដោយភាពទាក់ទាញ ភាពកក់ក្តៅ និងគុណភាពខ្ពស់ ដែលអាចផ្តល់ជូនភ្ញៀវទេសចរនូវភាពសប្បាយរីករាយដ៏សម្បូរបែប ការចងចាំមិនអាចបំភ្លេចបាន ព្រមទាំងការដក់ចិត្តចង់មកលេងម្តងហើយម្តងទៀត។នាពេលថ្មីៗនេះ អាស៊ានបានជំរុញឱ្យមាន ស្តង់ដាទីក្រុងទេសចរណ៍ស្អាតអាស៊ាន ដែលកម្ពុជា ជាប្រទេសដឹកនាំសម្របសម្រួលនូវការរៀបចំស្តង់ដានេះឡើង។ 

ទិវាជាតិទីក្រុងស្អាតឆ្នាំ២០១៧ នេះ ប្រារព្ធឡើងក្រោមប្រធានបទ "ទីក្រុងស្អាត៖ ទីក្រុង ផ្តល់ភាពកក់ក្តៅដល់ប្រជាពលរដ្ឋនិងភ្ញៀវទេសចរណ៍" ដើម្បីបញ្ជាក់អំពីសារសំខាន់នៃភាពជាម្ចាស់កាតព្វកិច្ច និងការទទួលខុសត្រូវរបស់ប្រជាពលរដ្ឋគ្រប់រូប ក្នុងការចូលរួមបង្កើត និងថែរក្សាទីក្រុងឱ្យស្អាត និងបៃតង។ សន្តិសុខ និងសុវត្ថិភាព ក៏ជាកត្តាសំខាន់ក្នុងការធានាឱ្យកម្ពុជារក្សាបានជាគោលដៅទេសចរណ៍ដ៏ទាក់ទាញ៕

 

ត្រលប់ក្រោយ >>