វិទ្យុជាតិកម្ពុជា៖ លោកស្រី ប៉ុង សុភាវី ១២  ឧសភា ២០២៥  

MC៖ ឯកឧត្តម រដ្ឋមន្ត្រី នេត្រ ភក្ត្រា និងលោកជំទាវ ទុយ សិរីរតនៈ នេត្រ ភក្ត្រា ប្រធានកិត្តិយស សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងព័ត៌មាន អញ្ជើញចែកអំណោយរបស់កាកបាទក្រហមកម្ពុជា ដល់ មន្ត្រីរាជការ មន្ត្រីជាប់កិច្ចសន្យា ដែលមានជំងឺរ៉ាំរ៉ៃ និងមានជីវភាពខ្វះខាត ដើម្បីជួយសម្រួលជីវភាពបានមួយកម្រិត។ 
     អំណោយជាស្បៀងអាហារ និងសម្ភារៈប្រើប្រាស់របស់កាកបាទក្រហមកម្ពុជា ដែលត្រូវបាន ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងលោកជំទាវ ទុយ សិរីរតនៈ នេត្រ ភក្ត្រា ប្រធានកិត្តិយស សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងព័ត៌មាន នាំយកមកចែកជូនដល់ មន្ត្រីរាជការ មន្ត្រីជាប់កិច្ចសន្យា ដែលមានជំងឺរ៉ាំរ៉ៃប្រចាំកាយ និងមានជីវភាពខ្វះខាតចំនួន ២០នាក់ដោយ ក្នុងម្នាក់ៗ អង្ករ ២០គីឡូក្រាម ទឹកស៊ីអ៊ីវ ១យួរ ត្រីខកំប៉ុង ១យួរ ភួយ មុង ក្រមា និងសារុង ជាអំណោយរបស់កាកបាទក្រហមកម្ពុជា ។ ជាមួយគ្នានេះ ឯកឧត្តម រដ្ឋមន្ត្រី នេត្រ ភក្ត្រា បានផ្តល់បន្ថែមថវិកាក្នុងមួយនាក់ ៥ម៉ឺនរៀល , លោកជំទាវ ទុយ សិរីរតនៈ នេត្រ ភក្ត្រា ប្រធានកិត្តិយស សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងព័ត៌មាន ចំនួន ៥ម៉ឺនរៀល សរុបជារួមក្នុងម្នាក់ៗទទួលបានថវិកា ១០ម៉ឺនរៀល ៕