ព័ត៌មានថ្មីៗ:គ.ជ.ប ដាក់ទីតាំងការិយាល័យ បោះឆ្នោត ក្នុង​Google Mapគ.ជ.ប ដឹកញ្ជូនសន្លឹកឆ្នោតទៅរក្សាទុកក្នុងឃ្លាំង បន្ទាប់ពីបោះពុម្ពរួចរាល់មន្ត្រីសុខាភិបាលអះអាងថា ទិវាពិភពលោកគ្មានថ្នាំជក់ឆ្នាំ២០១៨នេះ ធ្វើឡើងក្រោមប្រធានបទ “ ជក់បារីបណ្តាលអោយកើតជំងឺបេះដូងសរសៃឈាម“គណបក្សដែលកំពុងដឹកនាំរាជរដ្ឋាភិបាល ជាប់លំដាប់លេខរៀងទី២០ នៅលើសន្លឹកឆ្នោតសម័យប្រជុំរដ្ឋសភាលើកទី១០ នីតិកាលទី៥នៅថ្ងៃទី៣១ ឧសភា ខាងមុខដើម្បីពិភាក្សា និងអនុម័តសេចក្តីព្រាងច្បាប់មួយចំនួន
មហា​សនិ្នបាត​លើក​ទី​១​ នៃ​សភា​តំណាង​ប្រជាជន​ទូទាំង ​ប្រទេស​ចិន​នីតិកាល​ថ្មី​ បាន​ប្រារព្ធ​បើក​ឡើង​ហើយ​
ចេញផ្សាយ  ៥-មិនា-២០១៨    ដោយ : SengChhay

ព្រឹក​ថ្ងៃទី ៥ ខែ​មីនា មហា​សនិ្នបាត​លើក​ទី​១​នៃ​សភា​តំណាង​ប្រជាជន​ទូទាំង​ប្រទេស​ចិន​នីតិកាល​ទី​១៣​បាន​​បើក​ធ្វើ​ឡើង​នៅ​ក្រុង​ប៉េកាំង ថ្នាក់​​ដឹកនាំ​បក្ស​និង​រដ្ឋ​នៃ​ប្រទេស​ចិន​ រួម​មាន​លោក ស៊ីជីនភីង ប្រធាន​រដ្ឋ​ចិន​ជា​ដើម​បាន​ចូល​រួម​មហា​សន្និបាត​លើក​នេះ ។

ក្នុង​មហា​សន្និបាត លោក លីខឹឈាង នាយក​រដ្ឋមន្ត្រី​ចិន​បាន​ធ្វើ​របាយការណ៍​ការងារ​រដ្ឋាភិបាល​ជូន​ចំពោះ​មហាសន្និបាត លោក វ៉ាង ចឹន អនុប្រធាន​និង​ជា​អគ្គលេខាធិការ​នៃ​​​គណៈកម្មាធិការ​អចិន្ត្រៃយ៍​នៃ​សភា​តំណាង​ប្រជាជន​ទូទាំង​ប្រទេស​ចិន​នីតិកាល​ទី​១២​ បាន​តាង​នាម​គណៈកម្មាធិការ​អចិន្ត្រៃយ៍​​នៃ​សភា​តំណាង​ប្រជាជន​ចិន ​ធ្វើ​ការ​បក​ស្រាយ​អំពី​សេចកី្ត​ព្រាង​ច្បាប់​ស្តីពី​ការ​ធ្វើ​វិសោធនកម្ម​​រដ្ឋធម្មនុញ្ញ​ជូន​ចំពោះ​មហាសនិ្នបាត ។

មហា​សនិ្នបាត​លើក​នេះ​ គឺ​ជា​សនិ្នបាត​លើក​ទី​១​​របស់​ស្ថាប័ន​កាន់​អំណាច​ខ្ពស់​បំផុត​របស់​ប្រទេស​ចិន​នីតិកាល​ថ្មី​បន្ទាប់​ពី​សមាជ​បក្ស​កុម្មុយនិស្ត​ចិន​លើក​ទី​១៩។ តាម​របៀបវារៈ​នៃ​មហា​សន្និបាត​លើក​ទី​១​នៃ​សភា​តំណាង​ប្រជាជន​ទូទាំង​ប្រទេស​ចិន​នីតិកាល​ទី ១៣ អង្គ​ប្រជុំ​នឹង​ពិនិត្យ​ពិភាក្សា​អំពី​របាយការណ៍​ការងារ​រដ្ឋាភិបាល របាយការណ៍​ការងារ​របស់​គណៈកម្មាធិការ​អចិន្ត្រៃយ៍​នៃ​សភា​តំណាង​ប្រជាជន​ទូទាំង​ប្រទេស​ចិន របាយការណ៍​ការងារ​របស់​តុលាការ​ប្រជាជន​កំពូល​ និង​របាយការណ៍​ការងារ​របស់​សាលា​អយ្យការ​ប្រជាជន​កំពូល​ បន្ទាប់​មក នឹង​ពិនិត្យ​ពិភាក្សា​អំពី​សេចកី្ត​ព្រាង​ច្បាប់​ស្តីពី​ការ​ធ្វើ​វិសោធនកម្ម​​រដ្ឋធម្មនុញ្ញ​ សេចកី្ត​ព្រាង​ច្បាប់​អធិការកិច្ច ព្រម​និង​ផែនការ​កំណែ​ទម្រង់​ស្ថាប័ន​របស់​ក្រុម​ប្រឹក្សា​កិច្ចការ​រដ្ឋ​ជាដើម ជា​មួយ​គ្នា​នេះ​ មហា​សនិ្នបាត​នឹង​ធ្វើ​ការ​បោះ​ឆ្នោត​ជ្រើស​រើស​និង​ធ្វើ​សេចកី្ត​សម្រេច​តែង​តាំង​សមាសភាព​ស្ថាប័ន​រដ្ឋ​ទៀត​ផង៕

ត្រលប់ក្រោយ >>