លោក Joe Biden ប្រាប់នាយករដ្ឋមន្ត្រីជប៉ុនពីការខឹងសម្បារចំពោះការធ្វើឃាតលោក Shinzo Abe

វិទ្យុកម្ពុជា កញ្ញា ខៀវ ណាវីន

អន្តរជាតិ៖ ប្រធានាធិបតីអាមេរិកលោក Joe Biden បានប្រាប់លោក Fumio Kishida នាយករដ្ឋមន្ត្រីជប៉ុនអំពីការខឹងសម្បាររបស់គាត់ចំពោះការធ្វើឃាតអតីតមេដឹកនាំលោក Shinzo Abe ដែលត្រូវបានខ្មាន់កាំភ្លើងលួចធ្វើឃាតនៅពេលកំពុងធ្វើយុទ្ធនាការបោះឆ្នោតសភា។ នេះបើយោងតាមការចេញផ្សាយដោយសារព័ត៌មាន CNA នៅថ្ងៃទី០៩ ខែកក្កដា។ សេតវិមានបាននិយាយនៅក្នុងសេចក្តីថ្លែងការណ៍មួយថា "ប្រធានាធិបតី Biden បានទូរស័ព្ទទៅកាន់នាយករដ្ឋមន្ត្រី Kishida នៃប្រទេសជប៉ុននៅថ្ងៃនេះ ដើម្បីសំដែងការខឹងសម្បារ ទុក្ខសោក និងចូលរួមរំលែកទុក្ខយ៉ាងជ្រាលជ្រៅចំពោះការបាញ់ប្រហារដ៏សោកសៅ និងហិង្សារបស់អតីតនាយករដ្ឋមន្ត្រីលោក Abe ​​Shinzo" ។ លោក Abe កំពុងថ្លែងសុន្ទរកថាដ៏គគ្រឹកគគ្រេង នៅមុនការបោះឆ្នោតសភាជាន់ខ្ពស់នៅពេលដែលគាត់ត្រូវបានគេបាញ់សម្លាប់ ហើយយុទ្ធនា ការកំពុងបន្តនៅថ្ងៃសៅរ៍ ដោយអ្នកនយោបាយនិយាយថា ពួកគេប្តេជ្ញាបង្ហាញការសម្លាប់នេះមិនអាចបញ្ឈប់លទ្ធិប្រជាធិបតេយ្យបានទេ៕