ព័ត៌មានថ្មីៗ:កងកម្លាំងប៉ូលិស នៅក្នុងទីក្រុងមួយរបស់ហ្វីលីពីន ត្រូវបានបណ្តេញចេញទាំងស្រុងកម្ពុជានឹងរៀបចំវេទិកា យុវជនទេសចរណ៍លើកទី១ និងពិព័រណ៌ការងារទេសចរណ៍ ចាប់ពីថ្ងៃទី១០-១១ ខែតុលាព័ត៌មានម៉ោង ១៨ល្ងាចប្រមុខរាជរដ្ឋាភិបាលកម្ពុជា ប្រកាសផ្អាកជាបណ្តោះអាសន្នលើការរុករកអដ្ឋិធាតុ ទាហានអាមេរិកប្រមាណ៩០នាក់នៅកម្ពុជាប្រមុខរាជរដ្ឋាភិបាលកម្ពុជា ប្រកាសផ្អាកជាបណ្តោះអាសន្នលើការរុករកអដ្ឋិធាតុ ទាហានអាមេរិកប្រមាណ៩០នាក់នៅកម្ពុជា
សមិទ្ធផលនៃយុទ្ធសាស្ត្រ “ខ្សែក្រវាត់មួយនិងផ្លូវមួយ”
ចេញផ្សាយ  ១៧-ឧសភា-២០១៧    ដោយ : SengChhay

ប្រភព៖ទីភ្នាក់ងារស៊ីនហួរ

ប្រែសម្រួលដោយ ៖វិទ្យុមិត្តភាពកម្ពុជាចិន

ថ្ងៃទី១០ ខែឧសភា ការិយាល័យក្រុមដឹកនាំកិច្ចការជំរុញការកសាងយុទ្ធសាស្ត្រ “ខ្សែក្រវាត់មួយ និងផ្លូវមួយ” បានចេញផ្សាយនូវអត្ថបទស្ដីអំពី «រួមគ្នាកសាងយុទ្ធសាស្ត្រ ខ្សែក្រវាត់មួយនិងផ្លូវមួយ៖  ទ្រឹស្ដី ការអនុវត្តនិងវិភាគទានរបស់ប្រទេសចិន»។

ផ្តើមចេញពីទ្រឹស្ដីរហូតដល់ការអនុវត្តជាង៣ឆ្នាំមកនេះ  តើការកសាងយុទ្ធសាស្ត្រ “ខ្សែក្រវាត់​មួយ​និងផ្លូវមួយ” ទទួលបានសមិទ្ធផលអ្វីខ្លះ?​ ប្រទេសចិនបានបំពេញតួនាទីយ៉ាងដូចម្ដេចនៅក្នុងនោះ និង​បានបំពេញវិភាគទានដូចម្តេចខ្លះ?​ បើសម្លឹងមើលទៅអនាគត តើយុទ្ធសាស្ត្រ “ខ្សែក្រវាត់​មួយ​និង​ផ្លូវមួយ”នឹងនាំមកនូវអ្វីខ្លះដល់ ប្រជាជនគ្រប់បណ្ដាប្រទេស និងពិភពលោក?

គំនិតផ្ដួចផ្តើមយុទ្ធសាស្ត្រ “ខ្សែក្រវាត់មួយនិងផ្លូវមួយ” បានផ្សារភ្ជាប់ជាមួយ​ទិសដៅនៃ​ដំណើរ​ផ្លូវ​ជំនួញសូត្រតាមសមុទ្រនិងដីគោកសម័យបុរាណ ហើយបានបង្កើតទៅជាទិសដៅធំៗចំនួន៥។

-ខ្សែក្រវាត់សេដ្ឋកិច្ចផ្លូវជំនួញសូត្របានបង្កើតទិសដៅចំនួន៣គឺ៖

ទិសដៅទីមួយ ផ្តើមចេញពីភាគពាយព្យ និងភាគឦសាននៃប្រទេសចិនឆ្លងកាត់អាស៊ីកណ្ដាល រុស្សី រហូតដល់ទ្វីបអឺរ៉ុប និងសមុទ្របាល់ទិច។

ទិសដៅទីពីរ ផ្ដើមចេញពីភាគពាយព្យនៃប្រទេសចិន ឆ្លងកាត់អាស៊ីកណ្ដាលនិងខាងលិច រហូត​ដល់​ឈូងសមុទ្រពែកនិងសមុទ្រម៉េឌីទែរ៉ាណេ។

ទិសដៅទីបី ផ្តើមចេញពីភាគនិរតីនៃប្រទេសចិន ឆ្លងកាត់ឥណ្ឌូចិនរហូតដល់មហាសមុទ្រ​ឥណ្ឌា។

-ចំណែកឯផ្លូវជំនួញសូត្រតាមសមុទ្រសតវត្សទី២១ បានផ្តោតចំពោះទិសដៅពីរគឺ៖

ទិសដៅទីមួយ ផ្តើមចេញពីកំពង់ផែតាមមាត់សមុទ្រ ឆ្លងសមុទ្រចិនខាងត្បូង​ហើយកាត់​តាម​ច្រកម៉ាឡាកា រហូតដល់មហាសមុទ្រឥណ្ឌា​ ហើយបន្តរហូតដល់អឺរ៉ុប។

ទិសដៅទីពីរ ផ្តើមចេញពីកំពង់ផែតាមមាត់សមុទ្រ ឆ្លងសមុទ្រចិនខាងត្បូង ហើយបន្តឆ្ពោះ​ទៅ​មហា​សមុទ្រប៉ាស៊ីហ្វិកខាងត្បូង។

យោងតាមទិសដៅធំៗ​ ចំនួន៥នេះ  ផ្អែក​តាមការរៀបចំនិង​ចំណុច​សំខាន់​នៃកិច្ចសហប្រតិបត្តិការ​រួម​គ្នាកសាងយុទ្ធសាស្ត្រ “ខ្សែក្រវាត់មួយនិងផ្លូវមួយ” ធ្វើឱ្យក្របខណ្ឌនៃកិច្ចសហប្រតិបត្តិការ “ច្រក​របៀងសេដ្ឋកិច្ច​៦​ ផ្លូវ៦​ ប្រទេសនិងកំពង់ផែជាច្រើន”បានចេញជារូបរាងនៅលើក្រដាស ដែល​បានផ្តល់នូវការចង្អុលបង្ហាញទិសដៅយ៉ាងច្បាស់លាស់ដល់គ្រប់បណ្ដាប្រទេសចូលរួមក្នុងកិច្ចសហប្រតិបត្តិការយុទ្ធសាស្ត្រ “ខ្សែក្រវាត់មួយនិងផ្លូវមួយ”នេះ។

សូមបញ្ជាក់ថា យុទ្ធសាស្ត្រ“ខ្សែក្រវាត់មួយនិងផ្លូវមួយ”គឺជាពាក្យកាត់មកពីយុទ្ធសាស្ត្រ “ខ្សែ​ក្រវាត់​សេដ្ឋកិច្ចផ្លូវជំនួញសូត្រ”និង“ផ្លូវជំនួញសូត្រលើសមុទ្រសតវត្សទី២១”។​ យុទ្ធសាស្ត្រនេះត្រូវបាន​លើក​ឡើងដោយប្រធានរដ្ឋចិនលោក ស៊ី​ ជីនភីង កាលពីឆ្នាំ២០១៣។

នៅក្នុងច្រករបៀងសេដ្ឋកិច្ច​ប្រាំមួយ ច្រករបៀងសេដ្ឋកិច្ចដីគោកទ្វីបអាស៊ីនិងអឺរ៉ុប ចិនម៉ុងហ្គោលីនិងរុស្សី និងច្រករបៀងសេដ្ឋកិច្ចចិនអាស៊ីកណ្ដាលនិងខាងលិច បានឆ្លងកាត់តំបន់ភាគកណ្ដាលខាងកើតដីគោកទ្វីបអាស៊ីនិងអឺរ៉ុប មិនត្រឹមតែបានតភ្ជាប់នូវរង្វង់សេដ្ឋកិច្ចអាស៊ីបូព៌ាដែលពោរពេញដោយកម្លាំងរស់វើកនៃសេដ្ឋកិច្ចជាមួយនឹងរង្វង់សេដ្ឋកិច្ចដែលមានការអភិវឌ្ឍរបស់ទ្វីបអឺរុប ហើយថែមទាំងធ្វើឱ្យការតភ្ជាប់ច្រកផ្លូវសហប្រតិបត្តិការឈូងសមុទ្រពែក សមុទ្រមេឌីទែរ៉ាណេ និងសមុទ្របាល់ទិកកាន់តែរលូន។

ចំណែកច្រករបៀងសេដ្ឋកិច្ចចិននិងឥណ្ឌូចិន ចិននិងប៉ាគីស្ថាន ព្រមទាំងច្រករបៀងសេដ្ឋកិច្ចចិនឥណ្ឌានិងភូមាឆ្លងកាត់ភាគខាងកើតនិងខាងត្បូងនៃទ្វីបអាស៊ីដែលតំបន់មួយនេះមានចំនួនប្រជាជនច្រើនកុះករជាងគេ ហើយបានតភ្ជាប់ទីក្រុងសំខាន់​ៗតាមបណ្ដោយខ្សែក្រវាត់នេះ និងតំបន់ប្រមូលផ្ដុំឧស្សាហកម្មនិងប្រជាជន។

ផ្លូវនាវាចរអន្តរជាតិទន្លេឡានឆាងនិងទន្លេមេគង្គនិងបណ្ដាញផ្លូវដែក ផ្លូវថ្នល់និងបណ្ដាញឧស្ម័ននិងប្រេងក្នុងតំបន់ដែលកំពុងស្ថាបនានឹងតភ្ជាប់ខ្សែក្រវាត់សេដ្ឋកិច្ចផ្លូវជំនួញសូត្រជាមួយនឹងផ្លូវជំនួញសូត្រលើសមុទ្រសតវត្សទី២១ ដែលមានឥទ្ធិពលសេដ្ឋកិច្ចដល់អាស៊ីខាងត្បូង អាស៊ីអាគ្នេយ៍ មហាសមុទ្រឥណ្ឌា មហាសមុទ្រប៉ាស៊ីហ្វិកខាងត្បូងនិងតំបន់ផ្សេងៗទៀតជាដើម។

ចំណែកឯ“ផ្លូវ៦”វិញគឺសំដៅលើផ្លូវដែក ផ្លូវថ្នល់ ការដឹកជញ្ជូនតាមផ្លូវអាកាស អាកាសចរណ៍  បំពង់បង្ហូរ និងបណ្ដាញព័ត៌មានចម្រុះ។ ហើយ “ប្រទេសច្រើន”គឺសំដៅលើប្រទេសដែលសហប្រតិបត្តិការដំណាក់កាលដំបូង។ រីឯ “កំពង់ផែច្រើន” គឺសំដៅលើការធានាសុវត្ថិភាពនិងភាពរលូននៃច្រកដឹកជញ្ជូនលើសមុទ្រនៃកិច្ចសហប្រតិបត្តិការកំពង់ផែ។

គិតមកដល់ចុងឆ្នាំ២០១៦ ផ្លូវដែកចិននិងអឺរ៉ុបដែលដំណើរការមានរហូតដល់៣៩ខ្សែ ក្នុងនោះមានរថភ្លើងដំណើរការ៣០០០ខ្សែ គ្របដណ្ដប់ប្រទេសចំនួន៩ ទីក្រុងចំនួន១៤នៅទ្វីបអឺរ៉ុប ដែលបានក្លាយជាវេទិកាសំខាន់ជំរុញការតភ្ជាប់ លើកកម្ពស់កម្រិតកិច្ចសហប្រតិបត្តិការសេដ្ឋកិច្ចពាណិជ្ជកម្មដល់ប្រទេសតាមបណ្ដោយខ្សែក្រវាត់នេះ​។ 

ផ្តើមពីសេដ្ឋកិច្ចរហូតដល់វប្បធម៌មនុស្សជាតិ៖ យុទ្ធសាស្ត្រ “ខ្សែក្រវាត់មួយនិងផ្លូវមួយ” ធ្វើឱ្យថ្កុំថ្កើនរុងរឿងដល់ប្រទេសតាមខ្សែក្រវាត់នេះ និងបង្កើនភាពសុខដុមរមនា និង ប្រយោជន៍ដល់ជីវភាពរស់នៅរបស់ប្រជាជន។

ជាង៣ឆ្នាំមកនេះ យុទ្ធសាស្ត្រ“ខ្សែក្រវាត់មួយនិងផ្លូវមួយ”ផ្តើមចេញពីចំណុច​សូន្យ​រហូត​លេចចេញជារូបរាង និងចេញពីចំណុចតូចមួយរហូតដល់ធំ។​ នៅលើផ្នែក​ទំនាក់ទំនងគោលនយោបាយ ការតភ្ជាប់ហេដ្ឋារចនាសម្ព័ន្ធ លំហូររលូននៃពាណិជ្ជកម្ម ហិរញ្ញប្បទាន(Financing)  ការតភ្ជាប់ដួងចិត្តប្រជាជននិង​វិស័យ​សំខាន់ៗ​ ​ជាដើម ព្រមទាំងកិច្ចសហប្រតិបត្តិការជាក់លាក់បានជំរុញទៅមុខជាបន្ត ដើម្បីជំរុញដល់ការអភិវឌ្ឍនិងភាពថ្កុំថ្កើននៃប្រទេសតាមបណ្ដោយខ្សែក្រវាត់នេះ។

នៅលើផ្នែកទំនាក់ទំនងគោលនយោបាយ៖ ប្រទេសចិននិងបណ្ដា​ប្រទេស​តាម​បណ្ដោយ “ខ្សែក្រវាត់មួយនិងផ្លូវមួយ” បានរួមគ្នាបង្កើតយន្តការ​សហប្រតិបត្តិការ​ច្រើន​ស្រទាប់ ដែលគ្របដណ្ដប់ពីរដ្ឋាភិបាលដល់សង្គមប្រជាជន ដែលពាក់ព័ន្ធនឹងការ​ជំរុញ​ថ្នាក់ដឹកនាំជាន់ខ្ពស់ ការតភ្ជាប់យុទ្ធសាស្ត្រ យន្តការទ្វេភាគីនិងពហុភាគី ការសន្ទនា​និងកិច្ចសហប្រតិបត្តិការផ្លាស់ប្ដូរក្រៅផ្លូវការណ៍(second track diplomacy) ដើម្បីបង្កើតនូវលក្ខខណ្ឌល្អប្រសើរដល់ការធ្វើឱ្យស៊ីជ្រៅនៃកិច្ចសហប្រតិបត្តិការ។

ប្រទេសចិនខិតខំប្រឹងប្រែងជំរុញការតភ្ជាប់ ការកសាងរួមគ្នា​នូវគំនិតផ្តួច​ផ្តើម​យុទ្ធសាស្ត្រ“ខ្សែក្រវាត់មួយនិងផ្លូវមួយ”ជាមួយនឹងយុទ្ធសាស្ត្រអភិវឌ្ឍនៃ​ប្រទេស​តាម​បណ្ដោយ​​“ខ្សែក្រវាត់មួយនិងផ្លូវមួយ” ដើម្បីស្វែងរកនូវតួចែកធំបំផុតនៃ​កិច្ចសហប្រតិបត្តិការ។

ផែនការ“វិថីនៃពន្លឺ”របស់ប្រទេសកាហ្សាក់ស្ថាន “គម្រោងផែនការភាគខាងលិច”​របស់ប្រទេសអារ៉ាប៊ីសាអូឌីត ផែនការ“វិថីនៃវាលស្មៅ”របស់ប្រទេសម៉ុងហ្គោលី  “ផែន​កា​រ​​​វិនិយោគទ្វីបអឺរ៉ុប”របស់សហគមន៍អឺរ៉ុប  គម្រោងផែនការទូទៅនៃ​ការតភ្ជាប់​សហគមន៍អាស៊ានឆ្នាំ២០២៥  “យុទ្ធសាស្ត្រអភិវឌ្ឍដែលទទួលខុសត្រូវ”របស់ប៉ូឡូញ​ គំនិតយុទ្ធសាស្ត្រ“ចំណុចស្នូលនៃសមុទ្រទូទាំងពិភពលោក” (global maritime fulcrum)របស់ឥណ្ឌូនេស៊ី  គំនិត​ផ្ដួចផ្តើម“ច្រករបៀងកណ្ដាល” (intermediate corridor)របស់ប្រទេសតួកគី  យុទ្ធសាស្ត្រ“ឧស្សាហូបនីយកម្ម​ឡើងវិញ”របស់ប្រទេសស៊ើបបៀ ផែនការមេនៃការតភ្ជាប់របស់កិច្ចសហប្រតិបត្តិការ​សេដ្ឋកិច្ចអាស៊ីប៉ាស៊ីហ្វិក កិច្ចសហប្រតិបត្តិការតភ្ជាប់រវាងអាស៊ីនិងអឺរ៉ុប និងរបៀបវារៈ​អភិវឌ្ឍប្រកបដោយនិរន្តរភាពរបស់អង្គការសហប្រជាជាតិឆ្នាំ២០៣០ជាដើម ស៊ីសង្វាក់​គ្នាកម្រិតខ្ពស់ជាមួយគំនិតផ្តួចផ្តើមយុទ្ធសាស្ត្រ“ខ្សែក្រវាត់មួយនិងផ្លូវមួយ”។ ប្រទេស​ចិន​រីករាយរួមគ្នាជំរុញនិងអនុវត្តជាមួយអង្គការនិងប្រទេសដែលមានពាក់ព័ន្ធ។

នៅលើផ្នែកការតភ្ជាប់ហេដ្ឋារចនាសម្ព័ន្ធ៖ ពីផ្លូវដែកចិននិងឡាវ ផ្លូវដែក​ព័រទុយហ្គាល់​និងស៊ើបបៀ  ផ្លូវដែកល្បឿនលឿនក្រុងបាដុងនិ​ងហ្សាការតា​ប្រទេស​ឥណ្ឌូនេស៊ី  ផ្លូវល្បឿនលឿនទីក្រុងPeshawarនិងក្រុងការ៉ាជីប្រទេសប៉ាគីស្ថាន កំពង់ផែPiraeus កំពង់ផែGwadar និងគម្រោងលក្ខណៈប្រវត្តិសាស្ត្រជាដើម រហូត​ដល់ការតភ្ជាប់បំពង់បង្ហូរប្រេងឆៅចិននិងរុស្សី  បំពង់បង្ហូរឧស្ម័ន​ធម្មជាតិចិន​និង​អាស៊ី​កណ្ដាល  បំពង់បង្ហូរឧស្ម័នធម្មជាតិចិន​និងរុស្សីខ្សែខាងលិច និងការតភ្ជាប់ហេដ្ឋា​រចនាសម្ព័ន្ធ​ថាមពលជាដើម​។​ ពីការតភ្ជាប់គម្រោងផែនការ​កសាងរហូត​ដល់ការតភ្ជាប់​ប្រព័ន្ធគុណភាពនិងបច្ចេកទេស។​ ពីការជំរុញធ្វើឱ្យកាន់តែងាយស្រួលនៃ​ការដឹកជញ្ជូន​រហូតដល់ការបង្កើតបណ្ដាញព័ត៌មាន និងការតភ្ជាប់ឆ្លងតំបន់និងឆ្លងប្រទេសដែល​បាន​ផ្តល់នូវសុភមង្គលដល់ប្រជាជនទូទៅ។

នៅលើផ្នែកធ្វើឱ្យលំហូររលូននៃពាណិជ្ជកម្ម៖​ ស្ថិតនៅក្រោមស្ថានភាពសេដ្ឋកិច្ច​ពាណិជ្ជកម្មពិភពលោកដែលបន្តធ្លាក់ចុះ​  ទំហំពាណិជ្ជកម្មប្រទេសចិននិង​ប្រទេសតាម​បណ្ដោយ “ខ្សែក្រវាត់មួយនិងផ្លូវមួយ” ឆ្នាំ២០១៦មានចំនួនសរុប​ ៩៤៧,៨ពាន់លាន​ដុល្លារ ស្មើនឹង២៥,៧% នៃទំហំនាំចេញនាំចូលទំនិញរបស់ចិនធៀប​នឹងរយៈពេល​ដូច​គ្នា​។​ ហើយទំហំសេវាកម្មនាំចេញនាំចូលរបស់ប្រទេសចិននិង​ប្រទេសតាម​បណ្ដោយ​ខ្សែ​ក្រវាត់មួយនិងផ្លូវមួយមានចំនួន​ ១២២,២ពាន់លានដុល្លារ ស្មើនឹង​១៥,២%​ នៃ​សេវាកម្ម​នាំចេញនាំចូលរបស់ប្រទេសចិនក្នុងរយៈពេលដូចគ្នា។

ការពង្រីកកិច្ចសហប្រតិបត្តិការផលិតភាព និងវិនិយោគជាទិសដៅកិច្ចសហប្រតិបត្តិអាទិភាពមួយ នៃការរួមកសាងយុទ្ធសាស្ត្រ “ខ្សែក្រវាត់មួយនិងផ្លូវមួយ”។  គិតមកដល់ចុងឆ្នាំ២០១៦ សហគ្រាស ចិនបានកំពុងកសាងតំបន់សហប្រតិបត្តិការសេដ្ឋកិច្ចពាណិជ្ជកម្មចំនួន៥៦ នៅតាមប្រទេសចំនួន ២០ តាមបណ្ដោយ “ខ្សែក្រវាត់មួយនិងផ្លូវមួយ” ដែលសរុបមានទំហំវិនិយោគ លើសពី​១៨៥០០លាន​ដុល្លារ។​ នៅឆ្នាំ២០១៦ប្រទេសចិនបានវិនិយោគនៅក្នុងប្រទេសតាមណ្ដោយ “ខ្សែក្រវាត់មួយ​និង​ផ្លូវមួយ”ចំនួន១៤៥០០លានដុល្លារស្មើនឹង​ ៨,៥%​នៃទំហំវិនិយោគសរុប​នៅ​ក្រៅប្រទេសក្នុងរយៈ​ពេល​​ដូចគ្នា ហើយទំហំនៃកិច្ចសន្យាម៉ៅការសាងសង់នៅ​ក្រៅប្រទេសដែល​ចុះហត្ថលេខាថ្មីមាន​ចំនួន​១២៦ពាន់លានដុល្លារ កើនឡើង៣៦%។

នៅផ្នែកហិរញ្ញប្បទាន(Financing)៖ គិតមកដល់ចុងឆ្នាំ២០១៦ ធនាគារវិនិយោគខាង​ហេដ្ឋា​រចនា​សម្ព័ន្ធអាស៊ី(AIIB)ដែលផ្តួចផ្តើមដោយប្រទេសចិនបានផ្តល់នូវកម្ចីឥណទានចំនួន ១៧០០លាន​ដុល្លារ​ដល់គម្រោងចំនួន៩។​ មូលនិធិផ្លូវសូត្រដែលចេញទុនបង្កើតដោយប្រទេសចិន បានចុះ​ហត្ថលេខា​លើគម្រោងចំនួន១៥ ហើយទំហំវិនិយោគមានចំនួនប្រហែល ៦០០០លានដុល្លារ។

នៅលើផ្នែកការតភ្ជាប់ដួងចិត្តប្រជាជន៖​ កិច្ចសហប្រតិបត្តិការផ្លាស់ប្ដូរច្រើនស្រទាប់ និងច្រើន​វិស័យលើការអប់រំ វប្បធម៌ វិទ្យាសាស្ត្រនិងបច្ចេកទេស ទេសចរណ៍ សុខាភិបាល ជំនួយគ្រោះធម្មជាតិ និងការកាត់បន្ថយភាពក្រីក្រជាដើមបានជំរុញជាបន្ត ហើយជំរុញការរៀនសូត្រទៅវិញទៅមក ដក​បទពិសោធន៍គ្នាទៅវិញទៅមកនៃអរិយធម៌ ព្រមទាំងការបង្កើតថ្មីនៃការបញ្ចូលគ្នានៃវប្បធម៌។

រៀងរាល់ឆ្នាំប្រទេសចិន បានផ្តល់​អាហាររូបករណ៍រដ្ឋាភិបាលចិន​ចំនួន១ម៉ឺនកន្លែង​ដល់​ប្រទេស​តាម​បណ្ដោយ “ខ្សែក្រវាត់មួយនិងផ្លូវមួយ”។ គិតមកដល់ចុងឆ្នាំ២០១៦ ប្រទេសចិនបានបង្កើត មជ្ឈមណ្ឌលវប្បធម៌ចិនចំនួន៣០កន្លែងនៅតាមបណ្ដោយខ្សែនេះ និងបង្កើតសាខាវិទ្យាស្ថានខុងជឺ​មួយ​ចំនួន​ទៀត។

ក្រៅពីនេះ នៅក្នុងការពង្រឹងកិច្ចសហប្រតិបត្តិការអេកូបរិស្ថាន ការជំរុញកិច្ចសហប្រតិបត្តិការ​លើសមុទ្រមានររៀបនិងវិស័យផ្សេងៗនៃការរួមកសាងយុទ្ធសាស្ត្រ “ខ្សែក្រវាត់មួយនិងផ្លូវ” ទទួលបាន​ការរីកចម្រើនទៅមុខជាវិជ្ជមាន។ 

ផ្តើមចេញពីភាពជាក់ស្តែងរហូតដល់អនាគត៖ សមិទ្ធផលនៃយុទ្ធសាស្ត្រ “ខ្សែក្រវាត់មួយនិងផ្លូវមួយ”ផ្តល់ប្រយោជន៍ដល់តំបន់កាន់តែធំទូលាយ

     “ខ្សែក្រវាត់មួយនិងផ្លូវមួយ”បានឆ្លងកាត់ដីគោកទ្វីបអាស៊ី អឺរ៉ុបនិងអាហ្វ្រិក ចុងម្ខាងរបស់វាគឺជារង្វង់សេដ្ឋកិច្ចអាស៊ីដែលរស់រវើក និងម្ខាងទៀតគឺជារង្វង់សេដ្ឋកិច្ចអឺរ៉ុបដែលរីកចំរើន ហើយនៅផ្នែកកណ្ដាលវិញគឺជាបណ្ដាប្រទេសដែលមានសក្ដានុពលខ្លាំង។

        “ខ្សែក្រវាត់មួយនិងផ្លូវមួយ”នឹងធ្វើ​ឱ្យទ្វីបអាស៊ីនិងអឺរ៉ុបក្លាយជាតំបន់សំខាន់នៃការរួមគ្នាកសាង។ តើធ្វើយ៉ាងដូចម្ដេច ដើម្បីផ្ដល់នូវប្រយោជន៍ដល់តំបន់កាន់តែធំទូលាយ និងដល់ប្រជាជនកាន់តែច្រើននៅថ្ងៃអនាគត?

នៅក្នុងអត្ថបទស្ដីអំពី«រួមគ្នាកសាងយុទ្ធសាស្ត្រខ្សែក្រវាត់មួយនិងផ្លូវមួយ៖  ទ្រឹស្ដី ការអនុវត្តនិងវិភាគទានរបស់ប្រទេសចិន» បានចង្អុលបង្ហាញថា៖ រួមគ្នាកសាង “ខ្សែក្រវាត់មួយនិងផ្លូវមួយ”គឺបើកទូលាយ ហើយប្រទេសចិនស្វាគមន៍អង្គការអន្តរជាតិ​និងប្រទេសដែលមានចំណាប់អារម្មណ៍ចូលរួមសហប្រតិបត្តិការក្នុងទម្រង់ផ្សេងៗគ្នា ធ្វើឱ្យសមិទ្ធផលផ្តល់​ប្រយោជន៍ដល់តំបន់កាន់តែទូលំទូលាយ និងទៅដល់ប្រជាជនកាន់តែច្រើន។

ទ្វីបអាហ្វ្រិកគឺជាដៃគូសំខាន់នៃការរួមគ្នាកសាង “ខ្សែក្រវាត់មួយនិងផ្លូវមួយ”។ គំនិតផ្តួចផ្តើមរួមគ្នាកសាង “ខ្សែក្រវាត់មួយនិផ្លូវមួយ” បានត្រួសត្រាយនូវកិច្ចសហប្រតិបត្តិការផ្តល់ប្រយោជន៍ទៅវិញទៅមករវាងចិននិងអាហ្វ្រិកឱ្យកាន់តែមានចន្លោះធំទូលាយ ហើយព្រមទាំងតភ្ជាប់យ៉ាងជិតស្និទ្ធតំបន់ដីគោក អាស៊ី អឺរ៉ុប និងទ្វីបអាហ្វ្រិកជាមួយគ្នាថែមមួយកម្រិតទៀត និងជំរុញការពួតដៃគ្នាអភិវឌ្ឍតំបន់អាស៊ីអឺរ៉ុបនិងអាហ្វ្រិក។

ប្រទេសចិនស្វាគមន៍អាម៉េរិកឡាទីននិងតំបន់ការ៉ាប៊ីនចូលរួមកសាង “ខ្សែក្រវាត់មួយនិងផ្លូវមួយ”។ ប្រទេសចិនគាំទ្រពេញទំហឹងតភ្ជាប់យុទ្ធសាស្ត្រអភិវឌ្ឍជាមួយប្រទេសអាម៉េរិកឡាទីននិងតំបន់ការ៉ាប៊ីន ហើយប្រើនូវទ្រឹស្ដី គោលការណ៍និងរបៀបនៃកិច្ចសហប្រតិបត្តិការនៃការរួមគ្នាកសាង​ “ខ្សែក្រវាត់មួយនិងផ្លូវមួយ” ជំរុញកិច្ចសហប្រតិបត្តិការជាក់លាក់គ្រប់វិស័យ និងពង្រីកប្រយោជន៍រួមគ្នាជាបន្ត។

ទ្វីបអូសេអានីគឺជាតំបន់លាតសន្ធឹងទៅភាគខាងត្បូងនៃ “ផ្លូវសូត្រលើសមុទ្រ​សតវត្ស​ទី២១”។ ប្រទេសចិននិងនូវែលសេឡង់បានចុះហត្ថលេខាលើអនុស្សរណៈរវាងរដ្ឋាភិបាលប្រទេសទាំងពីរស្ដីអំពីការពង្រឹងរៀបចំកិច្ចសហប្រតិបត្តិការនៃគំនិតផ្ដួចផ្តើមយុទ្ធសាស្ត្រ “ខ្សែក្រវាត់មួយនិងផ្លូវមួយ”។ រួមគ្នាកសាងផ្លូវសូត្រលើសមុទ្រសតវត្សរ៍ទី២១ ដើម្បីពន្លឿនការអភិវឌ្ឍរបស់ប្រទេសដីកោះមហាសមុទ្រប៉ាស៊ីហ្វិ និងធ្វើឱ្យស៊ីជ្រៅជាមួយនឹងកិច្ចសហប្រតិបត្តិការត្បូងត្បូង​របស់ចិន ដើម្បីបង្កើតកាលានុវត្តភាពថ្មី។

កិច្ចសហប្រតិបត្តិការភាគីទីបី គឺជាខ្លឹមសារសំខាន់នៃការរួមគ្នាកសាង “ខ្សែក្រវាត់មួយនិងផ្លូវមួយ”។ ប្រទេសចិនរីករាយបំពេញតួនាទីបច្ចេកទេស មូលនិធិ ផលិតភាព ទីផ្សារនិងអាទិភាពបំពេញគ្នាទៅវិញទៅមកជាមួយប្រទេសអភិវឌ្ឍដែលមានពាក់ព័ន្ធ ដោយយោងតាមគោលការណ៍រួមគ្នាពិភាក្សា រួមគ្នាកសាងនិងរួមគ្នាចែករំលែក  គោរពតាមច្បាប់នៃទីផ្សារ ធ្វើការសហប្រតិបត្តិការភាគីទីបី និងជំរុញការផ្តល់ប្រយោជន៍ទៅវិញទៅមកនិងឈ្នះឈ្នះ ជាមួយប្រទេសតាមបណ្ដោយ “ខ្សែក្រវាត់មួយនិងផ្លូវមួយ”។

ការងើបឡើងវិញយឺតៗនៅពេលសេដ្ឋកិច្ចពិភពលោកកំពុងសម្របសម្រួលស៊ីជម្រៅ បញ្ហាអភិវឌ្ឍនៃបណ្ដាប្រទេសដែលប្រឈមនៅតែធ្ងន់ធ្ងរ។ ពិភពលោកក្នុងពេលបច្ចុប្បន្ន សុទ្ធតែត្រូវការពង្រឹងការតភ្ជាប់ជាងពេលណាៗទាំងអស់។

មនុស្សគ្រប់គ្នាទន្ទឹងរង់ចាំថា ឆ្លងតាមរយៈនៃគំនិតផ្ដួចផ្ដើមយុទ្ធសាស្ត្រ “ខ្សែក្រវាត់មួយនិងផ្លូវមួយ”  បណ្ដាប្រទេសលើពិភពលោកពួតដៃគ្នាឡើងបង្កើតនូវផ្លូ​វសូត្របៃតង ផ្លូវសូត្ររឹងម៉ាំ ផ្លូវសូត្រឆ្លាតវៃ និងផ្លូវសូត្រសន្តិភាព  កសាងសកលភាវូបនីយកម្មសេដ្ឋកិច្ចកាន់តែមានកម្លាំងរស់រវើក កាន់តែបើកទូលាយ កាន់តែរឹងម៉ាំនឹងនរ កាន់តែមាននិរន្តរភាព និងចុះសម្រុងគ្នាកាន់តែច្រើន  រួមគ្នារក្សាតួអង្គសេដ្ឋកិច្ចពិភពលោកដែលមានលក្ខណៈបើកទូលាយ និងរួមគ្នាស្វែងរកប្រភពនៃកម្លាំងចលករកំណើនថ្មី៕

ត្រលប់ក្រោយ >>