វិទ្យុជាតិកម្ពុជា កញ្ញា ខៀវ ណាវីន ថ្ងៃទី១៩ ៦ ២៥

អន្តរជាតិ៖ កិច្ចប្រជុំមន្ត្រីជាន់ខ្ពស់អាស៊ានលើកទី៤៣ ស្តីពីថាមពល (SOME) ដែលប្រព្រឹត្តទៅពីថ្ងៃទី១៦ ដល់ថ្ងៃទី១៨ ខែមិថុនា បានកត់សម្គាល់នូវព្រឹត្តិការណ៍ដ៏សំខាន់ ខណៈដែលប្រទេសជាសមាជិកបានឈានដល់ការឯកភាពគ្នាលើរបៀបវារៈយុទ្ធសាស្ត្រសំខាន់ៗ ដើម្បីពង្រឹងកិច្ចសហប្រតិបត្តិការថាមពលក្នុងតំបន់។ នេះបើយោងតាមការចេញផ្សាយដោយសារព័ត៌មាន Vietnam Plus។ លោកអគ្គលេខាធិការនៃក្រសួងផ្លាស់ប្តូរថាមពល និងការផ្លាស់ប្តូរទឹក (PETRA) របស់ប្រទេសម៉ាឡេស៊ីបាននិយាយថា កិច្ចប្រជុំបានបញ្ចប់ជាមួយឯកសារសំខាន់ៗមួយចំនួន ជាពិសេសអនុស្សរណៈនៃការយោគយល់ (MoU) លើបណ្តាញថាមពលអាស៊ាន (APG) និងផែនការសកម្មភាពអាស៊ានសម្រាប់កិច្ចសហប្រតិបត្តិការថាមពល (APAEC) សម្រាប់ឆ្នាំ២០២៦-២០៣០។ MoU APG ដែលត្រូវបានកែលម្អនឹងត្រូវប្រើជាប្លង់មេសម្រាប់គម្រោងបណ្តាញអគ្គិសនីឆ្លងព្រំដែន។ រដ្ឋសមាជិកក៏បានពិនិត្យមើលវឌ្ឍនភាពលើវិស័យអាទិភាពចំនួនប្រាំមួយសម្រាប់ឆ្នាំ២០២៥ រួមទាំងការអភិវឌ្ឍក្របខ័ណ្ឌខ្សែក្រោមដី កិច្ចព្រមព្រៀងតាមដានចំពោះកិច្ចព្រមព្រៀងសន្តិសុខប្រេងអាស៊ាន (APSA) ការបើកដំណើរការមូលដ្ឋានទិន្នន័យប្រសិទ្ធភាពថាមពលអាស៊ាន និងការបើកដំណើរការវេទិកាវិនិយោគសម្រាប់ការផ្តួចផ្តើមការកសាងប្រកបដោយនិរន្តរភាព។ គួរបញ្ជាក់ថា កិច្ចប្រជុំនេះមានអ្នកចូលរួមប្រហែល ២៥០នាក់ រួមទាំងមន្ត្រីជាន់ខ្ពស់ថាមពលមកពីប្រទេសសមាជិកអាស៊ានទាំង១០ លេខាធិការដ្ឋានអាស៊ាន មជ្ឈមណ្ឌលថាមពលអាស៊ាន និងដៃគូសន្ទនាអាស៊ានមួយចំនួន ចំណែកទីម័រខាងកើតជាអ្នកសង្កេតការណ៍៕