វិទ្យុជាតិកម្ពុជា កញ្ញា ខៀវ ណាវីន ថ្ងៃទី០៥ ៦ ២៥

អន្តរជាតិ៖ រដ្ឋមន្ត្រីក្រសួងការពារ ជាតិបេឡារុស បានប្រាប់សមភាគីលោករដ្ឋមន្ត្រីក្រសួងការពារជាតិប៉ាគីស្ថាន ក្នុងអំឡុងពេលទស្សនកិច្ចផ្លូវការទៅកាន់ប្រទេសប៉ាគីស្ថានថា ប្រទេសបេឡារុស មានគោលបំណងពង្រឹង និងពង្រីកកិច្ចសហប្រតិបត្តិការយោធាជាមួយប៉ាគីស្ថានក្នុងពេលឆាប់ៗនេះ។ នេះបើយោងតាមការចេញផ្សាយដោយសារព័ត៌មាន Tass។ លោករដ្ឋមន្ត្រីក្រសួងការពារជាតិបាននិយាយថា "ខ្ញុំមានទំនុកចិត្តថាជំហរសកម្មរបស់ភាគីទាំងពីរលើការអភិវឌ្ឍកិច្ចសហប្រតិបត្តិការយោធាទ្វេភាគីនឹងធ្វើឱ្យស៊ីជម្រៅ និងទូលំទូលាយនាពេលអនាគតដ៏ខ្លី"។ លោករដ្ឋមន្ត្រីក្រសួងការពារជាតិប៉ាគីស្ថានបាននិយាយថា ប្រទេសប៉ាគីស្ថានគឺជាអ្នកចូលរួមក្នុងការរក្សាសន្តិភាពដ៏សំខាន់អស់រយៈពេលជាច្រើនឆ្នាំ ហើយក៏ត្រៀមខ្លួនជាស្រេចដើម្បីធ្វើកិច្ចសហប្រតិបត្តិការ ប្រសិនបើប៉ាគីស្ថានចូលរួមក្នុងបេសកកម្ម យើងតែងតែត្រៀមខ្លួនដើម្បីចែករំលែកជំនាញរបស់យើង"។ លោករដ្ឋមន្ត្រីក៏បានពិភាក្សាអំពីកិច្ចសហប្រតិបត្តិការរវាងឧស្សាហកម្មរថយន្តនៃប្រទេសបេឡារុស និងសេដ្ឋកិច្ចប៉ាគីស្ថាន និងការបង្កើតទំនាក់ទំនងផ្លូវអាកាសរវាងប្រទេសទាំងពីរ។ ភាគីទាំងពីរក៏បានពិភាក្សាអំពីកិច្ចសហប្រតិបត្តិការទ្វេភាគីក្នុងក្របខណ្ឌនៃការបណ្តុះបណ្តាលបុគ្គលិក និងការអប់រំផងដែរ៕