ព័ត៌មានថ្មីៗ:កិច្ចសហប្រតិបត្តិការផ្នែកសេដ្ឋកិច្ច និងពាណិជ្ជកម្មរវាងបណ្តាប្រទេសទនេ្លឡានឆាង និងមេគង្គឈានឡើងកម្រិតថ្មីថែមទៀតកិច្ចសហប្រតិបត្តិការឡានឆាង-មេគង្គ គឺប្រើរូបមន្តថ្មីនៃកិច្ចសហប្រតិបត្តិការ ក្នុងតំបន់ដើម្បីបង្កើតជាសហគមន៍រួមវាសនាដំណើរទស្សនកិច្ចរបស់លោក Li Keqiang នាយករដ្ឋមន្ត្រីចិននៅប្រទេសកម្ពុជា ៖ សាងសង់ស្ពានដែលជឿទុកគ្នានិងក្រាលផ្លូវឈ្នះ-ឈ្នះពង្រឹងនិងពង្រីកចំណងមេត្រីភាព ប្រពៃណីរវាងចិននិងកម្ពុជា ជំរុញកិច្ចសហប្រតិបត្តិការជា យុទ្ធសាស្រ្តគ្រប់ជ្រុងជ្រោយព្យុះ​ត្រូពិច Tembin ឆក់យកជីវិតមនុស្ស ២០០នាក់ នៅហ្វីលីពីន
ប្រទេសចិនអនុវត្ត គោលនយោបាយពិសេស ដែលទាក់ទាញ ធនធានមនុស្សពូកែៗ ពីបរទេស
ចេញផ្សាយ  ១៣-មិនា-២០១៧    ដោយ : SengChhay

 កាសែត​៖People’s Daily

        “ក្នុងនាមជាអ្នកជំនាញបរទេសដែលធ្វើការនៅក្នុងប្រទេសចិន ខ្ញុំបាន​ចាប់អាម្មណ៍យ៉ាងខ្លាំងចំពោះរដ្ឋាភិបាលចិនដែលផ្តោតការយកចិត្តទុកដាក់លើ​កម្រិតនៃការស្រាវជ្រាវវិទ្យាសាស្ត្រ។ ហើយខ្ញុំក៏មានកិត្តិយសណាស់ ដែលត្រូវបាន​ជ្រើសរើសធ្វើជាសមាជិកបរទេសនៃបណ្ឌិតសភាវិទ្យាសាស្ត្រចិននៅឆ្នាំ២០១៥ ហើយទទួលបានពានរង្វាន់ “ផ្កាចំប៉ាស”ពីក្រុងសៀងហៃឆ្នាំ២០១៦។ កន្លងទៅជាងដប់ឆ្នាំប្លាយនៃដំណើរការអភិវឌ្ឍសេដ្ឋកិច្ច ចិន​បានបង្ហាញពីឧត្ដមភាព​នៃប្រព័ន្ធនយោបាយ​និងសេ​ដ្ឋកិច្ចរបស់ខ្លួន។​ ”នេះបើតាមការនិយាយឱ្យដឹងពី​លោក Anders Lindquist ​សាស្ត្រាចារ្យនៃសាកលវិទ្យាល័យគមនាគមន៍សៀង​ហៃ​ និងជាសមាជិក The Royal Swedish Academy of Engineering Sciences (IVA)ក្នុងពេលទទួលសម្ភាសន៍ជាមួយអ្នកយកព័ត៌មាន People’s Daily កាលពីពេលថ្មីៗនេះ។

        លោក Lindquist បានប្រាប់អ្នកយកព័ត៌មានថា  មហាសន្និបាតសភាទាំងពីររបស់ចិនឆ្នាំ២០១៧នេះ លោកបានយកចិត្តទុកដាក់ខ្លាំងបំផុតគឺថាតើរដ្ឋាភិបាលចិននឹងមានគោលនយោថ្មីណាខ្លះនៅលើផ្នែកជំរុញលើកទឹកចិត្តការស្រាវជ្រាវវិទ្យសាស្ត្រ​។ នៅលើផ្នែកកែលម្អបរិយាកាសនៃការស្រាវជ្រាវវិទ្យាសាស្ត្រ ប្រទេសចិនបានទាក់ទាញនូវធនធានមនុស្សដែលមានសមត្ថភាព​។

        លោក Lindquist គឺជាអ្នកសិក្សាបរទេសក្រុមទីមួយដែលបានចូលក្នុង កម្មវិធីជ្រើសរើសអ្នកជំនាញជាសកល(The Recruitment Program of Global Experts)។ តាមការឱ្យដឹងពីនាយកដ្ឋានអ្នកជំនាញបរទេសជាតិចិនថា ចាប់ពីខែសីហា ឆ្នាំ២០១១មក កម្មវិធីជ្រើសរើសអ្នកជំនាញជាសកលសម្រាប់អ្នកជំនាញបរទេសបានចាប់ផ្ដើមអនុវត្ត សរុបមានធនធានបរទេសជំនាញៗចំនួន៦ក្រុម មានសមាជិកសរុប៣៨១នាក់ បានចូលក្នុងរង្វង់នៃការងារបំរើនិងទំនាក់ទំនងនៃនាយកដ្ឋានអ្នកជំនាញបរទេសជាតិចិន។

        ក្នុងរយៈពេល ៤ឆ្នាំកន្លងមកនេះ ប្រទេសចិនបានយកចិត្តទុកដាក់កិច្ចការទទួលយកនូវធនធាននិងកម្លាំងប្រាជ្ញាបរទេស។ នៅខែឧសភា ឆ្នាំ២០១៤ លោក ស៊ីជីនភីង(Xi jinping)ប្រធានរដ្ឋចិន ធ្លាប់បានចង្អុលបង្ហាញនៅក្នុងពេលជួបពិភាក្សាជាមួយអ្នកជំនាញបរទេសដែលបើកធ្វើដោយក្រុងសៀងហៃថា “ឱ្យធនធានមនុស្សបរទេសដែលមានបំណងមកអភិវឌ្ឍនៅក្នុងប្រទេសចិនមកឱ្យបាន នៅឱ្យបាន ប្រើឱ្យបានល្អ ចល័តទៅមកឱ្យបាន”។ នៅក្នុងរបាយការណ៍ការងារដ្ឋាភិបាលកាលពីឆ្នាំ២០១៦ ក៏បានបញ្ជាក់ច្បាស់មួយកម្រិតទៀត ត្រូវ “អនុវត្តឱ្យកាន់តែសកម្ម កាន់តែបើកចំហរ និងកាន់តែមានប្រសិទ្ធភាពនូវគោលនយោបាយទទួលយកធនធានមនុស្ស”។

  កម្មវិធីជ្រើសរើសអ្នកជំនាញជាសកលសម្រាប់អ្នកជំនាញបរទេស បានជំរុញនូវគោលនយោបាយពិសេសមួយចំនួន ដូចជាក្រសួងហិរញ្ញវត្ថុចិន​បានផ្តល់នូវប្រាក់ឧបត្ថម្ភចំនួន១លានយ័នសម្រាប់គម្រោងវែងមួយលើកនៃកម្មវិធីជ្រើសរើសអ្នកជំនាញនេះសម្រាប់អ្នកជំនាញម្នាក់ ព្រមទាំងផ្តល់ឱ្យនូវថវិកាសិក្សាស្រាវជ្រាវ និងការប៉ះប៉ូវប្រាក់ខែកំណត់មួយដល់អង្គភាពទទួលយកធ្វើការងារជាដើម​។ ដើម្បីទាក់ទាញធនធានមនុស្ស រដ្ឋាភិបាលចិន​បានគាំទ្រយ៉ាងពេញទំហឹងនៅលើផ្នែកការស្នាក់នៅក្នុងពេលឆ្លងដែន ការដាក់ពាក្យស្នើសុំគម្រោង ប្រភពធនធានវិទ្យាសាស្ត្រស្រាវជ្រាវ និងការការពារកម្មសិទ្ធបញ្ញាជាដើម។

 ដើម្បីជាការសរសើរចំពោះអ្នកជំនាញបរទេស ដែលមានវិភាគទានលេចធ្លោក្នុងការកសាងទំនើបកម្មប្រទេសចិន រដ្ឋាភិបាលចិន បានបង្កើតនូវពានរង្វាន់មិត្តភាពរដ្ឋាភិបាលចិននៅឆ្នាំ១៩៩១ ដែលនេះជាពានរង្វាន់ជាន់ខ្ពស់ដែលរដ្ឋាភិបាលចិនផ្តល់ឱ្យអ្នកជំនាញបរទេស។ រហូតមកដល់បច្ចុប្បន្ន សរុបមានអ្នកជំនាញបរទេស១៤៩៩នាក់មកពី៧០ប្រទេសទទួលបានរង្វាន់កិត្តិយសនេះ។ នៅឆ្នាំ២០១៦ មានអ្នកជំនាញបរទេសចំនួន៥០នាក់មកពី១៨ប្រទេសទទួលបានពានរង្វាន់មិត្តភាពរដ្ឋាភិបាលចិន៕

ត្រលប់ក្រោយ >>