មន្ទីរកសិកម្មខេត្ដកំពង់ឆ្នាំងបានចងក្រងបណ្ដុំប្រជាកសិករដាំបន្លែសុវត្ថិភាពដើម្បីបំពេញតម្រូវការទីផ្សារ

 

វិទ្យុជាតិកម្ពុជា៖ មន្ទីរព័ត៌មានខេត្តកំពង់ឆ្នាំង

 

កំពង់ឆ្នាំង៖ មន្ទីរកសិកម្មខេត្ដកំពង់ឆ្នាំង បានចងក្រងបណ្ដុំប្រជាកសិករដាំបន្លែសុវត្ថិភាព ដើម្បីបំពេញតម្រូវការទីផ្សារ និងរកចំណូល ជួយសម្រួលដល់ជីវភាពរបស់បងប្អូនបានមួយកម្រិត។

 

  លោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង បានមានប្រសាសន៍ថា នៅក្នុងខេត្តមានក្រុមកសិករបណ្តុំដាំដុះ បន្លែសុវត្ថិភាពជាង៥០បណ្តុំសហគមន៍ ដែលក្នុងមួយបណ្តុំមាន១០០គ្រួសារ បានចូលរួមផលិតបន្លែសុវត្ថិភាព ដោយមិន ប្រើប្រាស់ជីគីមី។ 

IMG_20210408_111836_941

លោកបានបន្តថា បន្លែសុវត្ថិភាពនេះរួមមាន៖ ស្ពៃ សាឡាត់ ខ្ទឹមបារាំង ម្ទេស សណ្តែកកួរ និងប៉េងប៉ោះ។ បន្លែទាំងអស់នេះអាចលក់ក្នុងតម្លៃពី១៥០០រៀលទៅ២០០០រៀលក្នុងមួយគីឡូក្រាម។

IMG_20210408_111833_227

  ពាក់ព័ន្ធនឹងតំបន់ដែលមានសក្ដានុពល គាត់អាចដាំបានបន្លែច្រើនដង ធ្វើឱ្យជីវភាពរបស់ពួកគាត់ មានការធូរធារមែនទែន ជាក់ស្តែងគឺយើងអាចថា មានផ្ទះក្បឿង មានម៉ូតូថ្មីជិះ និយាយរួមទៅ គឺសហគមន៍ក្តី ក្នុងបណ្ដុំក្តី ដែលគាត់មានសក្ដានុពលគ្រប់គ្រាន់ គឺគាត់យល់ដឹងច្រើនពីការដាំដុះបន្លែឱ្យឆាប់ទទួលបានផល ហើយនេះពិតជាធ្វើឱ្យ ជីវភាពរបស់គាត់ កាន់តែប្រសើរឡើង។

IMG_20210408_111831_337

   លោកបានបន្តថា កន្លងមកមន្ទីរក៏បានផ្តល់បច្ចេកទេសថ្មី ដែលធន់នឹងបម្រែបម្រួលអាកាសធាតុដល់ប្រជាពលរដ្ឋ ឱ្យពួកគាត់យល់ដឹងពីការដាំដំណាំ ដោយមិនប្រើប្រាស់គីមី ហើយឆាប់ទទួលបានផល។ លោកប្រធានមន្ទីរ ក៏បានអំពាវនាវដល់ប្រជាកសិករ ដែលមានដីទំនេរ ក្រោយពីធ្វើស្រែចម្ការ អាចងាកមកធ្វើការដាំដុះបន្លែផ្សេងៗបន្ថែមទៀត ដើម្បីរកចំណូលបន្ថែម ក្នុងជីវភាពគ្រួសារប្រចាំថ្ងៃក្នុងបរិបទកូវីដ-១៩ នេះផងដែរ ៕IMG_20210408_111827_717

Comments

Related posts

សារសំឡេងសម្តេចតេជោ ហ៊ុន សែន៖ ខ្ញុំសូមបញ្ជាដាច់ខាត បងប្អូននៅផ្ទះណា ត្រូវនៅផ្ទះហ្នឹង! ដាច់ខាត!

សារសំឡេងសម្តេចតេជោ ហ៊ុន សែន៖ ខ្ញុំសូមបញ្ជាដាច់ខាត បងប្អូននៅផ្ទះណា ត្រូវនៅផ្ទះហ្នឹង! ដាច់ខាត!

សារសំឡេងសម្តេចតេជោ ហ៊ុន សែន៖ ខ្ញុំសូមបញ្ជាដាច់ខាត បងប្អូននៅផ្ទះណា ត្រូវនៅផ្ទះហ្នឹង! ដាច់ខាត!