ខណ្ឌរដ្ឋបាលជលផលស្ទឹងត្រែងបង្ហាញថាផលនេសាទឆ្នាំនេះមានការកើនឡើង

10

វិទ្យុជាតិកម្ពុជា​៖​ ដោយ​ លោក អ៊ាន គឹមហឿន ប្រចាំខេត្តស្ទឹងត្រែង៖

​ ផលត្រីនេសាទនៅខេត្តស្ទឹងត្រែង ក្នុងឆ្នាំ២០១៨មានចំនួន៦.៤៦៧តោន បើប្រៀបធៀបទៅនឹងឆ្នាំ២០១៧ បានការកើនឡើងប្រមាណ២% តែពូជត្រីសំខាន់ៗមួយចំនួនត្រូវថយចុះស្ទើតែផុតពូជ ដោយសារតែការធ្វើនេសាទហួសកម្រិត ។

លោកទុំនីរូ នាយខណ្ឌរដ្ឋបាលជលផលខេត្ត បានបញ្ជាក់ថាៈ ៖អ្នកនេសាទមានការកើនឡើងពីមួយឆ្នាំទៅមួយឆ្នាំហើយពូជត្រីសំខាន់ៗមួយចំនួនរងការផុតពូជព្រោះមានអ្នកនេសាទខ្លះចេះតែលួចធ្វើនេសាទនៅតាមអន្លង់អភិរក្សបង្កផលប៉ះពាល់ដល់ពូជត្រី។លោកថា៖នៅទន្លេលើជាជំរកត្រីបន្តពូជ ដូចជាត្រីរាជ -ត្រីគល់រាំង-ត្រីត្រសក់-ត្រីនាគ- ត្រី ត្រីក្របី- ត្រីស្ទក់- ពិសេសត្រីប៉ាវ៉ានឹងត្រីប៉ាសេអ៊ីដែលមានឈ្មោះល្បីនៅខេត្តស្ទឹងត្រែង។

លោក ផល លុយ មន្ត្រីអង្គការសេប៉ាប្រចាំនៅខេត្តស្ទឹងត្រែងបានបញ្ជាក់ថា៖ករណីនេះអង្គការ
ដៃគូបានកំពុងធ្វើសកម្មភាពពង្រឹងសមត្ថភាពដល់ប្រជាសហគមន៍នឹងប្រជាកសិករឱ្យមានមុខរបរប្រចាំគ្រួសារវិញដូចជាការចិញ្ចឹមត្រី បង្កើតសួនបន្លែប្រចាំគ្រួសារជាដើមដើម្បីឱ្យជួកគាត់ងាកមកប្រកបរបរនេះវិញទើមយើងការពារធនធានមច្ឆជាតិនេះបាន។

លោកឆែមប៊ុនធឿនប្រធានសហគមន៍នេសាទភូមិថ្នីសង្កាត់សាមគ្គីបានទទួលស្គាល់ថា៖បច្ចុប្បន្នប្រភេទត្រីសំខាន់ៗការធ្វើនេសាទកម្របានជួបប្រទះមែននេះជាសញ្ញាមួយបង្ហាញពីភាពបាត់បង់ទៅៗ។លោកថា៖កត្តានេះសូនប្រជាអ្នកនេសាទចូលរួមគោរពច្បាប់ជលផលទាំងអស់គ្នាឱ្យបានគ្រប់រដូវ។

លោក គង់ ធា ប្រជាអ្នកនេសាទនៅភូមិអូរស្វាយឃុំអន្លងជ្រៃស្រុកថាឡាបរិវ៉ាត់បានបញ្ជាក់ថា៖បើសិនជាយើងធ្វើនេសាទជាលក្ខណៈគ្រួសារផលត្រីនឹងសម្បូរឡើងវិញតែបច្ចុប្បន្នបងប្អូនភាគច្រើនធ្វើអាជីវកម្មនេសាទហួសកម្រិត។លោកបន្តថា៖ក្រៅពីនោះទៀតបទល្មើសនេសាទក៍ចេះតែកើតមានហើយការបង្ក្រាបរបស់មន្ត្រីជំនាញមិនទាន់មានប្រសិទ្ធភាពនៅឡើយ។

សូមបញ្ជាក់ថា៖នៅឆ្នាំ២០១៨ខណ្ឌជលផលបានអប់រំប្រជាអ្នកនេសាទបាន៥៨០នាក់ផ្សព្វ
ផ្សាយបាន១៣០៥នាក់ បង្ក្រាបបទល្មើសដកហូតបានមង២៥៧ត្បូងស្មើនឹង៥១.៩៣៩ម៉ែត្រល្បាលឆក់១១គ្រឿងបញ្ជូនខ្លួនជនសង្ស័យចំនួន៤នាក់អនុវត្តតាមនិតិវិធី។

អត្ថបទដែលជាប់ទាក់ទង