ប្រទេសអូស្ត្រាលីចាប់មនុស្សបីនាក់ ពាក់ព័ន្ធនឹងសកម្មភាពភេរវកម្មក្នុងទីក្រុងមែលប៊ន​

12

វិទ្យុជាតិកម្ពុជា/ អត្ថបទ ឆាយ វីកាល
ប្រភព​ ឆានែលញូវអាស៊ី ​ (២០.​១១.​១៨)

អូស្ត្រាលី៖ តាមទូរទស្សន៍បរទេសបានរាយការណ៍ថា ប៉ូលីសប្រទេសអូស្ត្រាលីបាននិយាយនៅថ្ងៃអង្គារនេះថា
មនុស្សបីនាក់ត្រូវបានចាប់ខ្លួន ពីបទប្រុងប្រៀបធ្វើការវាយប្រហារភេរវកម្មក្នុងទីក្រុងមែលប៊ន ។

ការចាប់ខ្លួននេះ ត្រូវបានធ្វើឡើងបន្ទាប់ពីមានជនម្នាក់បានចាក់សម្លាប់មនុស្សម្នាក់និងធ្វើឲ្យរបួសពីរនាក់ទៀត នៅក្នុងទីក្រុងនោះ ដែលប៉ូលីសបានចាត់ទុកថា ជាសកម្មភាពភេរវករ ។​ប៉ូលីសសហព័ន្ធបានរួមជាមួយ អាជ្ញាធររដ្ឋវីកតូរីយ៉ារបស់ប្រទេសអូស្រ្តាលីបានបើកប្រតិបត្តិការចាប់ខ្លួនជនទំាងបីនេះ នៅព្រឹកថ្ងៃអង្គារនេះ ហើយជនទំាងនោះមានអាយុ ៣០, ២៦ និង ២១ ឆ្នំា ។​

ប្រទេសអូស្ត្រាលី ដែលជាសម្ព័ន្ធមិត្តរបស់អាមេរិក ដែលបានបញ្ជូនទ័ពទៅក្នុងប្រទេសអាហ្វកានីស្ថាន
និងអៀរ៉ាក់ បានចាត់វិធានការប្រុងប្រយ័ត្នទប់ទល់នឹងសកម្មភាពភេរវកម្មចាប់តំាងពីឆ្នំា ២០១៤
ដែលអាចនឹងបង្កឡើងដោយក្រុមយុទ្ធជន ដែលវិលត្រឡប់ពីការធ្វើសង្គ្រាម ក្នុងតំបន់មជ្ឈឹមបូព៌ា
និងដោយក្រុមដែលគាំទ្ររដ្ឋឥស្លាម ។​

អត្ថបទដែលជាប់ទាក់ទង