វិទ្យុជាតិកម្ពុជា កញ្ញា ខៀវ ណាវីន ថ្ងៃទី០៦ ៦ ២៥

អន្តរជាតិ៖ ឯកអគ្គរដ្ឋទូត ង្វៀន ម៉ិញវូ (Nguyen Minh Vu) បានដឹកនាំគណៈប្រតិភូវៀតណាមចូលរួមសន្និសីទ Octopus ឆ្នាំ២០២៥ ស្តីពីការប្រយុទ្ធប្រឆាំងនឹងឧក្រិដ្ឋកម្មបច្ចេកវិទ្យាខ្ពស់ ដែលប្រព្រឹត្តទៅនៅទីស្នាក់ការក្រុមប្រឹក្សាអឺរ៉ុបនៅប្រទេសបារាំង កាលពីថ្ងៃទី៤-៥ ខែមិថុនា។ នេះបើយោងតាមការចេញផ្សាយដោយសារព័ត៌មាន Vietnam Plus។ សន្និសីទនេះតែងតែប្រារព្ធឡើងរៀងរាល់ ១២ ទៅ ១៨ខែដោយក្រុមប្រឹក្សាអឺរ៉ុប ដោយព្រឹត្តិការណ៍នេះបង្កើតបានជាវេទិកាផ្លាស់ប្តូរដ៏ធំបំផុត និងល្អបំផុតមួយនៅក្នុងឧក្រិដ្ឋកម្មតាមអ៊ីនធឺណិត ដែលប្រមូលផ្តុំអ្នកជំនាញមកពីជាង ១០០ ប្រទេស ដែលរួមមាន អង្គការអន្តរជាតិ វិស័យឯកជន និងបណ្ឌិត្យសភា។ នៅក្នុងសម័យប្រជុំពេញអង្គ ឯកអគ្គរដ្ឋទូត Vu បានចែករំលែកព័ត៌មានអំពីអនុសញ្ញាថ្មីរបស់អង្គការសហប្រជាជាតិប្រឆាំងឧក្រិដ្ឋកម្មតាមអ៊ីនធឺណិត ដែលហៅថា អនុសញ្ញាហាណូយ ហើយបានប្រកាសថា ពិធីចុះហត្ថលេខានឹងប្រព្រឹត្តទៅនៅរដ្ឋធានីវៀតណាមនៅថ្ងៃទី ២៥-២៦ ខែតុលា។ ក្នុងពិធីចុះហត្ថលេខានេះ លោក Vu បាននិយាយថា នឹងបង្ហាញពីការពិភាក្សាកម្រិតខ្ពស់ ព្រឹត្តិការណ៍ និងការតាំងពិព័រណ៍ បង្កើតវេទិកាថាមវន្តសម្រាប់ការសន្ទនា និងការចែករំលែកបទពិសោធជាក់ស្តែង ដើម្បីពន្លឿនការចូលជាធរមាននៃអនុសញ្ញា និងធានាការអនុវត្តប្រកបដោយប្រសិទ្ធភាព៕