វិទ្យុជាតិកម្ពុជា កញ្ញា ខៀវ ណាវីន ថ្ងៃទី២៩ ៥ ២៥

អន្តរជាតិ៖ លោក Sergey Lavrov រដ្ឋមន្ត្រីការបរទេសរុស្ស៊ីបាននិយាយនៅក្នុងសេចក្តីថ្លែងការណ៍មួយថា គណៈប្រតិភូរុស្ស៊ីដែលដឹកនាំដោយជំនួយការប្រធានាធិបតីលោក Vladimir Medinsky បានត្រៀមខ្លួនរួចជាស្រេចដើម្បីបង្ហាញអ៊ុយក្រែនជាមួយនឹងអនុស្សរណៈរបស់ទីក្រុងម៉ូស្គូដែលស្តីពីមូលហេតុនៃវិបត្តិសង្គ្រាមនៅថ្ងៃទី២ ខែមិថុនានៅទីក្រុងអ៊ីស្តង់ប៊ុល។ នេះបើយោងតាមការចេញផ្សាយដោយសារព័ត៌មាន Tass។ លោកបានបន្ថែមថា ដូចដែលយើងបានព្រមព្រៀងគ្នា ភាគីរុស្ស៊ីបានបង្កើតអនុស្សរណៈដែលពាក់ព័ន្ធភ្លាមៗ ដោយបញ្ជាក់ពីជំហររបស់យើងលើគ្រប់ទិដ្ឋភាពនៃការយកឈ្នះលើមូលហេតុនៃវិបត្តិ។ គណៈប្រតិភូរបស់យើងដែលដឹកនាំដោយលោក Vladimir Medinsky បានត្រៀមខ្លួនរួចជាស្រេចក្នុងការបង្ហាញអនុស្សរណៈនេះដល់គណៈប្រតិភូអ៊ុយក្រែន និងផ្តល់ការពន្យល់ចាំបាច់ក្នុងអំឡុងកិច្ចប្រជុំ ជុំទីពីរនៃកិច្ចពិភាក្សាដោយផ្ទាល់នៅទីក្រុងអ៊ីស្តង់ប៊ុលនៅថ្ងៃចន្ទទី២ ខែមិថុនា៕