វិទ្យុជាតិកម្ពុជា កញ្ញា ខៀវ ណាវីន ថ្ងៃទី១៧ មេសា ២០២៥

អន្តរជាតិ៖ ការិយាល័យស្ថិតិទូទៅរបស់ប្រទេសវៀតណាមបាននិយាយថា សន្ទស្សន៍តម្លៃទំនិញប្រើប្រាស់ (CPI) របស់ប្រទេសនេះនៅក្នុងខែកុម្ភៈបានកើនឡើង ២,៩១ភាគរយ។ នេះបើយោងតាមការចេញផ្សាយដោយសារព័ត៌មាន Xinhua។ របាយការណ៍បានបន្តថា សន្ទស្សន៍នេះបានកើនឡើង ០,៣៤ភាគរយបើធៀបនឹងខែមករា។ យោងតាមការិយាល័យ មូលហេតុចម្បងនៃការកើនឡើង CPI កាលពីខែមករាគឺការកើនឡើងនៃតម្លៃសាច់ជ្រូក ដោយសារតែកង្វះការផ្គត់ផ្គង់ និងការកើនឡើងនៃការចំណាយលើការទទួលទានអាហារ ការជួលផ្ទះ និងសេវាកម្មដឹកជញ្ជូន បន្ទាប់ពីតម្រូវការអ្នកប្រើប្រាស់កើនឡើងក្នុងអំឡុងពិធីបុណ្យចូលឆ្នាំថ្មី។ គួរបញ្ជាក់ថា ការិយាល័យបាននិយាយថា CPI ក្នុងរយៈពេលពីរខែដំបូងនៃឆ្នាំ២០២៥ បានកើនឡើងជាមធ្យម ៣,២៧ ភាគរយពីមួយឆ្នាំទៅមួយឆ្នាំ ខណៈដែលអតិផរណាបានកើនឡើង ២,៩៧ ភាគរយបើធៀបនឹងរយៈពេលដូចគ្នាកាលពីឆ្នាំមុន៕