អជ្ញាធរខេត្តកោះកុងធ្វើមីទ្ទិញ អបអរសាទរខួប៤០ឆ្នាំនៃថ្ងៃ៧មករា

7

វិទ្យុជាតិកម្ពុជា​៖​ ដោយ​ កញ្ញា ទុយ សូលីដា៖​


នៅព្រឹក ថ្ងៃទី១៧ មករា នេះអជ្ញាធរខេត្តកោះកុង បានរៀបចំពិធីមីទ្ទិញ អបអរសាទរ នូវខួបអនុស្សាវរីយ៍ ៤០ឆ្នាំនៃថ្ងៃ៧មករា ដើម្បីរំលឹកដល់វិរៈជនស្នេហាជាតិ ដែលបានលះបង់ជីវិត ក្នុងសមរភូមិផ្តួលរំលំរបបប្រល័យពូជសាសន៍ពលពតបានដោយជោគជ័យ ។ 


លោក ជំទាវ មិថុនា ភូថង អភិបាលនៃគណៈអភិបាលខេត្តកោះកុង បានមានប្រសាសន៍ប្រាប់វិទ្យុជាតិកម្ពុជាថា ដើម្បីអបអរសាទរខួបអនុស្សាវរីយ៍ ៤០ឆ្នាំនៃថ្ងៃ៧មករា ក្នុងខេត្តកោះកុង បានរៀបចំចងបដាពាក្យស្លោក ទង់ជាតិនៅតាមដងផ្លូវសាធារណៈនិងនៅតាមទីប្រជុំជនដើម្បីធ្វើឲ្យទិវានេះកាន់តែមានភាពអធឹកអធម។ លោក ជំទាវបន្តថា អជ្ញាធរខេត្តកោះកុង រៀបចំពិធីមីទ្ទិញមហាជននៅព្រឹកនេះ មានប្រជាពលរដ្ឋចូលរួមយ៉ាងច្រើនកុះកររាប់ពាន់នាក់ជួបជុំគ្នា នៅមុខបរិវេណសាលាខេត្តចាស់ និង មានការដង្ហែក្បូននៅក្នុងឱកាសនោះផងដែរ។ លោក ជំទាវបន្ថែមថា ការរៀបចំទិវានេះអោយកាន់តែអធឹកអធម គឺដើម្បីបង្ហាញពីការយកចិត្តទុក្ខដាក់រំលឹកដល់បុព្វបការីជន វិរៈជនស្នេហាជាតិដែលបានតស៊ូរំដោះជាតិចេញពីរបបពលពត និងដើម្បីរួមគ្នាថែរក្សានៅសុខសន្តិភាពមួយនេះតទៅមុខទៀត ។


សំលេង៖ក្នុងនាមជាប្រជាពលរដ្ឋខ្មែរ សូមចង់ចាំនៅប្រវត្តិសាស្ត្ររបស់យើង ក្នុងការតស៊ូរបស់បុព្វបការីជនដើម្បីបង្រួបបង្រួមជាតិ ក្នុងការរំដោះជាតិផងតាំងពីថ្ងៃ ២ធ្នូ ១៩៧៨ ជាការរួមគ្នារបស់ជនជាតិយើង អោយរួចផុតពីគ្រោះមហន្តរាយពីរបបប្រល័យពូជសាសន៍ពុលពត ហើយការរីកចំរើននៅថ្ងៃនេះសូមអោយយើងចង់ចាំ រួមគ្នា ស្រសាញ់គ្នា ដើម្បីការពារសន្តិភាពមួយនេះអោយបានយូរអង្វែងទៅមុខ ។
លោកជំទាវបញ្ជាក់ថា នៅក្នុងឱកាសខួបអនុស្សាវរីយ៍ ៤០ឆ្នាំនៃ ថ្ងៃ៧ មករានេះ អាជ្ញាធរខេត្តកោះកុង រៀបចំ ពិធីមីទ្ទិញ នៅព្រឹកថ្ងៃទី ១៧មករា នៅមុខសាលាខេត្តចាស់ ហើយ ពេលល្ងាចមានការប្រគំតន្រ្តី មានកីឡាវៃបុក រួមជាមួយនិងស្តង់លក់ផលិតផលនៅក្នុងស្រុកជាច្រើនទៀត ។

អត្ថបទដែលជាប់ទាក់ទង