នាយករដ្ឋមន្ត្រីជប៉ុន Kishida គ្រោងនឹងបង្រួបបង្រួមបក្សកាន់អំណាច ខណៈដែលកាន់ទុក្ខលោក Abe

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ លោក Fumio Kishida នាយករដ្ឋមន្ត្រីជប៉ុនបានរៀបចំដើម្បីបង្រួបបង្រួមសិទ្ធិអំណាចនៅក្នុងបក្សកាន់ អំណាចរបស់លោក បន្ទាប់ពីលទ្ធផលបោះឆ្នោតដ៏រឹងមាំ ស្ទើរតែធានាឱ្យគាត់ក្លាយជានាយករដ្ឋមន្ត្រីបីឆ្នាំបន្ថែមទៀត។ នេះបើយោងតាមការចេញ ផ្សាយដោយសារព័ត៌ មាន Reuters នៅថ្ងៃទី១១ ខែកក្កដា។ 

 ក្រុមចម្រុះអភិរក្សនិយមដែលកំពុងកាន់អំណាចដែលដឹកនាំដោយគណបក្សប្រជាធិប តេយ្យសេរី (LDP) របស់លោក Kishida បានបន្តសំឡេងភាគច្រើនរបស់ខ្លួននៅក្នុងសភាជាន់ខ្ពស់ត្រឹមតែពីរថ្ងៃបន្ទាប់ពីលោក Abe ដែលជានាយករដ្ឋមន្ត្រីកាន់ អំណាចយូរបំផុតរបស់ប្រទេសជប៉ុនមុនពេលលាលែងពីតំណែងក្នុងឆ្នាំ ២០២០ ត្រូវបានបាញ់សម្លាប់ពេលកំពុងថ្លែងសុន្ទរកថាយុទ្ធនាការ។ លោក Kishida បាននិយាយថា ខ្ញុំពិតជាមានអារម្មណ៍សោកសៅ និងតក់ ស្លុតយ៉ាងខ្លាំងចំពោះសោកនា ដកម្មដ៏គួរឱ្យរន្ធត់នេះ។ នៅពេលសួរអំពីការកែប្រែរដ្ឋ ធម្មនុញ្ញនៅល្ងាចថ្ងៃអាទិត្យ លោក Kishida បាននិយាយថា លោកនឹងផ្តោតលើការរួម គ្នាបង្កើតច្បាប់មួយដែលត្រូវពិភាក្សានៅក្នុងសភា ហើយលោក នឹងធ្វើសន្និសីទ សារព័ត៌មាន នៅម៉ោង ២ រសៀល (ម៉ោងក្នុងស្រុក)។ ប៉ូលីសខេត្ត Nara បាននិយាយកាលពីថ្ងៃចន្ទថា ជនសង្ស័យបានប្រាប់ពួកគេថា គេបានចំណាយពេលជាច្រើនខែរៀបចំផែនការវាយប្រហារ ដោយចោទ ប្រកាន់អតីតនាយករដ្ឋមន្ត្រីថា មានទំនាក់ទំនងនឹងក្រុមសាសនាដែលគាត់បានស្តីបន្ទោសចំពោះការបំផ្លិចបំផ្លាញហិរញ្ញវត្ថុរបស់ម្តាយគាត់៕