ព័ត៌មានថ្មីៗ:ប្រទេសចិនបានពង្រីកទំនាក់ទំនង ភាពជាដៃគូទៅកាន់ពិភពលោក យ៉ាងសកម្មប្រទេសចិនបានពន្លឿនការស្តារនិងជួសជុល កែលម្អសំណង់បាក់បែកងាយរងគ្រោះឡើងវិញ សម្រាប់មនុស្ស១០០លាននាក់ស្នាក់នៅធនាគារមជ្ឈិមរបស់ប្រទេសចិន ៖ ការជំរុញប្រើប្រាស់ប្រាក់ RMB នៅអន្តរជាតិមានស្ថិរភាពការគ្រប់គ្រងគណៈបក្សកុម្មុយនិស្តចិន យ៉ាងតឹងរឹងដោយ គ្រប់ជ្រុងជ្រោយមិនមែន ត្រឹមតែជាការនិយាយទេ គឺវាជាការអនុវត្តដ៏ចាំបាច់សម្តេចតេជោ ហ៊ុន សែន អញ្ជើញបើកការដ្ឋានសាងសង់ស្ពានឆ្លងកាត់ទន្លេសាប
លោក Wang Yi ៖ ប្រព័ន្ធអន្តរជាតិនាពេលបច្ចុប្បន្ននេះ ហាក់បីដូចជាអគារធំមួយ មានការរចនាប្លង់ដ៏ប្រណិត
ចេញផ្សាយ  ៩-មិនា-២០១៧    ដោយ : SengChhay

ថ្ងៃទី៨ ខែមីនា ពេលនិយាយដល់ប្រព័ន្ធអន្តរជាតិនាពេលបច្ចុប្បន្នក្នុងសន្និសីទកាសែតនៃមហាសន្និបាតទាំងពីររបស់ប្រទេសចិន លោក Wang Yi រដ្ឋមន្ត្រីការបរទេសចិនបានបញ្ជាក់ថា ប្រព័ន្ធអន្តរជាតិនាពេលបច្ចុប្បន្ននេះហាក់បីដូចជាអគារធំមួយមានការរចនាប្លង់ដ៏ប្រណិត ដែលមានគ្រឹះមូលដ្ឋានជាគន្លឹះគឺពហុភាគីនិយមឯសរសរទ្រទ្រង់សំខាន់បំផុតគឺអង្គការអន្តរជាតិជាច្រើនដែលមានអង្គការសហប្រជាជាតិជាតំណាងដើរតួនាទី ដ៏សំខាន់មិនអាចជំនួសបានក្នុងការគាំពារសន្តិភាពពិភពលោកនិងជំរុញការអភិវឌ្ឍន៍នៃមនុស្សជាតិ ។

នាខែមករា ឆ្នាំ២០១៧នេះ លោក Xi Jinping ប្រធានរដ្ឋចិនបានថ្លែងសុន្ទរកថាសំខាន់ៗជាបន្តបន្ទាប់ក្នុងក្រុងដាវូសនិងក្រុងហ្សឺណែវ ដើម្បីធ្វើការបកស្រាយអំពីការគាំទ្រយ៉ាងមុតមាំរបស់ប្រទេសចិនចំពោះសកលភាវូបនីយកម្មផ្នែកសេដ្ឋកិច្ចនិងពហុភាគីនិយម ហើយបង្ហាញច្បាស់លាស់នូវទិសដៅអភិវឌ្ឍន៍អំពីការកសាងសហគមន៍រួមវាសនាមនុស្សជាតិតែមួយ និងបានទទួលការកោតសសើរពីសកលលោក។ ប្រទេសចិននឹងបន្តប្រកាន់ខ្ជាប់មិនងាករេនូវការដើរលើផ្លូវពហុភាគីនិយម និងបន្តប្រកាន់ខ្ជាប់យ៉ាងមុតមាំនូវការគាំទ្រប្រព័ន្ធអន្តរជាតិពហុភាគីដែលចាត់ទុកអង្គការសហប្រជាជាតិជាស្នូល។

លោក Wang Yi បានបង្ហាញនូវគោលបំណងរបស់ប្រទេសចិនក្នុងការបន្តគាំទ្រនិងគាំពារប្រព័ន្ធអន្តរជាតិដែលមានស្រាប់ពេលនេះ ដោយបានថ្លែងថា៖ អ្វីដែលយើងត្រូវធ្វើនាពេលបច្ចុប្បន្នគឺ មិនមែនធ្វើអ្វីផ្សេងមកជំនួសអ្វីដែលមានស្រាប់នោះទេគឺ ត្រូវធ្វើការកែសម្រួលអ្វីដែលមានស្រាប់ឲ្យបានល្អពេញលេញ ហើយក៏មិនមែនធ្វើអ្វីដែលមានស្រាប់ដដែលៗដោយគ្មានការកែប្រែនោះដែរគឺត្រូវធ្វើកំណែទម្រង់និងមានការច្នៃប្រឌិតថ្មីដើម្បីឲ្យវាកាន់តែសមស្របនឹងការវិឌ្ឍន៍នៃស្ថានការណ៍ កាន់តែសមស្របទៅនឹងតម្រូវការរបស់ប្រទេសនានាក្នុងន័យអាចដើរទាន់ការវិវឌ្ឍន៍នៃយុគសម័យថ្មី។

អ្នកវិភាគកត់សម្គាល់ថា ស្របពេលមានការលេចចេញនូវសភាពការណ៍ប្រឆាំងសកលភាវូបនីយកម្មរបស់រដ្ឋាភិបាលលោកត្រាំ ប្រធានាធិបតីអាមេរិកអាកប្បកិរិយារបស់លោក Wang Yi លើកនេះបានបង្ហាញពីគោលបំណងរបស់ប្រទេសចិនក្នុងការគាំទ្រប្រព័ន្ធអន្តរជាតិ និងផ្តួចផ្តើមធ្វើកំណែទម្រង់ក្នុងពេលសមស្របនិងចាក់បញ្ចូលភាពច្បាស់លាស់ឱ្យដល់ភាពមិនច្បាស់លាស់របស់ពិភពលោក ។ លោកប្រធានមហាសន្និបាតអង្គការសហប្រជាជាតិអាណត្តិទី៧១ បានថ្លែងថា ការសន្យារបស់ប្រទេសចិនអំពីសកលភាវូបនីយកម្មនិងពហុភាគីនិយមបានរួមចំណែកជាវិជ្ជមានចំពោះសន្តិភាពនិងការអភិវឌ្ឍន៍ពិភពលោក៕

ត្រលប់ក្រោយ >>