ប្រទេសវៀតណាមផលិតសាកល្បងវ៉ាក់សាំងកូវីដ-១៩ Sputnik V របស់រុស្ស៊ី

វិទ្យុជាតិកម្ពុជា ៖ កញ្ញា ខៀវ ណាវីន 

អន្តរជាតិ ៖ ប្រទេសរុស្ស៊ីបានប្រកាសនៅថ្ងៃពុធថា វ៉ាក់សាំង Sputnik V របស់ខ្លួនត្រូវបានផលិតជាលើកដំបូងនៅក្នុងប្រទេសវៀតណាមដែលកំពុងប្រយុទ្ធប្រឆាំងនឹងវីរុសកូវីដ-១៩ ។ 
នេះបើយោងតាមការចេញផ្សាយដោយសារព័ត៌មាន CNA នៅថ្ងៃទី២១ ខែកក្កដានេះ។ សេចក្ដីប្រកាសព័ត៌មាន នេះឲ្យដឹងថា ការផលិតស្ថិតក្នុងភាពជាដៃគូជាមួយក្រុមហ៊ុនឱសថដែលគ្រប់គ្រងដោយរដ្ឋរបស់ប្រទេសវៀតណាមឈ្មោះ Vabiotech ដែលជាមូលនិធិវិនិយោគផ្ទាល់របស់ប្រទេសរុស្ស៊ី (RDIF) ។ RDIF បានបន្ថែមថាវ៉ាក់សាំងដែលផលិតបានដំបូងនឹងត្រូវបញ្ជូនទៅអ្នកអភិវឌ្ឍវ៉ាក់សាំង - មជ្ឈមណ្ឌលហ្គាម៉ាយ៉ានៅទីក្រុងម៉ូស្គូដើម្បីត្រួតពិនិត្យគុណភាព។ នាយកប្រតិបត្តិមូលនិធិលោក Kirill Dmitriyev បាននិយាយនៅក្នុងសេចក្តីថ្លែងការណ៍ថា“ RDIF និង Vabiotech កំពុងសហការយ៉ាងសកម្មក្នុងដំណើរការផ្ទេរបច្ចេកវិទ្យាផ្តល់វ៉ាក់សាំង Sputnik V សម្រាប់ប្រជាជន វៀតណាម” ។ 

លោក Dat Tuan Do ជាប្រធានក្រុមហ៊ុន Vabiotech បាននិយាយថា រុស្ស៊ីនឹងជួយផ្តល់វ៉ាក់សាំងដែលមានគុណភាពនិងមានតម្លៃសមរម្យដល់ប្រទេសវៀតណាមនិងប្រទេសដទៃទៀតនៅក្នុងតំបន់។ ប្រទេសរុស្ស៊ីបានចុះបញ្ជីវ៉ាក់សាំង Sputnik V កាលពីខែសីហា ហើយត្រូវបានគេប្រកាសថាជាវ៉ាក់សាំងដែល មានសុវត្ថិភាពហើយមានប្រសិទ្ធភាពជាង ៩០ភាគរយ  នៅក្នុងរបាយការណ៍ដែលចេញផ្សាយដោយទិនានុប្បវត្តិវេជ្ជសាស្ដ្រឈានមុខគេឈ្មោះ The Lancet។ RDIF និយាយថាវ៉ាក់សាំងរបស់ខ្លួនត្រូវបានអនុម័តនៅក្នុង ៦៨ ប្រទេស ហើយគេក៏បានដាក់ពាក្យសុំចុះឈ្មោះនៅសហភាពអឺរ៉ុបផងដែរ៕