ប្រមុខរាជរដ្ឋាភិបាល បានស្នើដល់ប្រជាពលរដ្ឋសូមបញ្ឈប់សកម្មភាពជេប្រមាថតិះដៀលគ្នាតាមបណ្តាញ់Facebook

12

វិទ្យុជាតិកម្ពុជា​៖​ ដោយ​ លោក​ ហុក​ សុខរិន​៖

ប្រមុខរាជរដ្ឋាភិបាល បានស្នើយ៉ាងទទូចដល់ប្រជាពលរដ្ឋទំាងអស់ សូមបញ្ឈប់សកម្មភាពការតិះដៀល ឬជេរប្រមាថគ្នាតាមបណ្ដាញសង្គម Facebook តទៅទៀត ដើម្បីគោរពសិទ្ធិនិងកុំអោយប៉ះពាល់ដល់សេចក្តីថ្លៃថ្នូរបស់ជាតិខ្មែរ។
សម្ដេចតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែង ក្នុងជួបសំណេះសំណាលជាមួយអ្នកសារព័ត៌មានប្រមាណជាង៥ពាន់នាក់ កាលពីថ្ងៃទី១១ ខែមករា ឆ្នាំ២០១៩ ដោយបានអះអាងថា អ្នកលេងហ្វេសប៊ុកទំាងអស់គួរតែមានសេចក្តីថ្លៃថ្នូរកុំជេរបញ្ចោរពាក្យអសុរោះតាម Facebook តទៅទៀត។ សម្តេចតេជោបានបញ្ជាក់ថា ការប្រើវេទិការជេរប្រមាថគ្នាតាមរយះហ្វេសបុកនេះ គឺគ្មានប្រយោជន៍ឡើយ ហើយមិនគួរយករឿងអាស្រូវរបស់ខ្លួនឯង គ្រួសារខ្លួនឯងមកបកស្រាយនៅលើសង្គម Facebook ប្រាប់គេឯងជាសាធារណៈ ដែលជាហេតុមិនគប្បីនៅក្នុងសង្គម និងជាក្ដីអាម៉ាស់ចំពោះខ្លួនឯង និងអ្នកដទៃទេ។
សម្តេចតេជោនាយករដ្ឋមន្រ្តីសង្ឃឹមថាប្រជាពលរដ្ឋខ្មែរទំាងអស់នឹងយោគយល់ចំពោះបញ្ហានេះ ដើម្បីធានាសេចក្តីថ្លែថ្នូរបស់ខ្លួនឯងផង ក្នុងនាមជាប្រជាពលរដ្ឋខ្មែរ ។
បន្ទាប់ពីហ្នឹងទៅខ្ញុំនឹងតាមមើលតើ អស់លោកដែលជេរគ្នាវាយ៉ាងម៉េចទៀត ខ្ញុំវាអត់យល់ លេងហ្វេសប៊ុកដូចតែគ្នាហើយវាយគ្នា ជារឿងមួយគួរអោយឆ្ងល់វាចេសទាស់គ្នាទៅកើត អាមួយនៅនេះ មួយនៅនោះ ហើយជេរពីនេះ ហើយជេរពីនោះ ចេញសព្វគ្រប់អស់ហើយ ប្រសិនបើយើងប្រើសុច្ចរិតភាពនៃព័ត៌មានយើងហ្នឹងទទួលបានការរីកចំរើនលឿនជាង ហើយវាមិនរាំងស្ទះដោយសារតែ ទំនាស់ទាស់ទែងគ្នា។ ហើយថ្ងៃមុនឃើញពេច ស្រស់ ជេរខាន់សុណ្ណ ខាន់ ចាន់សុវណ្ណក៏ជេរទៅទៀត ដល់ថ្នាក់ប្រធានគណបក្សនយោបាយទៅជេរ អ្នកលេងហ្វេសប៊ុក ដល់ពេលអ្នកលេងហ្វេសប៊ុកជេរត្រលប់ទៅវិញ ខ្ញុំយល់មិនបានទេ អាហ្នឹងសិទ្ធិរបស់អ្នក ប៉ុន្តែក្នុងឋានៈខ្ញុំជានាយករដ្ឋមន្ត្រី ខ្ញុំក៏គួរត្រូវបាន អំពាវនាវស្នើសុំ អោយមានការយោគយល់អធ្យាស្រ័យគ្នា អ្វីដែលខ្ញុំនិយាយអ្នកទំាងអស់គ្នាមិនចត់បាយទេ មិនមែនជារឿងធ្ងន់ធ្ងរពេកនោះទេវាមិនហួស វាល្មម តែវាក៏មិនស្រាលពេកដែរប៉ុន្តែយើងត្រូវប្រឹងប្រែងរួមគ្នា។

អត្ថបទដែលជាប់ទាក់ទង