ក្រុងហុងកុងស៊ើបអង្កេតការស្លាប់របស់បុរសម្នាក់ដែលបានទទួលវ៉ាក់សាំងការពារCovid-19 

 

វិទ្យុជាតិកម្ពុជា កញ្ញា ខៀវ ណាវីន ថ្ងៃទី០៣ ខែមីនា ឆ្នាំ២០២១

MC. អាជ្ញាធរទីក្រុងហុងកុង កាលពីថ្ងៃអង្គារទី២ខែមិនា បានរាយការណ៍ពីការស្លាប់របស់បុរសម្នាក់ដែលមានជំងឺរ៉ាំរ៉ៃ ពោលគឺ ២ ថ្ងៃបន្ទាប់ពីគាត់បានចាក់វ៉ាក់សាំងការពារជំងឺCovid-19 ហើយបាននិយាយថា វាឆាប់ពេកក្នុងការសន្និដ្ឋានថា វ៉ាក់សាំងនេះទាក់ទងនឹងការស្លាប់របស់គាត់ឬយ៉ាងណានោះ។

នេះបើយោងតាមការចេញផ្សាយរបស់សារព័ត៌មានCNA នៅថ្ងៃពុធ ទី០៣ខែមីនា។ 

ការស្លាប់របស់បុរសនេះបានកើតឡើងមិនដល់មួយសប្តាហ៍ផងបន្ទាប់ពីក្រុងហុងកុងបានចាប់ផ្តើមកម្មវិធីចាក់វ៉ាក់សាំងរបស់ខ្លួនសម្រាប់ជនដែលមានអាទិភាពនិងក្រុមដែលមានហានិភ័យនៅក្នុងទីក្រុង។

បុរសអាយុ ៦៣ ឆ្នាំរូបនេះបានចាក់វ៉ាក់សាំងការពារCovid-19 នៅថ្ងៃទី ២៦ ខែកុម្ភៈនៅកន្លែងចាក់វ៉ាក់សាំង ដែលកំណត់ដោយ រដ្ឋាភិបាល និងដកដង្ហើមខ្លីៗនៅ ២ ថ្ងៃក្រោយមក គឺនៅថ្ងៃទី ២៨ ខែកុម្ភៈ។ នេះបើយោងតាមសេចក្តីថ្លែងការណ៍របស់អាជ្ញាធរសុខភាពកាលពីយប់ថ្ងៃអង្គារ។អាជ្ញាធរសុខាភិបាលក្រុងហុងកុងបាននិយាយថាការស្លាប់របស់បុរសនោះកំពុងស្ថិតក្រោមការស៊ើបអង្កេតនៅឡើយ។ប្រជាជនជាង ៤ ម៉ឺននាក់នៅទីក្រុងហុងកុងបានចាក់វ៉ាក់សាំងចាប់តាំងពីថ្ងៃសុក្រសប្ដាហ៍មុន នៅពេលដែលការចាក់វ៉ាក់សាំង បានចាប់ផ្តើម។ រហូតមកដល់ពេលនេះមានមនុស្សជាង ២៥៤,០០០ នាក់ហើយ បានចុះឈ្មោះដើម្បីចាក់វ៉ាក់សាំងនេះ៕

Comments

Related posts

សារសំឡេងសម្តេចតេជោ ហ៊ុន សែន៖ ខ្ញុំសូមបញ្ជាដាច់ខាត បងប្អូននៅផ្ទះណា ត្រូវនៅផ្ទះហ្នឹង! ដាច់ខាត!

សារសំឡេងសម្តេចតេជោ ហ៊ុន សែន៖ ខ្ញុំសូមបញ្ជាដាច់ខាត បងប្អូននៅផ្ទះណា ត្រូវនៅផ្ទះហ្នឹង! ដាច់ខាត!

សារសំឡេងសម្តេចតេជោ ហ៊ុន សែន៖ ខ្ញុំសូមបញ្ជាដាច់ខាត បងប្អូននៅផ្ទះណា ត្រូវនៅផ្ទះហ្នឹង! ដាច់ខាត!