ប្រទេសជប៉ុនសង្ឃឹមថានឹងបញ្ចប់ភាពអាសន្នសម្រាប់ខេត្តចំនួន ៦ ក្នុងខែនេះ

វិទ្យុជាតិកម្ពុជា កញ្ញា ខៀវ ណាវីន ថ្ងៃទី២៦ ខែកុម្ភៈ ឆ្នាំ២០២១

MC.រដ្ឋមន្រ្តីក្រសួងទទួលបន្ទុកវិធានការប្រឆាំងនឹងមេរោគរបស់ប្រទេសជប៉ុនបានឱ្យដឹងថា រដ្ឋាភិបាលជប៉ុនកំពុងរកវិធីបញ្ចប់ភាពអាសន្ននៅក្នុងប្រទេសទាំងអស់លើកលែងតែទីក្រុងតូក្យូនិងខេត្តជិតខាងចំនួន ៣ នៅចុងខែនេះ ដែលលឿនជាងការគ្រោងទុកចំនួន៧ថ្ងៃ។ 

នេះបើយោងតាមការចេញ ផ្សាយ របស់សារព័ត៌មានCNA ។

វិធានការណ៍នៃការឆ្លងcoronavirus នឹងត្រូវបានយកចេញនៅតំបន់អូសាកា ក្យូតូ ក្យូហ្គោ អាគីជី ហ្គីយូ និងហ្វូគូអូកា ប្រសិនបើក្រុមប្រឹក្សារដ្ឋយល់ព្រមលើសំណើររបស់រដ្ឋាភិបាល។ 

ប្រទេសជប៉ុនបានដាក់តំបន់ចំនួន ១១ ក្នុងចំណោមខេត្តចំនួន ៤៧ របស់ខ្លួនស្ថិតនៅក្រោមភាពអាសន្នក្នុងខែមករា ដោយសាររលកទី៣ នៃជំងឺកូវីដ-១៩ បានសាយភាយក្នុងប្រទេសនេះ។ ខេត្តTochigi បានលេចចេញជារូបរាងតាំងពីដំបូងនូវការរឹតត្បិតបន្ទាន់នេះ។ ការឆ្លងមេរោគ កូរ៉ូណា បានធ្លាក់ចុះគួរឱ្យកត់សម្គាល់ ចាប់តាំងពីការឡើងដល់កំពូលកាលពីដើមខែមករារួមទាំងនៅរដ្ឋធានីតូក្យូដែលនឹងត្រូវធ្វើជាម្ចាស់ផ្ទះនៃការប្រកួតកីឡាអូឡាំពិករដូវក្តៅចាប់ពីចុងខែកក្កដា។ រដ្ឋាភិបាលសង្ឃឹមថា នឹងលើកស្ថានភាពអាសន្នក្នុងខេត្តចំនួន ៤ ដែលនៅសល់តាមគម្រោងនៅថ្ងៃទី ៧ ខែមីនា។ យោងតាមក្រសួងសុខាភិបាលបានឲ្យដឹងថា ប្រទេសជប៉ុនបានកត់ត្រាករណីឆ្លងវីរុសនេះចំនួន ៤២៦.០០០ នាក់និងមានអ្នកស្លាប់ ៧.៦៤៥ នាក់គិតត្រឹមថ្ងៃទី ២៤ ខែកុម្ភៈ៕