ព័ត៌មានថ្មីៗ:គ.ជ.ប ដាក់ទីតាំងការិយាល័យ បោះឆ្នោត ក្នុង​Google Mapគ.ជ.ប ដឹកញ្ជូនសន្លឹកឆ្នោតទៅរក្សាទុកក្នុងឃ្លាំង បន្ទាប់ពីបោះពុម្ពរួចរាល់មន្ត្រីសុខាភិបាលអះអាងថា ទិវាពិភពលោកគ្មានថ្នាំជក់ឆ្នាំ២០១៨នេះ ធ្វើឡើងក្រោមប្រធានបទ “ ជក់បារីបណ្តាលអោយកើតជំងឺបេះដូងសរសៃឈាម“គណបក្សដែលកំពុងដឹកនាំរាជរដ្ឋាភិបាល ជាប់លំដាប់លេខរៀងទី២០ នៅលើសន្លឹកឆ្នោតសម័យប្រជុំរដ្ឋសភាលើកទី១០ នីតិកាលទី៥នៅថ្ងៃទី៣១ ឧសភា ខាងមុខដើម្បីពិភាក្សា និងអនុម័តសេចក្តីព្រាងច្បាប់មួយចំនួន
រដ្ឋាភិបាលជំរុញឲ្យអាជ្ញាធរ ក្រុង ស្រុក ខណ្ឌ បង្កើនការដោះស្រាយបញ្ហាសំរាមនៅ មូលដ្ឋាន
ចេញផ្សាយ  ២-សីហា-២០១៧    ដោយ : Kol Chhamnol

រដ្ឋាភិបាលជំរុញឲ្យអាជ្ញាធរ ក្រុង ស្រុក ខណ្ឌ បង្កើនការដោះស្រាយបញ្ហាសំរាមនៅ មូលដ្ឋាន

អត្ថបទ ហុក សុខរិន  ថ្ងៃទី ២ ខែសីហា ឆ្នាំ២០១៧
MC:គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ ក្រោមជាតិ  ជំរុញឲ្យអាជ្ញាធរ ក្រុង ស្រុក ខណ្ឌ នៅទូទំាងរាជធានីខេត្តទំាងអស់បង្កើន ការដោះស្រាយបញ្ហាសំរាមឲ្យបានកាន់តែល្អប្រសើរ ដើម្បីធានាឲ្យមូលដ្ឋានរបស់ខ្លួនមាន អនាម័បរិស្ថានស្អាតមិនប៉ៈពាល់ដល់សុខភាពប្រជាពលរដ្ឋ។
ក្នុងពិធីបិទសិក្ខាសាលាផ្សព្វផ្សាយលិខិតបទដ្ឋានគតិយុត្តពាក់ព័ន្ធមុខងារគ្រប់គ្រង សំរាម និងសំណល់រឹង នៅទីប្រជុំជនកាលពីថ្ងៃទី១ ខែសីហា ឯឧ.លេង វី រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារគ្រប់គ្ រងសំរាម សំណល់រឹងនៅទីប្រជុំជនបានណែនាំ ឲ្យរាជធានី ខេត្ត ចាប់ពីពេលនេះទៅត្រូវតែផ្ទេរភារកិច្ចគ្រប់គ្រងសំរាមទៅឲ្យថ្នាក់ខណ្ឌ ស្រុក វិញ ដើម្បីធានាប្រសិទ្ធិ ភាពក្នុងការគ្រប់គ្រងសំរាមនៅនឹងមូលដ្ឋានរបស់ខ្លួន។ឯឧ.អៈអាងថា ចំពោះក្រុងស្រុក ណា ដែលមិនទាន់មានក្រុមហ៊ុនឯកជន សហការវិនិយោគប្រមូលសំរាម ត្រូវរៀបចំបង្កើតប្រតិបត្តិ ការប្រមូលសំរាមដោយខ្លួនឯង ឬ សហការជាមួយក្រុង ស្រុកណាដែលនៅជិតនឹងមូលដ្ឋាន របស់ខ្លួន ខណៈដែលរាជរដ្ឋាភិបាលបានទំលាក់ ធនធានថវិកា និងមធ្យោបាយមួយចំនួនទៀត ដើម្បីដោះស្រាយវិបត្តិបញ្ហាសំរាម។
ឯឧ. ស៊ូ សាវុធ អនុរដ្ឋលេខាធិការក្រសួងបរិស្ថាន បានបញ្ជាក់ថា ផ្ទេរភារកិច្ចគ្រប់គ្រងសំរាមទៅឲ្យថ្នាក់ខណ្ឌ ស្រុក  វិញ គឺបន្ទាប់ពីមានសំរាមគរ តាមទីប្រជុំជននានាហើយបំពុលបរិ ស្ថានដល់សុខភាពប្រជាពលរដ្ឋ។
លោក កៀង លក័្ស អភិបាលរងខណ្ឌ៧មករា រាជធានីភ្នំពេញបានបញ្ជាក់ថា បន្ទាប់ពីទទួល បានមុខងារបន្ថែមក្នុងការគ្រប់គ្ រងសំរាមនៅថ្នាក់ខណ្ឌនេះ អាជ្ញាធរខណ្ឌបានរៀបចំផែនការរួចជាស្រេចហើយ គឺដោះស្រាយបញ្ហាដេបូសំរាមដែលកើតមានច្រើននៅតាមទីសាធារណៈ ។
យោងតាមរបាយការណ៍នៅរាជធានីភ្នំពេញបញ្ហាសំរាមបានកើនឡើងជាង២០ភាគរយ  ដោយក្នុងមួយថ្ងៃប្រជាពលរដ្ឋ បានបង្កើតសំរាមរហូតដល់ជាង២៣០០តោន ដែលត្រូវដឹកទៅកាន់ទីលានចាក់សំរាមដង្កោ៕
 
ត្រលប់ក្រោយ >>