ព័ត៌មានថ្មីៗ:សម្តេចតេជោ ហ៊ុន សែន អញ្ជើញសម្ពោធរោងចក្រផលិតស៊ីម៉ង់ត៍ក្រុមហ៊ុនជីបម៉ុង អ៊ីនស៊ី ស៊ីមេន ខបភើរេសិន (CMIC)វៀតណាម ព្រមានប្រជាពលរដ្ឋខ្លួន មិនឱ្យទៅកម្សាន្តនៅប្រទេសម៉ាល់ឌីវប្រធានព្រឹទ្ធសភាកម្ពុជា វាយតម្លៃខ្ពស់ចំពោះទំនាក់ទំនងជាមួយឥណ្ឌាគណៈកម្មាធិការអចិន្ត្រៃយ៍ នៃរដ្ឋសភាសម្រេចប្រគល់សេចក្តីព្រាងច្បាប់ ចំនួន៤ ទៅគណៈកម្មការជំនាញពិនិត្យ និងសិក្សាហើយធ្វើរាយការណ៍ ជូនគណៈកម្មាធិការអចិន្រ្តៃយ៍រដ្ឋសភាវិញគណៈប្រតិភូជាន់ខ្ពស់រដ្ឋសភា នៃព្រះរាជាណាចក្រកម្ពុជា បានអញ្ជើញនិវត្តន៍មកដល់ប្រទេសវិញហើយ នៅព្រឹកថ្ងៃសៅរ៍នេះ បន្ទាប់ពីបានបំពេញទស្សនៈកិច្ចរយៈពេល៣ថ្ងៃ នៅព្រះរាជាណាចក្រថៃ
ប្រព័ន្ធសារព័ត៌មានបរទេស ៖ ការលើកកម្ពស់គុណភាពកំណើនសេដ្ឋកិច្ច នឹងក្លាយជាចំណុចក្តៅបំផុត ក្នុងមហាសន្និបាតទាំងពីរ របស់ប្រទេសចិន
ចេញផ្សាយ  ៤-មិនា-២០១៧    ដោយ : SengChhay

ឆ្នាំ២០១៧ ជាឆ្នាំមួយដ៏សំខាន់ក្នុងការអនុវត្តផែនការអភិវឌ្ឍន៍ជាតិចិន ៥ ឆ្នាំលើកទី១៣ហើយក៏ជាឆ្នាំមួយដែលធ្វើឲ្យមាន ភាពស៊ីជម្រៅលើកំណែទម្រង់រចនាសម្ព័ន្ធ ផ្នែកខាងផ្គត់ផ្គង់។ អាស្រ័យហេតុនេះ មហាសន្និបាតទាំងពីររបស់ប្រទេសចិនឆ្នាំ២០១៧ នេះបានធ្វើឲ្យមានការយកចិត្តទុកដាក់ កម្រិតខ្ពស់ពីប្រព័ន្ធសារព័ត៌មាន បរទេសសំខាន់ៗ។ ប្រព័ន្ធសារព័ត៌មានបរទេសជាច្រើនបានកត់សម្គាល់ថា របៀបនៃការរក្សាល្បឿនកំណើនសេដ្ឋកិច្ច និងការលើកកម្ពស់គុណភាពនៃកំណើនសេដ្ឋកិច្ច នឹងក្លាយជាចំណុចក្តៅបំផុតនៃមហាសន្និបាតទាំងពីរឆ្នាំនេះ។


ប្រព័ន្ធសារព័ត៌មានប្រទេសអូស្ត្រាលីឈ្មោះ " Financial Review " បានចុះផ្សាយអត្ថបទដែលមានខ្លឹមសារថា ទន្ទឹមនឹងម៉ាក្រូសេដ្ឋកិច្ចកាន់តែមានភាពនឹងនរ ជាមួយ នឹងការដាក់ចេញនូវវិធានការរំញោចសេដ្ឋកិច្ចជាច្រើន បញ្ហាស្ថិតនៅត្រង់ថា តើពេលវេលាណាដែលសមស្របសម្រាប់ដាក់ចេញគម្រោង ច្បាប់គ្រប់គ្រងហានិភ័យ មួយដែលពាក់ព័ន្ធនឹងបញ្ហាពពុះអចលនទ្រព្យ ក្រុមហ៊ុនដែលមានវិបត្តិហិរញ្ញវត្ថុធ្ងន់ធ្ងរ (Zombie company ) និងការត្រួតពិនិត្យនិងគ្រប់គ្រងហិរញ្ញវត្ថុជាដើម។


ប្រព័ន្ធសារព័ត៌មានអាមេរិកឈ្មោះថា The Huffington Post បានចុះផ្សាយអត្ថបទដែលមានខ្លឹមសារថា ស្ថិតក្រោមគោលដៅធ្វើឱ្យមានការអភិវឌ្ឍន៍ប្រកបដោយស្ថិរភាព នៅឆ្នាំនេះ រដ្ឋាភិបាលចិនមានលទ្ធភាពមិនត្រឹមតែចង់សម្រេចបាននូវគោលដៅល្បឿនកំណើនសេដ្ឋកិច្ចក្នុងកម្រិតណាមួយនោះទេ តែអាចមានន័យថា ប្រទេសចិន នឹងខិតខំយ៉ាងពេញទំហឹងដើម្បីបង្កើនគុណភាពសេដ្ឋកិច្ច ។ ដូច្នេះ ប្រទេសចិននឹងខិតខំអស់ពីសមត្ថភាពក្នុងការធ្វើកំណែទម្រង់លើវិស័យពាណិជ្ជកម្មដែកថែប និងធ្យូងថ្មជាដើម ព្រមទាំងធ្វើកំណែទម្រង់វគ្គថ្មីមួយទៀតចំពោះសហគ្រាសរដ្ឋផងដែរ។

ត្រលប់ក្រោយ >>