វិទ្យុជាតិកម្ពុជា៖ លោក ជួន បូណា ២៦ ០៦ ២៥
ឧត្តរមានជ័យ៖ សម្ដេចតេជោនាយកឧត្តមសេនីយ៍ផុតលេខផ្កាយមាស៥ ហ៊ុន សែន បានមានប្រសាសន៍ថា សម្ដេចកំពុងមកសួរសុខទុក្ខកងទ័ពមន្ត្រីរាជការនិងប្រជាជនភៀសខ្លូននៅក្នុងខេត្តឧត្តរមានជ័យនិងខេត្តព្រះវិហារ។
វត្តមានរបស់សម្តេចមិនចេញមកបញ្ជាដើម្បីជំនួសឲ្យនាយករដ្ឋមន្ត្រីឬរដ្ឋមន្ត្រីក្រសួងការពារជាតិឬអគ្គបញ្ជាការកងទ័ពនោះឡើយតែជាការមកសួរសុខទុក្ខលើកទឹកចិត្តនិងផ្តល់ជំនួយសម្រាប់កងកម្លាំងប្រដាប់អាវុធដែលកំពុងការពារជាតិការពារទឹកដី។ 
សម្ដេចតេជោ ហ៊ុន សែន នាយកឧត្តមសេនីយ៍ផុតលេខផ្កាយមាស៥
 បានបញ្ជាក់ថា បងប្អូនមេបញ្ជាការកងទ័ពបានហៅសម្តេចថា(អគ្គភ័ស្តុភារជាន់ខ្ពស់)។ សម្តេចពេញចិត្តនិងធ្វើកិច្ចការជួយលើការផ្តល់ភស្តុភារ
បន្ថែមលើភស្តុភារដែលរាជរដ្ឋាភិបាលបានផ្តល់ជូន។មុខនាទីនេះមិនតម្រូវឲ្យមានការតែងតាំងនោះទេព្រោះជា
ពាក្យនិយាយលេង។ 
សម្ដេចតេជោនាយកឧត្តមសេនីយ៍ផុតលេខផ្កាយមាស៥ បានអះអាងថា សារព័ត៌មានថៃមួយបានចុះផ្សាយថា សម្តេចដកអគ្គបញ្ជាការកងទ័ពនិងតែងតាំងខ្លួនឯងជាអគ្គបញ្ជាការកងទ័ព ដើម្បីត្រៀមវាយថៃ។
សម្ដេចតេជោសូមផ្តាំទៅវិញថា បើឆ្កួតសូមឆ្កួតតែពួកអ្នកឯងចុះ។ 
សម្ដេចតេជោហ៊ុន សែន ជាមនុស្សទី២បន្ទាប់ពីព្រះមហាក្សត្រ
តើមានការចាំបាច់ទេ ដើម្បីទៅធ្វើជាអគ្គបញ្ជាការកងទ័ពដោយខ្លួនឯងនោះ ដែលសូម្បីតែតួនាទីជានាយករដ្ឋមន្ត្រី
ក៏សម្តេចមិនបន្តធ្វើដែរនោះ?។
ឈប់បានឈប់ទៅនិងសូមកុំចូលមកឈ្លានពានFacebook សម្ដេចតេជោ តទៅទៀត៕