ព័ត៌មានថ្មីៗ:មន្ត្រីជាន់ខ្ពស់ក្រសួងព័ត៌មានថា ជំហរគាំទ្ររបស់ចិន ពុំមែនជាឧបសគ្គនៃការវិលរកតុចរចា របស់អ្នកនយោបាយខ្មែរនោះទេមហាសន្និបាតលើក​ទី១ នៃ​សភា​តំណាងប្រជាជន​ ទូទាំង​ប្រទេសចិន​នីតិកាល​ទី១៣​ បាន​បិទ​បញ្ចប់​ ឯកឧត្តម​ ​ស៊ី ជីនភីង ប្រធានរដ្ឋ​ចិន​គូស​បញ្ជាក់​ថា គ្មាន​កម្លាំង​ណា​មួយ​អាច​រារាំង​​​ប្រជាជន​ចិន​ ក្នុង​ការ​បោះ​ជំហាន​​ទៅ​សម្រេច​សុបិន ​របស់​ខ្លួន​នោះ​ឡើយ​​ថ្ងៃទី​ ១៩ ខែ​មីនា ឆ្នាំ​ ២០១៨​ មហាសន្និបាត​លើក​ទី ១ នៃ​សភា​តំណាងប្រជាជន​ទូទាំង ​ប្រទេសចិន​នីតិកាល​ទី ១៣ ​បើក​ធ្វើ​សន្និសីទ​ពេញ​អង្គ​លើក​ទី​ ៧​ថ្ងៃទី​ ១៩ ខែ​មីនា ឆ្នាំ​ ២០១៨​ មហាសន្និបាត​លើក​ទី ១ នៃ​សភា​តំណាងប្រជាជន​ទូទាំង ​ប្រទេសចិន​នីតិកាល​ទី ១៣ ​បើក​ធ្វើ​សន្និសីទ​ពេញ​អង្គ​លើក​ទី​ ៧សម្តេចប្រមុខរដ្ឋស្តីទី អនុញ្ញាតឲ្យឯកអគ្គរដ្ឋទូត នៃសាធារណរដ្ឋតួកគី ចូលជូនសារតាំង
សម្តេចតេជោ ហ៊ុន សែន អញ្ជើញជួបពិភាក្សាការងារជាមួយ លោកស្រី Manika Jain ឯកអគ្គរដ្ឋទូត នៃសាធារណរដ្ឋឥណ្ឌាប្រចាំកម្ពុជា
ចេញផ្សាយ  ២៣-មករា-២០១៨    ដោយ : SengChhay

នៅវិមានសន្តិភាព រសៀលថ្ងៃទី២២ ខែមករា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញស្វាគមន៍ និងជួបពិភាក្សាការងារជាមួយ លោកស្រី Manika Jain ឯកអគ្គរដ្ឋទូតថ្មី នៃសាធារណរដ្ឋឥណ្ឌាប្រចាំកម្ពុជា។ 

លោកស្រី Manika Jain អគ្គរដ្ឋទូត បានគោរពជំរាបជូន សម្តេចតេជោនាយករដ្ឋមន្ត្រី ថា ឥណ្ឌា និងកម្ពុជា គឺមានវប្បធ៌ អរិយធម៌ប្រហាក់ប្រហែលគ្នា ហើយតាមរយៈប្រទេសទាំងពីរក៏មានទំនាក់ទំនងល្អជាយូរលង់ណាស់មកហើយ។ មកដល់ពេលនេះទៀត ទំនាក់ទំនងរវាងប្រទេសទាំងពីរ គឺមានភាពកាន់តែជិតស្និទ្ធ។ ប៉ុន្តែទោះបីជាយ៉ាងណាក៏ដោយ ដំណើរបេសកកម្មការទូតរបស់ លោកស្រីអគ្គរដ្ឋទូតនៅកម្ពុជានាពេលនេះ គឺដើម្បីពង្រឹង និងពង្រីកនូវទំនាក់ទំនងការទូតអោយជាមួយកម្ពុជា ឱ្យកាន់តែរឹងមាំថែមទៀត។ 

លោកស្រីអគ្គរដ្ឋទូត បានមានប្រសាសន៍ផងដែរថា ក្នុងបេសកកម្មការទូតរបស់លោកស្រីនៅពេលនេះ លោកស្រី នឹងប្រឹងប្រែងឱ្យអស់ពីសមត្ថភាព និងលទ្ធភាពធ្វើយ៉ាងណា គឺពង្រីកទំនាក់ទំនង ទាំងពាណិជ្ជកម្ម វិនិយោគ រួមទាំងវិស័យទេសចរណ៍ វប្បធម៌ និងវិស័យផ្សេងៗទៀត ដែលជាការរួមចំណែកក្នុងការពង្រីក និងពង្រឹងទំនាក់ទំនងរវាងប្រទេសទាំងពីរអោយកាន់តែល្អខ្លាំងឡើង។ 

សម្តេចតេជោ ហ៊ុន សែន នាយករដ្ឋមន្ត្រី បានស្វាគមន៍ និងថ្លែងនូវការអបអរសាទរជូនចំពោះ លោកស្រី Manika Jain ដែលត្រូវបានតែងតាំងជា ឯកអគ្គរដ្ឋទូតវិសាមញ្ញ និងពេញសមត្ថភាពនៅព្រះរាជាណាចក្រកម្ពុជា ។ សម្តេចតេជោនាយករដ្ឋមន្ត្រី ក៏បានយល់ស្របជាមួយលោកស្រីអគ្គរដ្ឋទូត ថា ទំនាក់ទំនង រវាងប្រទេសកម្ពុជា និងឥណ្ឌា គឺមានរយៈពេលរាប់ពាន់ឆ្នាំមកហើយ ហើយទំនាក់ទំនងនៅពេលនេះទៀតសោត ក៏កំពុងតែមានការរីកចម្រើនជឿនលឿទៅមុខយ៉ាងល្អប្រសើរ ទាំងទំនាក់ទំនងទ្វេភាគីរវាងកម្ពុជា-ឥណ្ឌា និង ទំនាក់ទំនងក្នុងតំបន់ រវាងអាស៊ាន និងឥណ្ឌា ។ 

សម្តេចតេជោ ហ៊ុន សែន នាយករដ្ឋមន្ត្រី ក៏បានយល់ស្រប និងលើកទឹកចិត្តឱ្យ លោកស្រី Manika Jain ពិនិត្យមើលលទ្ធភាពអំពីការវិនិយោគផ្នែកទេសចរណ៍ និងវិស័យផ្សេងៗទៀត ដែលអាចជំរុញ និងពង្រីកទំនាក់ទំនងរវាងប្រទេសទាំងពីរ ជាពិសេសលើវិស័យទេសចរណ៍តែម្តង ។ សម្តេចតេជោ បានបន្តថាបើមានជើងហោះហើរត្រង់ពីញ៉ូវដេលី មកកាន់ទីក្រុងភ្នំពេញ ឬមកកាន់ទីក្រុងសៀមរាបបាននោះ ទេសចរណ៍ឥណ្ឌានឹងមានការកើនឡើងជាមិនខាន។ 

នៅចុងបញ្ចប់ សម្តេចតេជោ ហ៊ុន សែន នាយករដ្ឋមន្ត្រី បានជូនពរឱ្យលោកស្រី Manika Jain បំពេញបេសកកម្មនៅកម្ពុជាទទួលបានជោគជ័យ៕

 

ត្រលប់ក្រោយ >>