សម្តេចតេជោហ៊ុនសែនលើកទឹកចិត្តដល់អ្នកសារព័ត៌មានទំាងអស់គប្បីបន្តដើរតួជាកញ្ចក់ឆ្លុះបញ្ចាំងនូវស្ថានភាពពិតនៃសង្គម

10

វិទ្យុជាតិកម្ពុជា​៖​ ដោយ​ ធី​ណា​ ឌី​ណេ​៖

សម្តេចតេជោហ៊ុនសែនលើកទឹកចិត្តដល់អ្នកសារព័ត៌មានទំាងអស់គប្បីបន្តដើរតួជាកញ្ចក់ឆ្លុះបញ្ចាំងនូវស្ថានភាពពិតនៃសង្គម ដើម្បីចូលរួមស្ថាបនានិងការអភិវឌ្ឍកម្ពុជាអោយកាន់តែរីកចំរើន។
សម្តេចតេជោហ៊ុនសែននាយករដ្ឋមន្រ្តីព្រះរាជាណាចក្រកម្ពុជា នៅតែទទូចស្នើសុំឲ្យសារព័ត៌មានកម្ពុជាដើរតួនាទីជាកញ្ចក់ឆ្លុះបញ្ចាំងការពិត គ្រប់ទិដ្ឋភាព រឿងរាវពិតរបស់ កម្ពុជា ដើម្បីបង្ហាញការពិតទំាងនោះ ទំាងនៅក្នុងប្រទេសកម្ពុជា និងនៅលើពីភពលោកអោយគេបានស្គាល់បានដឹងពីអ្វីកើតឡើងពិតនៅកម្ពុជា ដោយគ្មានការក្លែងបន្លំ។
ថ្លែងក្នុងជំនួបជាមួយអ្នកសារព័ត៌មានលើកទី៣កាលពីថ្ងៃទី១១ខែមករាសម្តេចតេជោមានប្រសាសន៍ថា សម្តេចក៏ដូចជារាជរដ្ឋាភិបាល មិនត្រូវការ ព័ត៌មានលើស ហើយក៏មិនត្រូវការព័ត៌មានខ្វះដែរ។ ទោះបីអ្នកធ្វើព័ត៌មានម្នាក់មិនអាចតម្រូវឱ្យមនុស្សគ្រប់គ្នាបានទាំងអស់មែន ប៉ុន្តែចំនុចដែលអ្នកសារព័ត៌មានត្រូវធ្វើគួរគប្បីបំពេញនូវតួនាទី មិនត្រូវបំភ្លៃការពិតណាមួយ ដែលកើតឡើងនូវការអាក់អន់និងបែកបាក់ឡើយ។
បន្ថែមពីនេះទៀតសម្តេចចង់អោយអ្នកសារព័ត៌មានក្លាយជាស្ពានចម្លងពីរដ្ឋទៅប្រជាជន ពីប្រជាជនមករដ្ឋវិញ ទាំងកម្រិតគោលនយោបាយរួមនិងកម្រិតនៃការអនុវត្ត កន្លងទៅនេះ។
កន្លងទៅនេះខ្ញុំបានឃើញគ្រប់សារព័ត៌មាន ទាំងវិទ្យុទាំងទូរទស្សន៍ ក៏បានធ្វើការច្រើនហើយក្នុងការបញ្ជូននូវកម្មវិធីនយោបាយ ឬក៏បទប្បញ្ញត្តិផ្សេងៗ ទៅកាន់ប្រជាពលរដ្ឋ ហើយក៏បានខំពាំនាំត្រឡប់មកវិញឲ្យរដ្ឋបានដឹង អំពីកង្វល់នៃការលំបាកនានា នៅឯមូលដ្ឋាន។ យើងបានធ្វើកិច្ចការងារនេះ ហើយប៉ុន្តែយើងត្រូវបន្តធ្វើកិច្ចការងារនេះបន្តទៀត។ ចំណុចនេះខ្ញុំចង់ថា ធ្វើឲ្យកាន់តែតម្លាភាពទៅៗ ព្រោះថាជួនកាល ផ្នែកខាងក្រោមនៃការអនុវត្តមិនបានឆ្លុះបញ្ចំាងការពិតជូនមកថ្នាក់ដឹកនាំទេ រឿងនេះគឺជារឿងពិតនៅខេត្តខ្លះស្រុកខ្លះ ឬនៅស្ថាបន័ខ្លះនៅពេលដែលមានការអនុវត្តខុសឆ្គងពួកគេមិនចង់អោយព័ត៌មាននេះលេចឮមកដល់
ថ្នាក់ដឹកនាំខាងលើឬផ្សព្វផ្សាយជាសាធារណៈ ប៉ុន្តែសារព័ត៌មានគឺត្រូវមានតួនាទីផ្សព្វផ្សាយព័ត៌មាននោះលើកលែងតែពត៌មាន ទាក់ទងទៅនឹងសន្តិសុខជាតិដែល វាទាក់ទងនិងអាថ៌កំបាំងនៃបញ្ហាការពារជាតិរបស់យើងនិងសន្តិសុខជាតិរបស់យើង ៕

អត្ថបទដែលជាប់ទាក់ទង