វិទ្យុជាតិកម្ពុជា កញ្ញា ខៀវ ណាវីន ថ្ងៃទី២៣ ៦ ២៥

អន្តរជាតិ៖ ជំនួយការប្រធានាធិបតីរុស្ស៊ីបាននិយាយនៅក្នុងការឆ្លើយតបទៅនឹងសំណួរអំពីលទ្ធភាពនៃដំណើរទស្សនកិច្ចរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ទៅកាន់សហរដ្ឋអាមេរិក ឬមេដឹកនាំសហរដ្ឋអាមេរិក លោក ដូណាល់ ត្រាំ ទៅកាន់ប្រទេសរុស្ស៊ីនាពេលនេះ គឺមិនមាននៅក្នុងរបៀបវារៈនោះទេ។ នេះបើយោងតាមការចេញផ្សាយដោយសារព័ត៌មាន Tass។ នៅពេលសួរថាតើជំនួបដ៏មានសក្ដានុពលរវាងមេដឹកនាំទាំងពីរអាចធ្វើឡើងនៅប្រទេសទីបីឬយ៉ាងណានោះ លោកបានឆ្លើយថា "វានៅមិនទាន់ច្បាស់នៅឡើយ។ វានឹងអាស្រ័យលើអ្វីដែលភាគីបានយល់ព្រម។ ប៉ុន្តែរហូតមកដល់ពេលនេះ គ្មាននរណាម្នាក់បានពិភាក្សាអំពីរឿងនេះនោះទេ"។ ចាប់តាំងពីដើមឆ្នាំ និងបន្ទាប់ពីការចូលកាន់តំណែងរបស់លោក Trump លោកប្រធានាធិបតីរុស្ស៊ី និងសហរដ្ឋអាមេរិកបានធ្វើការសន្ទនាតាមទូរស័ព្ទសរុបចំនួនប្រាំដង។ ក្នុងអំឡុងពេលនៃការហៅទូរស័ព្ទលើកដំបូង មេដឹកនាំទាំងពីរបានយល់ព្រមរក្សាទំនាក់ទំនងដោយផ្ទាល់ រួមទាំងផែនការសម្រាប់កិច្ចប្រជុំដោយផ្ទាល់៕