វិទ្យុជាតិកម្ពុជា ឈួន សំអាត ១១.០៤.២០២៥ 

ភ្នំពេញ៖  ឯកឧត្តម ធូ ស៊ុន រដ្ឋលេខាធិការក្រសួងសង្គមកិច្ចនិងអតីតយុវនីតិសម្បទា ដឹកនាំប្រតិភូចូលរួមកិច្ចប្រជុំពិភាក្សាស្តីពីសំណើសុំការគាំទ្រគម្រោងរៀបចំបង្កើតមណ្ឌលយុវនីតិសម្បទា តាមបណ្តាខេត្តគោលដៅ និងការអនុវត្តច្បាប់ស្តីពីយុត្តិធម៌អនីតិជន ក្រោមវត្តមាន ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ និងជាប្រធានគណៈកម្មការជាតិដោះលែងដោយមានលក្ខខណ្ឌ។
   កិច្ចប្រជុំផ្តោតលើការងារសំខាន់ៗ ពាក់ព័ន្ធនឹងការអនុវត្តច្បាប់ស្តីពីយុត្តិធម៌អនីតិជននាពេលកន្លងមក និងការបង្កើតមណ្ឌលយុវនីតិសម្បទានៅតាមគោលដៅចំនួន៥ ដើម្បីដោះស្រាយការកើនឡើងអនីតិជនទំនាស់នឹងច្បាប់ និងដោះស្រាយភាពចង្អៀតណែននៅក្នុងពន្ធនាគារ និងមណ្ឌលអប់រំកែប្រែ៕