ព័ត៌មានថ្មីៗ:សម្តេចតេជោ ហ៊ុន សែន អញ្ជើញសម្ពោធរោងចក្រផលិតស៊ីម៉ង់ត៍ក្រុមហ៊ុនជីបម៉ុង អ៊ីនស៊ី ស៊ីមេន ខបភើរេសិន (CMIC)វៀតណាម ព្រមានប្រជាពលរដ្ឋខ្លួន មិនឱ្យទៅកម្សាន្តនៅប្រទេសម៉ាល់ឌីវប្រធានព្រឹទ្ធសភាកម្ពុជា វាយតម្លៃខ្ពស់ចំពោះទំនាក់ទំនងជាមួយឥណ្ឌាគណៈកម្មាធិការអចិន្ត្រៃយ៍ នៃរដ្ឋសភាសម្រេចប្រគល់សេចក្តីព្រាងច្បាប់ ចំនួន៤ ទៅគណៈកម្មការជំនាញពិនិត្យ និងសិក្សាហើយធ្វើរាយការណ៍ ជូនគណៈកម្មាធិការអចិន្រ្តៃយ៍រដ្ឋសភាវិញគណៈប្រតិភូជាន់ខ្ពស់រដ្ឋសភា នៃព្រះរាជាណាចក្រកម្ពុជា បានអញ្ជើញនិវត្តន៍មកដល់ប្រទេសវិញហើយ នៅព្រឹកថ្ងៃសៅរ៍នេះ បន្ទាប់ពីបានបំពេញទស្សនៈកិច្ចរយៈពេល៣ថ្ងៃ នៅព្រះរាជាណាចក្រថៃ
ក្រសួងរៀបចំដែនដីដាក់ផែនការពន្លឿនការចុះបញ្ជីដីធ្លី ឱ្យបានឆាប់រហ័សជូនប្រជាពលរដ្ឋ
ចេញផ្សាយ  ៣-មិនា-២០១៧    ដោយ : CHHON veasna

ក្រសួងរៀបចំដែនដីដាក់ផែនការពន្លឿនការចុះបញ្ជីដីធ្លី ឱ្យបានឆាប់រហ័សជូនប្រជាពលរដ្ឋ

ក្រសួងរៀបចំដែនដី នគររូបនីយកម្ម និងសំណង់ ដាក់ផែនការពន្លឿនការចុះបញ្ជីដីធ្លី ឱ្យ បាន ឆាប់ រហ័ស ជូន ប្រជាពលរដ្ឋ ដើម្បីសុវត្ថិភាពនៃការកាន់កាប់ដីធ្លីឱ្យកាន់តែប្រសើរ។អ្នកយកព័ត៌មានយើងរាយការណ៍បន្ថែម...

ឯ.ឧ ជា សុផារ៉ា រដ្ឋមន្ត្រីទេសរដ្ឋមន្ត្រី រដ្ឋ មន្ត្រី ក្រសួងរៀបចំដែនដីនគរូបនីយកម្ម និង សំណង់ បាន មាន ប្រសាសន៍ថា ក្រុមការងាររបស់ក្រសួងនិងមន្ត្រី នៅតាមបណ្តាខេត្ត កំពុង ខិត ខំដោះ ស្រាយទំនាស់ ដីធ្លី ពីការរំលោភបំពានដែលនៅសេសសល់ ឱ្យបានទូទាំងប្រទេស ដើម្បីបង្កើនសកម្ម ភាពចុះបញ្ជីដីធ្លី

ដែលផ្តល់តួនាទីឲ្យប្រជា សហគមន៍ អាច ចូលរួមការពារដីធ្លី ការពារ ព្រៃ ឈើ សម្បត្តិធម្មជាតិ ទាំងនោះ ពីការ បំផ្លិច បំផ្លាញដោយខុស ច្បាប់ ។

ឯ.ឧបានបន្តថា ជាមួយគ្នានេះ ក្រសួងនឹងខិតខំរៀបចំប្លង់គោល នៅតាម ទីក្រុង និងទី ប្រជុំ ជន ដើម្បី ទទួល បានការទុកចិត្តពីប្រជាពលរដ្ឋ និងអ្នកវិនិយោគ ។

ការជំរុញផែនការពន្លឿនការចុះបញ្ជីដីធ្លីនេះ បានធ្វើឡើងក្នុងឱកាសអបអរ សារ ទរ ខួប អនុ ស្សាវរីយ៍ លើក ទី១០៦ ទិវាអន្តរជាតិនារី៨មីនា ក្រោម ប្រធាន បទ«ស្រ្តីដើម្បីសុខ សន្តិ ភាព និង វឌ្ឍនភាព» នៅថ្ងៃទី៣ ខែ មីនា នាទីស្តីការក្រសួងរៀបចំដែនដីនគររូបនីយកម្ម និង សំណង់ ដើម្បីផ្តល់ទំនុកចិត្តដល់ ប្រជា ពលរដ្ឋ និង បង្កើន ជំនឿទុកចិត្តពីអ្នក វិនិយោគ ដែល មានបំណងមកបណ្តាក់ទុននៅកម្ពុជា។

តាមរបាយការណ៍របស់ក្រសួងរៀបចំដែនដី នគររូបនីយកម្ម និងសំណង់ បានឱ្យដឹង ថា បច្ចុប្បន្នវិវាទ ដីធ្លី បានថយចុះមកនៅត្រឹមតែ៩ភាគរយប៉ុណ្ណោះ ខណៈបច្ចុប្បន្ន បាន ផ្តល់ ប័ណ្ណ កម្មសិទ្ធិដីធ្លី ដល់ប្រជាពល រដ្ឋ បានចំនួន៤ លាន៥សែន ប័ណ្ណ ស្មើ៦៤ភាគរយ នៃ ផែនការ សរុបទូទាំង ប្រទេស ក្នុងផែនការ សរុប៧ លាន ប័ណ្ណ។

លោក ឡាត់ គី ប្រធានផ្នែកដីធ្លីនៃសមាគមអាដហុក បានគាំទ្រចំពោះការដាក់ ផែនការពន្លឿន ការចុះ បញ្ជី ដីធ្លី ឱ្យ បាន ឆាប់ រហ័ស ជូន ប្រជាពលរដ្ឋ ដើម្បីកាត់បន្ថយវិវាទដីធ្លី។

ជាមួយគ្នានេះ លោកបាន សម្តែងក្តីព្រួយបារម្ភ ពី ទំនាស់ដីធ្លីដែលជាប់គាំង រុំារ៉ៃ ដែលនៅអូសបន្ថាយ បើ ទោះបីមានការប្តេជ្ញាចិត្តពីរាជរដ្ឋាភិបាល និង ក្រសួង ដែន ដីយ៉ាងណាក្តី។

លោកបានស្នើឱ្យដល់ក្រសួងបើកចំហរនិងផ្តល់ឱកាសដល់អ្នកពាក់ព័ន្ធ ដើម្បីចូលរួមឃ្លាំងមើលទៅ លើ ដំណើរ ការវាស់វែង និងការចុះបញ្ជីដីធ្លី ដើម្បីតម្លាភាព គណនេយ្យភាព ជូនប្រជាពលរដ្ឋ៕

អត្ថបទៈកុល ចំណូល

ត្រលប់ក្រោយ >>