ព័ត៌មានថ្មីៗ:កងកម្លាំងប៉ូលិស នៅក្នុងទីក្រុងមួយរបស់ហ្វីលីពីន ត្រូវបានបណ្តេញចេញទាំងស្រុងកម្ពុជានឹងរៀបចំវេទិកា យុវជនទេសចរណ៍លើកទី១ និងពិព័រណ៌ការងារទេសចរណ៍ ចាប់ពីថ្ងៃទី១០-១១ ខែតុលាព័ត៌មានម៉ោង ១៨ល្ងាចប្រមុខរាជរដ្ឋាភិបាលកម្ពុជា ប្រកាសផ្អាកជាបណ្តោះអាសន្នលើការរុករកអដ្ឋិធាតុ ទាហានអាមេរិកប្រមាណ៩០នាក់នៅកម្ពុជាប្រមុខរាជរដ្ឋាភិបាលកម្ពុជា ប្រកាសផ្អាកជាបណ្តោះអាសន្នលើការរុករកអដ្ឋិធាតុ ទាហានអាមេរិកប្រមាណ៩០នាក់នៅកម្ពុជា
វេទិកាកំពូលស្តីពីកិច្ចសហប្រតិបត្តិការអន្តរជាតិ អំពីយុទ្ធសាស្ត្រខ្សែក្រវាត់មួយនិងផ្លូវមួយ បើក​ធ្វើ​នៅក្រុង​ប៉េកាំង​នៅ​ថ្ងៃទី ១៤ ខែ​ឧសភា
ចេញផ្សាយ  ១៥-ឧសភា-២០១៧    ដោយ : SengChhay

វេទិកាកំពូលស្តីពីកិច្ចសហប្រតិបត្តិការអន្តរជាតិអំពីយុទ្ធសាស្ត្រខ្សែក្រវាត់មួយនិងផ្លូវមួយបើក​ធ្វើ​នៅក្រុង​ប៉េកាំង​នៅ​ថ្ងៃទី ១៤ ខែ​ឧសភា ។ លោក​ស៊ី ជីនភីង ប្រធានរដ្ឋ​ចិន​​ថ្លែង​សុន្ទរកថាក្រោមចំណងជើងថា «ពួតដៃគ្នាជំរុញកិច្ចកសាងយុទ្ធសាស្រ្តខ្សែក្រវាត់មួយនិងផ្លូមួយ​» ​ក្នុង​ពិធី​សម្ពោធ​បើក​វេទិកា​កំពូល​លើក​នេះ​ ។

លោកស៊ី ជីនភីងបានថ្លែងថា បើមើលពីជ្រុងនៃប្រវត្តិសាស្រ្ត សង្គមមនុស្សជាតិកំពុងស្ថិតក្នុងសម័យកាលមួយដែលមានការអភិវឌ្ឍ កំណែទម្រង់និងកែសម្រួលយ៉ាងខ្លាំង។ បើមើលពីជ្រុងនៃការពិតជាក់ស្តែង យើងកំពុងស្ថិតក្នុងពិភពលោកមួយដែល កើតមានការប្រកួតប្រជែងជាញឹកញាប់។ កំណើនសេដ្ឋកិច្ចពិភពលោកត្រូវការកម្លាំងចលករថ្មី ចំណែកឯការអភិវឌ្ឍគឺត្រូវការ    តុល្យភាពកាន់តែខ្លាំងនិងកាន់តែមានអំណោយផលដល់ប្រជាជន ហើយគម្លាតរវាងភាពក្រីក្រនិងភាពធូធារត្រូវតែបង្រួមឲ្យបានខ្លី។ ចំណុចក្តៅក្នុងតំបន់បានរក្សាភាពរង្គោះរង្គើជាបន្តបន្ទាប់ ភេរវកម្មនិយមបានរាតត្បាតនិងបង្កគ្រោះភ័យ។
 
ឱនភាពខាងសន្តិភាព ឱនភាពខាងអភិវឌ្ឍ ព្រមទាំងឱនភាពខាងគ្រប់ គ្រង គឺជាការប្រកួតប្រជែងដ៏តានតឹងដែលមនុស្សជាតិបានប្រឈម។ ចាប់តាំងពីសេចក្តីផ្តួចផ្តើមស្តីពីយុទ្ធសាស្រ្តខ្សែក្រវាត់មួយនិងផ្លូវមួយបានត្រូវអនុវត្តអស់រយៈពេលជាង៤ឆ្នាំកន្លង     មកប្រទេសនិងអង្គការអន្តរជាតិជាង១០០នៅទូទាំងពិភពលោកបានសកម្មគាំទ្រនិងចូលរួមក្នុងកិច្ចកសាងយុទ្ធសាស្រ្តខ្សែក្រវាត់មួយនិងផ្លូវមួយ ចំណែកឯសេចក្តីសម្រេចចិត្តដ៏សំខាន់របស់    មហាសន្និបាតអង្គការសហប្រជាជាតិនិងក្រុមប្រឹក្សាសន្តិសុខ  អង្គការសហប្រជាជាតិជាដើមក៏បានរួមបញ្ចូលទៅក្នុងខ្លឹមសារស្តីពីកិច្ចកសាងយុទ្ធសាស្រ្តខ្សែក្រវាត់មួយនិងផ្លូវមួយ។ ហើយ  កិច្ចកសាងខ្សែក្រវាត់មួយនិងផ្លូវមួយក៏បានប្រែពីទស្សនៈទៅជាទង្វើជាក់ស្តែងជាបណ្តើរៗ ពោលគឺប្រែពីក្តីបំណងទៅជាការពិតជាក់ស្តែង ហើយទទួលបានសមិទ្ធផលយ៉ាងធំធេង។
 
លោកស៊ី ជីនភីង ចង្អុលបង្ហាញថា ប្រទេសចិនរីករាយក្នុងការឈរលើមូលដ្ឋាននៃគោលការណ៍ទាំង ៥ រួមរស់ដោយសន្តិសហវិជ្ជមាន ពង្រីកកិច្ចសហប្រតិបត្តិការដោយមេត្រីភាពជាមួយ   បណ្តាប្រទេសដែលចូលរួមកិច្ចកសាងយុទ្ធសាស្រ្តខ្សែក្រវាត់   មួយនិងផ្លូវមួយ" រីករាយចែករំលែកបទពិសោធន៍នៃការអភិវឌ្ឍជាមួយបណ្តាប្រទេសនានាលើពិភពលោក ប៉ុន្តែមិនជ្រៀតជ្រែកកិច្ចការផ្ទៃក្នុងនៃប្រទេសដទៃ មិនដាក់របបសង្គមនិងរូបមន្ត​      អភិវឌ្ឍដោយបង្ខំទៅលើពួកគេ។ ប្រទេសចិននឹងមិនអនុវត្តវិធីចាស់ដែលធើ្វការប្រកួតប្រជែង​តាមទីតាំងភូមិសាស្រ្ត ហើយក៏  មិនបង្កើតក្រុមតូចដែលបង្ខូចដល់ស្ថិរភាព ផ្ទុយទៅវិញគឺនឹង  បង្កើតមហាគ្រួសារដែលរួមរស់នៅដោយចុះសម្រុងគ្នា។ប្រទេសចិនបានចុះហត្ថលេខាលើកិច្ចព្រមព្រៀងអំពីកិច្ចសហប្រតិបត្តិការជាក់ស្តែងនៃយុទ្ធសាស្រ្តខ្សែក្រវាត់មួយនិងផ្លូវមួយជាមួយ     ប្រទេសជាច្រើន ដែលក្នុងនោះរួមមានគម្រោងលើវិស័យដឹក   ជញ្ជូនគមនាគមន៍ ហេដ្ឋារចនាសម្ព័ន្ធនិងថាមពលជាដើមហើយក៏រួមមានទាំងគម្រោងទូរគមនាគមន៍គយការត្រួតពិនិត្យនិង     បង្ការមេរោគឆ្លងជាដើម ព្រមទាំងគម្រោងសហប្រតិបត្តិការនិងគម្រោងលម្អិតលើវិស័យសេដ្ឋកិច្ចនិងពាណិជ្ជកម្ម ឧស្សាហកម្មធុរកិច្ចអេឡិចត្រូនិចកិច្ចការសមុទ្រ និងសេដ្ឋកិច្ចបៃតងជាដើម។ ប្រទេសចិននឹងចុះហត្ថលេខាលើកិច្ចព្រមព្រៀងដែលធ្វើឲ្យកិច្ចសហប្រតិបត្តិការរវាងចិននិងអឺរ៉ុបមានភាពកាន់តែស៊ី ជម្រៅ​ និងជំរុញគម្រោងកិច្ចសហប្រតិបត្តិការទាំងនេះឲ្យចាប់  ដំណើរការនិងទទួលបានសមិទ្ធផលក្នុងពេលដ៏ខ្លីខាងមុខនេះ។
 
លោកស៊ី ជីនភីងបានថ្លែងថា ប្រទេសចិននឹងបង្កើនការគាំទ្រខាងប្រាក់ទុនសម្រាប់កិច្ចកសាងយុទ្ធសាស្រ្តខ្សែក្រវាត់មួយនិងផ្លូវមួយ ហើយនឹងផ្តល់ប្រាក់ចំនួន ១០ ម៉ឺនលានយាន់ប្រាក់ចិន ដល់មូលនិធិផ្លូវសូត្រ ក្នុងន័យលើកទឹកចិត្តដល់គ្រឹះស្ថាននៃហិរញ្ញវត្ថុធ្វើការរៀបចំកិច្ចការមូលនិធិនៅឯនាយសមុទ្រតាមរយៈប្រាក់យាន់ចិន ទំហំទឹកប្រាក់តាមការប៉ាន់ប្រមាណនឹងមានចំនួន៣០ម៉ឺនលានយាន់ប្រាក់ចិន។ធនាគារអភិវឌ្ឍន៍ជាតិចិននិងធនាគារអាហរ័ណនីហរ័ណនឹងផ្តល់ប្រាក់ឥណទានពិសេសចំនួន២៥ម៉ឺនលានយាន់ប្រាក់ចិននិង១៣ម៉ឺនលានយាន់ប្រាក់ចិនដោយឡែ ក្នុងតមៃ្លស្មើគ្នា ដើម្បីគាំទ្រការកសាងហេដ្ឋារចនាសម្ព័ន្ធ ផលិតភាពនិងកិច្ចសហប្រតិបត្តិការហិរញ្ញវត្ថុសម្រាប់យុទ្ធសាស្រ្តខ្សែក្រវាត់មួយនិងផ្លូវមួយ។ ប្រទេសចិននឹងសកម្មអភិវឌ្ឍន៍ទំនាក់  ទំនងភាពជាដៃគូសេដ្ឋកិច្ចនិងពាណិជ្ជកម្មដែលមានផលប្រយោជន៍ដល់គ្នាទៅវិញទៅមកនិងឈ្នះ-ឈ្នះជាមួយប្រទេសដែលចូលរួមការកសាងយុទ្ធសាស្រ្តខ្សែក្រវាត់មួយនិងផ្លូវមួយក្នុងអំឡុងពេលវេទិកានេះ ប្រទេសចិននឹងចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការពាណិជ្ជកម្មនិងសេដ្ឋកិច្ចជាមួយចំនួនជាងប្រទេសចំនួនជាង៣០ព្រមនិង  ពិគ្រោះពិភាក្សាអំពីកិច្ចព្រមព្រៀងពាណិជ្ជកម្មសេរីជាមួយប្រទេសពាក់ព័ន្ធ។ប្រទេសចិននឹងបើកធ្វើពិព័រណ៍ទំនិញនាំចូលពីអន្តរជាតិនៃប្រទេសចិនចាប់ពី ឆ្នាំ២០១៨តទៅ។
 
លោកស៊ី ជីនភីងបានបញ្ជាក់ថា ប្រទេសចិនរីករាយក្នុងការ  បង្កើនការច្នៃប្រឌិតថ្មីនិងកិច្ចសហប្រតិបត្តិការជាមួយប្រទេសនានា ចាប់ដំណើរផែនការប្រតិបត្តិស្តីពីការច្នៃប្រឌិតថ្មីលើផ្នែកវិទ្យាសាស្រ្តនិងបច្ចេកវិទ្យានៃយុទ្ធសាស្ត្រខ្សែក្រវាត់មួយនិងផ្លូវមួយ  បើកធ្វើប្រតិបត្តិការទាំង៤ គឺការផ្លាស់ប្តូរផ្នែកវិទ្យាសាស្រ្តនិង      បច្ចេកវិទ្យានិងវប្បធ៌មមនុស្សសាស្រ្ត រួមគ្នាកសាងបន្ទប់           ពិសោធន៍ កិច្ចសហប្រតិបត្តិការសួនឧស្សាហកម្មផែ្នកវិទ្យាសាស្រ្តនិងបច្ចេកវិទ្យានិងការផ្ទេរបច្ចេកវិទ្យា ចាត់ចែងអ្នកវិទ្យាសា-ស្ត្រវ័យកេ្មងចំនួន២៥០០នាក់មកប្រទេសចិនធ្វើការងារស្រាវ ជ្រាវវិទ្យាសាស្ត្ររយៈពេលខ្លី បណ្តុះបណ្តាលបុគ្គលិកផែ្នកវិទ្យាសាស្ត្រនិងគ្រប់គ្រងចំនួន៥០០០នាក់ ចាប់ដំណើរការបន្ទប់      ពិសោធន៍ចម្រុះចំនួន៥០នៅក្នុងរយៈពេល៥ឆ្នាំខាងមុខនេះ។   ប្រទេសចិននឹងផ្តល់ជំនួយចំនួន៦០០០០លានយាន់ប្រាក់ចិន   ដល់ប្រទេសកំពុងអភិវឌ្ឍនិងអង្គការអន្តរជាតិដែលចូលរួមការ  កសាងយុទ្ធសាស្ត្រខ្សែក្រវាត់មួយនិងផ្លូវមួយក្នុងរយៈពេល៣ឆ្នាំខាងមុខនេះ ផ្តល់ជំនួយស្បៀងជាបន្ទាន់ក្នុងតមៃ្ល២០០០លាន យាន់ប្រាក់ចិនដល់ប្រទេសកំពុងអភិវឌ្ឍតាមបណ្តោយខ្សែ     ក្រវាត់មួយនិងផ្លូវមួយ បន្ថែមប្រាក់ទុន១០០០លានដុល្លារ      អាមេរិកដល់មូលនិធិផ្តល់ជំនួយដល់កិច្ចសហប្រតិបត្តិការរវាងប្រទេសកំពុងអភិវឌ្ឍ ហើយអនុវត្តកម្មវិធីតាមបណ្តោយខ្សែ    ក្រវាត់មួយនិងផ្លូវមួយ ដែលបូករួមមានភូមិដ្នានដែលមានសុភ- មង្គលចំនួន១០០ ផ្តល់ជំនួយដល់មនុស្សមានការលំបាកចំនួន១០០និងជួយព្យាបាលរោគឲ្យជាសះស្បើយចំនួន១០០ជាដើម ហើយនឹងផ្តល់ប្រាក់ចំនួន១០០០លានដុល្លារអាមេរិកដល់អង្គការអន្តរជាតិពាក់ព័ន្ធដើម្បីអនុវត្តកម្មវិធីកិច្ចសហប្រតិបត្តិការដែលមានអំណោយផលដល់ប្រទេសតាមបណ្តោយខ្សែក្រវាត់  មួយនិងផ្លូវមួយ។ប្រទេសចិននឹងបង្កើត     យន្តការសម្រាប់ទំនាក់ ទំនងកិច្ចការជាបន្តក្រោយពីវេទិកាកំពូលសម្រាប់កិច្ចសហប្រតិ-បត្តិការអន្តរជាតស្តីពីយុទ្ធសាស្ត្រខ្សែក្រវាត់មួយនិងផ្លូវមួយ បានបញ្ចប់បង្កើតមជ្ឈមណ្ឌលស្រាវជ្រាវការអភិវឌ្ឍហិរញ្ញវត្ថុនិង    សេដ្ឋកិច្ចអំពី      យុទ្ធសាស្ត្រខ្សែក្រវាត់មួយនិងផ្លូវមួយ មជ្ឈមណ្ឌលជំរុញកិច្ចកសាងយុទ្ធសាស្ត្រខ្សែក្រវាត់មួយនិងផ្លូវមួយ រួមជាមួយធនាគារពុហភាគីបង្កើតមជ្ឈមណ្ឌលកិច្ចសហប្រតិបត្តិការ  អភិវឌ្ឍនិងរួមបញ្ចូលប្រាក់ទុន ធ្វើកិច្ចសហប្រតិបត្តិការជាមួយ  អង្គការរូបិយវត្ថុអន្តរជាតិក្នុងកិច្ចកសាងមជ្ឈមណ្ឌលកសាងសមត្ថភាព កសាងបណ្តាញកិច្ចសហប្រតិបត្តិការរវាងអង្គការ  ស៊ីវិលតាមបណ្តោយខ្សែក្រវាត់មួយនិងផ្លូវមួយជាដើម។ការកសាងយុទ្ធសាស្ត្រខ្សែក្រវាត់មួយនិងផ្លូវមួយនឹងពិគ្រោះពិភាក្សាដោយមានការចូលរួមពីអ្នកទាំងអស់គ្នា ហើយសមិទ្ធផលនៃ   កិច្ចកសាងនឹងឲ្យអ្នកទាំងអស់គ្នាជាអ្នកចែករំលែក៕
ត្រលប់ក្រោយ >>