រដ្ឋបាលរាជធានីភ្នំពេញចែកសម្លៀកបំពាក់ និងប័ណ្ណមូលនិធិសមធម៌សុខាភិបាលជូនអ្នកធាក់ស៊ីក្លូជិត ៤០០នាក់

Narith | ថ្ងៃទី 12 ខែ កក្កដា ឆ្នាំ 2025

វិទ្យុជាតិកម្ពុជា៖ ដោយ ចន ណារិទ្ធ
រាជធានីភ្នំពេញ៖ លោកស្រី ដោ សម្ភស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញបានឱ្យដឹងថា យោងប្រសាសន៍ដឹកនាំរបស់ឯកឧត្តម ឃួង ស្រេង អភិបាលនៃគណះអភិបាលរាជធានីភ្នំពេញ និងជាប្រធានក្រុមប្រឹក្សាភិបាលមូលនិធិត្រីចក្រយានកម្ពុជា នៅព្រឹកថ្ងៃទី ១២ ខែកក្កដានេះ ក្រុមការងារលេខាធិការដ្ឋានសមាគមបានរៀបចំចែកនូវសម្លៀកបំពាក់ និងប័ណ្ណមូលនិធិសមធម៌សុខាភិបាលជូនលោកតា លោកអុំប្រកបរបរធាក់ស៊ីក្លូ ដែលជាសមាជិករបស់សមាគមចំនួនជិត ៤០០នាក់។
សូមបញ្ជាក់ថា៖ ក្នុងមួយឆ្នាំពួកគាត់ទទួលបានសម្លៀកបំពាក់២ ឈុត ថវិកាឧបត្ថម្ភប្រចាំថ្ងៃម្នាក់ ចំនួន៧.០០០រៀល បណ្ណមូលនិធិសប្បុរសធម៌សុខាភិបាលសម្រាប់ទទួលបានការពិនិត្យ ព្យាបាលជំងឺដោយឥតបង់ថ្លៃនៅមន្ទីរពេទ្យនានា ព្រមទាំងការឧបត្តម្ភគាំទ្រជាប់ជាប្រចាំពីមូលនិធិនេះ៕