ព័ត៌មានថ្មីៗ:វិទ្យុសម្លេងប្រជាជនក្វាងស៊ីចិន សហការជាមួយអ្នកពាក់ព័ន្ធ បង្កើនមិត្តភាពចិន-កម្ពុជា នាពិធីសែនព្រះខែឆ្នាំ២០១៧អាជ្ញាធររាជធានីភ្នំពេញចុះពិនិត្យដោះស្រាយបញ្ហាប្រលាយលូមួយចំនួនដែលបង្កឲ្យមានការជន់លិចទីក្រុងសម្តេចតេជោ ហ៊ុន សែន នាយករដ្ឋមន្រ្តី អញ្ជើញជាអធិបតីភាព នៅក្នុងពិធីបិទទ្វារទឹកទំនប់វារីអគ្គិសនី សេសានក្រោម២​ពលរដ្ឋខ្មែរជាង ២០០នាក់ នៅក្រៅប្រទេស​ ចូលរួមពិសារអាហារល្ងាច ជាមួយ ឯកឧត្ដម ហ៊ុន ម៉ាណែត​ប្រមុខរាជរដ្ឋាភិបាលចាត់ទុកបញ្ហាអគ្គីសនី ជាវិស័យអាទិភាពក្នុងការ អភិវឌ្ឍ​ប្រទេស
គ.ជ.ប ប្រកាសថា នឹងទទួលយកនូវអនុសាសន៍ពីគណបក្សនយោបាយ និងភាគីពាក់ព័ន្ធ សម្រាប់យុទ្ធនាការឃោសនាបោះឆ្នោតឆ្នាំ២០១៧
ចេញផ្សាយ  ១៧-មិនា-២០១៧    ដោយ : Kol Chhamnol

គ.ជ.ប ប្រកាសថា នឹងទទួលយកនូវអនុសាសន៍ពីគណបក្សនយោបាយ និងភាគីពាក់ព័ន្ធ សម្រាប់យុទ្ធនាការឃោសនាបោះឆ្នោតឆ្នាំ២០១៧
MC: មន្រ្ដីជាន់ខ្ពស់គ.ជ.ប បានប្រកាសថា នឹងទទួលយកនូវអនុសាសន៍ពីគ្រប់គណបក្សនយោបាយ និងភាគីពាក់ព័ន្ធ ដើម្បីធ្វើការកែលម្អនៅក្នុងនីតិវិធី ឬបទបញ្ជា សម្រាប់ការឃោសនាបោះឆ្នោតក្រុមប្រឹក្សាឃុំ សង្កាត់ អាណតិ្ដទី៤ ឆ្នាំ២០១៧ នេះ ដើម្បីឱ្យការបោះឆ្នោតមានយុត្ដិធម៌ និងទទួលយកបាន។
    ឯ.ឧ ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោតហៅកាត់ថា(គ.ជ.ប) បានមានប្រសាសន៍ថា គ.ជ.ប នឹងប្រមូលយកនូវ អនុសាសន៍ទាំងឡាយ ដែលបានផ្អែកទៅលើទិដ្ឋភាព ច្បាប់ និងការអនុវត្ដជាក់ស្ដែងហើយរាល់ការលើកឡើងសំណូមពរពីគ្រប់ភាគីពាក់ព័ន្ធវាមានប្រយោជន៍ ដល់ការបោះឆ្នោត។
    ក្នុងកិច្ចប្រជុំពិគ្រោះយោបល់ជាមួយភាគីពាក់ព័ន្ធស្ដីពីតួនាទី និងការទទួលខុសត្រូវរបស់គ.ជ.ប ក្នុងការ  គ្រប់គ្រងយុទ្ធនាការឃោសនាបោះឆ្នោត នាព្រឹកថ្ងៃទី១៧ ខែមីនានេះ នៅសណ្ឋាគារឡឺរ៉ូយ៉ាល់ឯ.ឧបានអះអាងថា ប្រតិទិនស្តីពីការរៀបចំបោះឆ្នោតបានកំណត់រួចហើយ។
    ឯ.ឧបានលើកឡើងថា ការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្ដិទី៤ ឆ្នាំ២០១៧នេះ គ.ជ.ប បានចែងលម្អិតនៅក្នុងបទបញ្ជា និងនីតិវិធីរបស់ខ្លួនពាក់ព័ន្ធនឹងយុទ្ធនាការឃោស នារបស់គណបក្សនយោបាយដោយដាក់ចេញនូវបទប្បញ្ញត្ដិច្បាស់លាស់ ហើយប្រសិនបើភាគីពាក់ព័ន្ធ គោរពឱ្យបានត្រឹមត្រូវ និងមានការយោគយល់អធ្យាស្រ័យគ្នាទៅវិញទៅមក ការឃោសនាបោះឆ្នោត នឹង មិនមានអ្វីកើត ឡើងនោះទេ។
ឯ.ឧបានឱ្យដឹងទៀតថា ក្នុងរយៈពេល១៤ថ្ងៃនៃយុទ្ធនាការឃោសនាបោះឆ្នោតគណបក្សនយោបាយអាចធ្វើការ ឃោសនារបស់ខ្លួនបានជាធម្មតា ប៉ុន្ដែការដង្ហែរក្បួនអាចប្រព្រឹត្ដទៅក្នុងមួយគណ បក្សធ្វើបានតែពីរ លើកនោះទេ ដែលគ្រប់គណបក្សនយោបាយអាចធ្វើចាប់ពីម៉ោង៦ព្រឹក ដល់ម៉ោង១០ យប់ ហើយពេលថ្ងៃអាចសម្រាករយៈពេល២ម៉ោង ចាប់ពីម៉ោង១២ ដល់ម៉ោង២រសៀល។
    លោក សម គន្ធាមី នាយកប្រតិបត្តិអង្គការនិចហ្វិក បានចាត់ទុកថា ការរៀបចំពិគ្រោះយោបល់ ក្នុងយុទ្ធនាការឃោសនាបោះឆ្នោតនេះ ពិតជាមានសារៈសំខាន់ណាស់ ដើម្បីផ្ដល់ឱកាសដល់គណបក្ស នយោបាយ និងអង្គការសង្គមស៊ីវិលបានលើកឡើងនូវក្ដីកង្វល់ចំនួន សម្រាប់ឱ្យ គ.ជ.ប ធ្វើការសម្រប សម្រួល និងកែលម្អនូវចំណុចខ្វះខាត ដើម្បីឱ្យការបោះឆ្នោតប្រព្រឹត្ដទៅប្រកបដោយភាពត្រឹមត្រូវ យុត្តិ ធម៌ និងមានតម្លាភាព។
លោកបានបន្ដថា ក្នុងកិច្ចពិភាក្សានេះ គណបក្សនយោបាយ អង្គការសង្គមស៊ីវិល និងភាគីពាក់ ព័ន្ធអាចជួយផ្ដល់ជាជំនួយស្មារតីដល់គ.ជ.ប ដើម្បីអនុវត្ត ទៅតាមនីតិវិធីក្នុង យន្ដការដោះស្រាយបណ្ដឹង ខណៈពេលយុទ្ធនាការឃោសនាបោះឆ្នោតនាពេលខាងមុខ។
លោកបានបន្ថែមថា កន្លងមក មានការលើកឡើងក្នុងយុទ្ធនាការឃោសនាបោះឆ្នោតអំពីការប្រើ ប្រាស់ទីកន្លែងសាធារណៈមិនស្មើភាពគ្នាដោយសារតែគណបក្សនយោបាយខ្លះអាចប្រើប្រាស់បានច្រើនជាងគណបក្សមួយផ្សេងទៀត និងបញ្ហាកើតឡើងមួយចំនួនទៀត ដើម្បីលើកយកមកធ្វើការពិភាក្សា ហើយដាក់ឱ្យគ.ជ.បរៀបចំយន្ដការក្នុងការឃោសនាបោះឆ្នោតក្រុមប្រឹក្សាឃុំ សង្កាត់ឆ្នាំ២០១៧នេះ បាន កាន់តែល្អប្រសើរថែមទៀត។
យោងតាមប្រតិទិនរបស់គ.ជ.ប សម្រាប់ការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្ដិទី៤ ឆ្នាំ២០១៧នេះ នឹងប្រព្រឹត្ដទៅនៅថ្ងៃទី២០ ខែឧសភា រហូតដល់ថ្ងៃទី២ ខែមិថុនា ឆ្នាំ២០១៧ ដែលមានគណបក្សនយោបាយចូលរួមចំនួន១២គណបក្ស៕ កុល ចំណូល
 

ត្រលប់ក្រោយ >>