ព័ត៌មានថ្មីៗ:“ជ្រោងទង់​ដ៏​មហិមា​ សម្រេច​សុបិន​ដ៏​មហិមា​”ស៊ី ជីងភីង ៖ ការប្រកាន់ខ្ជាប់នូវជំនឿទុកចិត្តខាងវប្បធម៌ គឺជា ចំណុចដ៏សំខាន់មួយយុទ្ធសាស្រ្ត "ខ្សែក្រវាត់មួយផ្លូវមួយ" ត្រូវបានលោក ស៊ី ជីនភីង បានគ្រោងស្ថាបនាបន្ទាប់ពី សមាជបក្សកុម្មុយនិស្តចិនលើកទី១៨ ដែលបានកន្លងផុតទៅពង្រឹងមូលដ្ឋានសុខភាពល្អប្រសើរ របស់ប្រទេសចិន ដើម្បីសម្រេចការធ្វើឲ្យ ប្រជាជាតិចិនងើបឡើងវិញអង្គការភ្លែនអន្តរជាតិ និងក្រសួងអប់រំ បំពេញក្តីស្រម៉ៃកុមារីមកពីជនបទឲ្យធ្វើជាអ្នកដឹកនាំ
ជប៉ុនផ្តល់ថវិកាជាង១លានដុល្លារ ដើម្បីជួយកម្ពុជាលើការបោសសម្អាតមីន ផ្នែកសុខភាព និងលើកកម្ពស់ផលិតផលសរីរាង្គនៅលើទីផ្សារ
ចេញផ្សាយ  ២-មិនា-២០១៧    ដោយ : CHHON veasna

ជប៉ុនផ្តល់ថវិកាជាង១លានដុល្លារ ដើម្បីជួយកម្ពុជាលើការបោសសម្អាតមីន ផ្នែកសុខភាព និងលើកកម្ពស់ផលិតផលសរីរាង្គនៅលើទីផ្សារ

រដ្ឋាភិបាលជប៉ុន តាមរយៈស្ថានទូតជប៉ុនប្រចាំនៅកម្ពុជា នៅព្រឹកនេះ បានសម្រេចផ្តល់ថវិកាជាង១លានដុល្លារ ដើម្បីជួយកម្ពុជាលើការបោសសម្អាតមីន ផ្នែកសេវាសុខភាព និងការលើកកម្ពស់ផលិតផល សរីរាង្គរបស់កសិករនៅលើទីផ្សារ។ អ្នកយកព័ត៌មានយើងរាយការណ៍បន្ថែម.. 

          ថវិកាជាង១លានដុល្លារ ដែលជាជំនួយឧបត្ថម្ភឥតសំណងសម្រាប់គម្រោងអង្គការក្រៅរដ្ឋាភិបាលជប៉ុន ត្រូវបានចុះហត្ថលេខាដោយ ឯ.ឧ ហូរីណូអ៊ុជិ ហ៊ីដេហ៊ីសា ឯកអគ្គរដ្ឋទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំ ព្រះរាជាណាចក្រកម្ពុជា និងតំណាងអង្គភាពទទួលជំនួយ នៅស្ថានទូតជប៉ុនប្រចាំនៅកម្ពុជា នៅថ្ងៃទី ១ ខែ មីនានេះ។

          ថវិកាជាង១លានដុល្លារនេះ បានផ្តល់ទៅកាន់អង្គការក្រៅរដ្ឋាភិបាលជប៉ុនចំនួន៣រួមមាន អង្គការសកម្មភាពកម្ចាត់មីនជប៉ុន JMAS សម្រាប់គម្រោងបង្កើនសមត្ថភាពក្រុមបោសសម្អាត កាកសំណល់ជាតិផ្ទុះពីសង្គ្រាម សម្រាប់CMACនៅដំណាក់កាលទី៣ ទទួលបានថវិកាចំនួនជាង៥សែនដុល្លារ។

          អង្គការIVY សម្រាប់គម្រោងកាត់បន្ថយភាពក្រីក្រ តាមរយៈការពង្រឹងទីផ្សារនៃផលិតផលសរីរាង្គរបស់សហគមន៍កសិកម្មក្នុងខេត្តចំនួន២គឺខេត្តព្រះវិហារ និងខេត្តស្វាយរៀង នៅដំណាក់កាលទី២ទទួលបានថវិកាចំនួនជាង៣សែនដុល្លារ និងអង្គការWorld Vision Japan សម្រាប់គម្រោងលើកកម្ពស់សុខភាពមាតានិងទារក ក្នុងខេត្តតាកែវ នៅដំណាក់ទី១ទទួលបានថវិកាចំនួនជាង៤សែនដុល្លារ ។    

          លោក SHIBATA MIKIO ប្រធានតំណាងអង្គការ JMAS បានមានប្រសាសន៍ថា ថវិកាទាំង នេះ សម្រាប់អនុវត្តសកម្មភាពបោសសម្អាតកាកសំណល់ជាតិផ្ទុះ ពីសង្គ្រាម និងការបណ្តុះបណ្តាលក្រុមបោសសម្អាត និងគ្រូបច្ចេកទេស ព្រមទាំងពិនិត្យលទ្ធភាពនៃការផ្ទេរជំនាញផ្នែកបច្ចេកវិជ្ជាចុងក្រោយបំផុត ដូចជា ការប្រើប្រាស់យន្តហោះគ្មានមនុស្សបើក ហៅថា ដ្រូន ដើម្បីកាត់បន្ថយការគំរាមកំហែងពីគ្រាប់យុទ្ធភ័ណ្ឌមិនទាន់ផ្ទុះនៅទូទាំងប្រទេសកម្ពុជា។

          លោកបន្តថា ប្រជាជនប្រមាណ២៤ម៉ឺននាក់ នៅក្នុងតំបន់គោលដៅនឹងរួចផុតពីការភ័យខ្លាច ដោយ សារកាកសំណល់ជាតិផ្ទុះពីសង្គ្រាមទាំងអស់នោះ ហើយគម្រោងនេះ នឹងរួមចំណែកក្នុងការកែលម្អ បរិស្ថានរស់នៅរបស់ប្រជាជនប្រកបដោយស្ថេរភាព ជាមួយនឹងការអភិវឌ្ឍសហគមន៍។

            លោក Takuya Matsuoka តំណាងអង្គការទស្សនៈពិភពលោកជប៉ុន បានសម្តែងអារម្មណ៍រីករាយសម្រាប់ជំនួយនេះ ដើម្បីអនុវត្តគម្រោងលើកកម្ពស់សុខភាពមាតា និងទារកនៅក្នុងខេត្តតាកែវ លើការ          បណ្តុះបណ្តាលសម្រាប់បុគ្គលិក និងអ្នកស្ម័គ្រចិត្តសុខាភិបាល និងការអប់រំផ្នែកសុខភាពដល់មាតា នៅក្នុងស្រុកប្រតិបត្តិគិរីវង់ និងស្រុកប្រតិបត្តិកោះអណ្តែត ដើម្បីលើកកម្ពស់គុណភាព និងការទទួលបាននូវសេវា សុខភាពឱ្យកាន់តែល្អប្រសើរ និងកាត់បន្ថយបញ្ហាខ្វះអាហារូបត្ថម្ភកុមារ និងជំងឺដែលឆ្លងតាមទឹកមិនស្អាត ជាដើម។

          ឯ.ឧ ហូរីណូអ៊ុជិ ហ៊ីដេហ៊ីសា ឯកអគ្គរដ្ឋទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះ រាជាណាចក្រកម្ពុជា បានមានប្រសាសន៍ដោយសង្ឃឹមថា ជំនួយនេះនឹងជួយអភិវឌ្ឍន៍ផ្នែកសេដ្ឋកិច្ច និងសង្គមកិច្ច ដើម្បីផ្តល់អត្ថប្រយោជន៍ដល់ប្រជាពលរដ្ឋដែលរស់នៅតាមកម្រិតមូលដ្ឋាន៕កុល ចំណូល

ត្រលប់ក្រោយ >>