វិទ្យុជាតិកម្ពុជា កញ្ញា ខៀវ ណាវីន ថ្ងៃទី២៩ ៥ ២៥
អន្តរជាតិ៖ លោករដ្ឋមន្ត្រីការពារជាតិអ៊ុយក្រែនបាននិយាយថា អ៊ុយក្រែនមិនជំទាស់នឹងការរៀបចំកិច្ចប្រជុំជាមួយរុស្ស៊ីនោះទេ ប៉ុន្តែលុះត្រាតែខ្លួនទទួលបានអនុស្សរណៈពីទីក្រុងម៉ូស្គូ។ នេះបើយោងតាមការចេញផ្សាយដោយសារព័ត៌មាន  Tass។ លោកបានសរសេរនៅលើគរណីហ្វេសប៊ុកថា "យើងមិនប្រឆាំងនឹងកិច្ចប្រជុំជាមួយរុស្ស៊ីទេ ហើយកំពុងរង់ចាំអនុស្សរណៈរបស់ពួកគេ ដើម្បីកុំឱ្យកិច្ចប្រជុំមានភាពប្រហោង នឹងពិតជាអាចនាំទៅរកការបញ្ចប់សង្រ្គាម"។ កាលពីថ្ងៃពុធ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា គណៈប្រតិភូរុស្ស៊ីដឹកនាំដោយជំនួយការប្រធានាធិបតីលោក Vladimir Medinsky បានត្រៀមខ្លួនរួចជាស្រេចដើម្បីធ្វើបទបង្ហាញដល់អ៊ុយក្រែននៅទីក្រុងអ៊ីស្តង់ប៊ុលនៅថ្ងៃទី២ខែមិថុនា ជាមួយនឹងអនុស្សរណៈរុស្ស៊ីស្តីពីគ្រប់ទិដ្ឋភាពនៃការលុបបំបាត់មូលហេតុនៃវិបត្តិ។ គួរបញ្ជាក់ថា រុស្ស៊ី និងអ៊ុយក្រែនបានជួបពិភាក្សាគ្នាក្នុងប្រទេសទួរគីកាលពីថ្ងៃទី១៦ ឧសភា ម្តងរួចហើយ ដោយយល់ព្រមផ្លាស់ប្តូរអ្នកទោសក្នុងម្នាក់ៗ ១,០០០នាក់ បង្ហាញចក្ខុវិស័យនៃបទឈប់បាញ់ដែលអាចកើតមាន សរសេរព័ត៌មានលម្អិត និងបន្តទំនាក់ទំនង។ ប្រធានគណៈប្រតិភូរុស្ស៊ីលោក Vladimir Medinsky បាននិយាយថា រុស្ស៊ីពេញចិត្តនឹងលទ្ធផលនៃកិច្ចប្រជុំនេះ។ លោកក៏បាននិយាយដែរថា អ៊ុយក្រែនបានស្នើឱ្យមានការចរចាផ្ទាល់រវាងមេដឹកនាំនៃប្រទេសនានា ហើយរុស្ស៊ីបានយកសំណើនេះ ៕