ព័ត៌មានថ្មីៗ:មន្ត្រីជាន់ខ្ពស់ក្រសួងព័ត៌មានថា ជំហរគាំទ្ររបស់ចិន ពុំមែនជាឧបសគ្គនៃការវិលរកតុចរចា របស់អ្នកនយោបាយខ្មែរនោះទេមហាសន្និបាតលើក​ទី១ នៃ​សភា​តំណាងប្រជាជន​ ទូទាំង​ប្រទេសចិន​នីតិកាល​ទី១៣​ បាន​បិទ​បញ្ចប់​ ឯកឧត្តម​ ​ស៊ី ជីនភីង ប្រធានរដ្ឋ​ចិន​គូស​បញ្ជាក់​ថា គ្មាន​កម្លាំង​ណា​មួយ​អាច​រារាំង​​​ប្រជាជន​ចិន​ ក្នុង​ការ​បោះ​ជំហាន​​ទៅ​សម្រេច​សុបិន ​របស់​ខ្លួន​នោះ​ឡើយ​​ថ្ងៃទី​ ១៩ ខែ​មីនា ឆ្នាំ​ ២០១៨​ មហាសន្និបាត​លើក​ទី ១ នៃ​សភា​តំណាងប្រជាជន​ទូទាំង ​ប្រទេសចិន​នីតិកាល​ទី ១៣ ​បើក​ធ្វើ​សន្និសីទ​ពេញ​អង្គ​លើក​ទី​ ៧​ថ្ងៃទី​ ១៩ ខែ​មីនា ឆ្នាំ​ ២០១៨​ មហាសន្និបាត​លើក​ទី ១ នៃ​សភា​តំណាងប្រជាជន​ទូទាំង ​ប្រទេសចិន​នីតិកាល​ទី ១៣ ​បើក​ធ្វើ​សន្និសីទ​ពេញ​អង្គ​លើក​ទី​ ៧សម្តេចប្រមុខរដ្ឋស្តីទី អនុញ្ញាតឲ្យឯកអគ្គរដ្ឋទូត នៃសាធារណរដ្ឋតួកគី ចូលជូនសារតាំង
គុយបាមានបំណងបង្កើតកិច្ចសហការជាមួយវិទ្យាស្ថានជាតិការទូតកម្ពុជា
ចេញផ្សាយ  ១៥-មិថុនា-២០១៧    ដោយ : Pov KimAn

អត្ថបទ៖ ពៅ គឹមអាន 14-06-2017

ប្រទេសគុយបា មានបំណងចង់បង្កើតកិច្ចសហប្រតិបត្តិការរវាងវិទ្យាស្ថានការទូតគុយបា ជាមួយវិទ្យាស្ថានជាតិការទូតកម្ពុជា ក្រោយពីដឹងថាក្រសួងការបរទេសកម្ពុជា កំពុងសាងសង់ ហើយនឹងចាប់ដំណើរការ នាពេលឆាប់ៗខាងមុខនេះ ដើម្បីផ្លាស់ប្តូរបទពិសោធន៍ និងបង្កើនកិច្ចសហការខាងវិស័យការទូតរវាងប្រទេសទាំងពីរ។    
    ក្នុងជំនួបរវាង ឯកឧត្តម ប្រាក់ សុខុន ទេសរដ្ឋមន្រ្តី រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា ជាមួយ ឯកឧត្តម  Juan De Jesus Hildalgo-Gato Perez ឯកអគ្គរដ្ឋទូត គុយបាប្រចាំកម្ពុជា ឯកឧត្តម  ជុំ សុន្ទរី អនុរដ្ឋលេខាធិការ និងជាអ្នកនាំពាក្យក្រសួងការបរទេសបានប្រាប់អ្នកសារព័ត៌មានថា ប្រទេសគុយបា វិទ្យាស្ថានការទូតជាយូមកហើយ ហើយក៏មានបទពិសោធន៍ច្រើនក្នុងវិស័យការងារការទូត និងទំនាក់ទំនងអន្តរជាតិនេះផងដែរ ដូច្នេះគុយបាចង់សហការជាកម្ពុជា នៅពេលដែលវិទ្យាស្ថានជាតិការទូតរបស់កម្ពុជាចាប់ផ្តើមដំណើរការ ដើម្បីចង់បង្កើនទំនាក់ទំនងទ្វេភាគីកាន់តែជិតស្និត និងអាចផ្លាស់ប្តូរបទពិសោធន៍ក្នុងវិស័យការទូតរវាងគ្នាទៅវិញទៅមក។ លោកថ្លែងថា៖ ឯកឧត្តមឯកអគ្គរដ្ឋទូតគុយបាបានជំរាបជួនថានៅគុយបាមានវិទ្យាស្ថានការទូតនៅគុយបាដែរ ហើយវិទ្យាស្ថាននេះបានបង្កើតយូហើយ ហើយក៏មានបទពិសោធន៍ជាច្រើនលើផ្នែកការងារការទូត និងទំនាក់ទំនងអន្តរជាតិនេះ ហើយដោយឯកឧត្តមបានទទួលដំណឹងថា នៅក្រសួងការបរទេសកំពុងដំណើរការបង្កើតឡើងនូវវិទ្យាស្ថានជាតិសម្រាប់ការងារការទូត និងការសិក្សាអន្តរជាតិ ហើយឯកឧត្តមអគ្គរដ្ឋទូតសម្តែងបំណងប្រាថ្នាចង់ឲ្យមានកិច្ចសហប្រតិបត្តិការ ហើយនឹងការផ្លាស់ប្តូរបទពិសោធន៍គ្នាទៅវិញទៅមករវាងវិទ្យាស្ថានការទូតរបស់គុយបា និងវិទ្យាស្ថានជាតិខាងការទូតរបស់កម្ពុជាដែរកំពុងរៀបចំបង្កើតឡើងនេះ។
     ឯកឧត្តមបន្តថា ជាការឆ្លើយតបរបស់កម្ពុជា គឺគាំទ្រចំពោះបំណងរបស់គុយបានាពេលនេះ ប៉ុន្តែចាំបាច់ណាស់ភាគីទាំងពីរត្រូវរួមគ្នាសិក្សា និងលើកឡើងនូវគម្រោងក្នុងកិច្ចការទំនាក់ទំនងនេះ ដើម្បីឈានទៅកិច្ចសហប្រតិបត្តិការរវាងវិទ្យាស្ថានការទូតរបស់ប្រទេសទាំងពីរ។
    គួររំលឹកថា ក្រសួងការបរទេស និងកិច្ចសហប្រតិបត្តិការអន្តរជាតិ បានបង្កើតវិទ្យាស្ថានការទូតជាលើកដំបូងក្នុងប្រវត្តិសាស្រ្តប្រទេសកម្ពុជា ដើម្បីឆ្លើយតបទៅនឹងបរិបទការងារការបរទេសដែលកំពុងមានការរីកចម្រើននៅក្នុងតំបន់ និងនៅលើពិភពលោកក្នុងពេលបច្ចុប្បន្ននេះ។ វិទ្យាស្ថានការទូតនេះបច្ចុប្បន្នកំពុងដំណើរការសាងសង់នៅក្នុងក្រសួងការបរទេសនិងកិច្ចសហប្រតិបត្តិការអន្តរជាតិ។
    សូមបញ្ជាក់ថាកន្លងមកប្រទេសគុយបាបានផ្តល់ជំនួយច្រើនមកកម្ពុជាកាលដែលប្រទេសកម្ពុជាជួបការលំបាកក្នុងរបបប៉ុលពោត រួមមាន វិស័យកសិកម្ម សេដ្ឋកិច្ច បច្ចេកទេស កីឡា និងវិជ្ជសាស្រ្តជាដើម លើសពីនេះ គុយបាក៏ធ្លាប់បានផ្តល់អាហារូបករណ៍ខាងផ្នែកវិជ្ជសាស្រ្តមកដល់និសិត្សកម្ពុជាទៅសិក្សាផងដែរ៕

ត្រលប់ក្រោយ >>