ប្រទេសឥណ្ឌូណេស៊ីត្រៀមបញ្ជូននាវាមន្ទីរពេទ្យសម្រាប់ព្យាបាលអ្នកនៅរស់រានមានជីវិតពីព្យុះស៊ីក្លូន Seroja

វិទ្យុជាតិកម្ពុជា កញ្ញា ខៀវ ណាវីន ថ្ងៃទី០៧ ខែមេសា ឆ្នាំ២០២១

MC.ទីភ្នាក់ងារគ្រោះមហន្តរាយឥណ្ឌូណេស៊ីបាននិយាយថាកងទ័ពជើងទឹកឥណ្ឌូណេស៊ីបានត្រៀមបញ្ជូននាវាមន្ទីរពេទ្យនៅថ្ងៃពុធនេះដើម្បីជួយព្យាបាលអ្នកនៅរស់រានមានជីវិតពីព្យុះស៊ីក្លូនដែលបានសម្លាប់មនុស្សជាង ១៥០ នាក់នៅតំបន់ប្រជុំកោះនិងនៅទីម័រខាងកើត។

នេះបើយោងតាមសារព័ត៏មាន CNA ចេញផ្សាយនៅថ្ងៃពុធ ទី០៧ ខែមីនា។

ឧទ្ធម្ភាគចក្របានទម្លាក់ស្បៀងអាហារនិងរបស់របរចាំបាច់ផ្សេងៗទៀតទៅក្នុងភូមិដាច់ស្រយាល ខណៈក្រុមអ្នកជួយសង្គ្រោះបានងាកទៅប្រើសត្វឆ្កែហិតក្លិនក្នុងការតាមប្រមាញ់មនុស្សរាប់សិបនាក់ទៀតដែល កំពុងបាត់ខ្លួនបន្ទាប់ពីទឹកជំនន់និងការរអិលបាក់ដីកាលពីចុងសប្តាហ៍។ភ្លៀងធ្លាក់ខ្លាំងពីព្យុះត្រូពិកSeroja ដែលជាព្យុះបំផ្លាញខ្លាំងបំផុតក្នុងប៉ុន្មានឆ្នាំនេះ ដោយបានបង្វែរសហគមន៍តូចៗទៅជាដីភក់ខ្ពង់រាប ។ព្យុះនេះបានបោកបក់លើអគារក្នុងភូមិមួយចំនួននៅលើភ្នំនិងតាមឆ្នេរសមុទ្រនៅលើកោះ Lembataប្រទេសឥណ្ឌូណេស៊ីដែលសហគមន៍តូចៗជាច្រើនត្រូវបានលុបចោលពីផែនទី។ទីភ្នាក់ងារគ្រោះមហន្តរាយរបស់ឥណ្ឌូណេស៊ីបាននិយាយថាសត្វឆ្កែព្រុសនិងដើរតាមគំនរបាក់បែកដោយសង្ឃឹមថានឹងរកឃើញសាកសពជនរងគ្រោះដែលបាត់ខ្លួនប្រហែលជា ៧៦ នាក់និងអ្នកនៅរស់រានមានជីវិត។

មនុស្សប្រហែល ១២០ នាក់ត្រូវបានចុះបញ្ជីថាបានស្លាប់នៅក្នុងកោះដាច់ស្រយាលមួយនៅចុងខាងកើតនៃប្រជុំកោះនេះ។មនុស្ស ៣៤ នាក់ផ្សេងទៀតត្រូវបានគេរាយការណ៍ថាបានស្លាប់នៅក្នុងប្រទេសទីម័រខាងកើត។

អ្នកនាំពាក្យទីភ្នាក់ងារគ្រោះមហន្តរាយលោក Raditya Jati បាននិយាយថានាវាមន្ទីរពេទ្យគ្រោងនឹងចាកចេញពីទីក្រុងJakata និងSemarang ដែលជាទីក្រុងមួយនៅភាគខាងកើតនៃប្រទេសឥណ្ឌូណេស៊ីនៅថ្ងៃនេះ។

ក្រុមអ្នកជួយសង្គ្រោះបានចំណាយពេលប៉ុន្មានថ្ងៃកន្លងមកនេះដោយប្រើអ្នកជីកនិងប៉ែលដើម្បីទាញយកសាកសពដែលគ្របដោយភក់ចេញពីគំនរបាក់បែក។ទីភ្នាក់ងារគ្រោះមហន្តរាយបានប៉ាន់ប្រមាណថាប្រជាជនឥណ្ឌូណេស៊ីចំនួន ១២៥ លាននាក់ដែលស្មើនឹងពាក់កណ្តាលនៃចំនួនប្រជាជនរបស់ប្រទេសនេះរស់នៅក្នុងតំបន់ដែលមានហានិភ័យនៃការបាក់ដី។គ្រោះមហន្តរាយនេះច្រើនតែបណ្តាលមកពីការកាប់បំផ្លាញព្រៃឈើ៕